قصة (اخيرا قابلتك ) الحلقة السادسة عشر رومنسية اوي

{ ريــم } : ان شاء الله ....بس ....{ شهنده } : بس ايه؟؟؟؟؟؟
{ ريــم } : ---------
{ شهنده } : ريم انتي بتعيطي في ايه؟
{ ريــم } : ندمانه علي كل السنين اللي قضتها مع عمرو و خايفه اوي علاقتي بيه تضيع مني مازن
{ شهنده } : هتضيعه ازاي يعني هو انتي مش قولتيله علي اللي كان بينك و بينه
{ ريــم } : لا كدبت عليه قولتله اني مرتبطش بحد قبل كده
{ شهنده } : و ليه قولتي كده
{ ريــم } : كنت مكسوفه من علاقتي بيه حسيت زي ما قلتلك عيال بيحبوا بعض و مراهقه و كمان مكنتش حابه احكي حاجه عن عمرو لانه بجد صدمني فيه اوي
{ شهنده } : خلاص يا ريم مازن هيعرف منين يعني؟
{ ريــم } : يعني ايه انا لازم اقوله مينفعش حاجه زي دي اخبيها عنه لما يعرفها مني احسن ما يعرفها من غيري
{ شهنده } : تفتكري لو عرفها هيكون رد فعله ايه اكيد هتنعدم ثقته فيكي و مش بعيد ابدا انه يسيبك لانه مش هيقدر يجدد ثقته فيكي بعد ما كدبتي عليه كدبه زي دي و مش بالساهل يعديها احنا نسيبها لربنا و بعدين هو هيعرف منين صعب اوي انه يعرف حاجه زي دي
{ ريــم } : عندك حق اكيد هيسبني ده اكتر حاجه بيكرها هو الكدب و دي مش اي كدبه
{ شهنده } : ايوه و بعدين كمان افتكري كويس ان مازن صعيدي ايوه ميبانش عليه و حياته كلها بره الصعيد لكن في الاول و في الاخر صعيدي و حاجه زي دي مش هيفوتها بسهوله مهما كان حبه ليكي
{ ريــم } : خلاص انا مش هقوله حاجه و ربنا يستر و يسامحني علي كدبتي دي
شهنده: ان شاء الله

و جيه يوم السفر العصر الساعه 5
{ مازن } : حبيبتي انا هحاول اكلمك كل يوم و كمان من وقت للتاني هدخل سيبر اكلمك من هناك
{ ريــم } : هتوحشني اوي مع انك مش معايا و لا بشوفك لكن طول ماانت بعيد عن بيتك و اهلك و اصحابك بحس انك متغرب عني انا كمان
{ مازن } : انتي كمان هتوحشيني اوي و ان شاء الله هحاول احسسك اني معاكي و هدوشك كل يوم اتصالات و مسجات
{ ريــم } : ان شاء الله يا حبيبي خلي بالك من نفسك
{ مازن } : ان شاء الله و انتي كمان خلي بالك من نفسك و افتكري دايما ان في واحد بيحبك اوي و بيخاف عليكي حتي من نفسك
{ ريــم } : و انا بحب الواحد ده اوي و عشان خاطره نفسي هتبقي في عيوني و هحافظ عليها
{ مازن } : انتي اجمل بنوته في الدنيا
و سكتوا شويه مش كتير
{ ريــم } : ايه يا حبيبي انا معطلاك مش كده
{ مازن } : لا ابدا يا حبيبتي انا بس عاوز اطلب منك طلب بس عشان خاطري متكسفنيش
{ ريــم } :عيوني امرني و انا انفذ
{ مازن } : الامر لله وحده انا بس عاوز ااااه ااااه
{ ريــم } : ها عاوز ايه؟؟؟؟
{ مازن } : عاوز اشوف صورتك ممكن ؟؟؟
{ ريــم } : من حقك طبعا يا حبيبي لازم تشوف صورتي بس انا معنديش صور حاليا عالجهاز بس وعد مني هنزل صور ليا و هوريهالك
{ مازن } : ياااااه ليه الحظ ده ده انا مسافر زياده عن شهر
{ ريــم } : مش انت قلت من وقت للتاني هتدخل سيبر تكلمني نت
{ مازن } : ايون ان شاء الله
{ ريــم } : خلاص قبلها بيوم قولي و انا هنزل صور عالجهاز اتفقنا
{ مازن } : بس كده خلاص احنا النهارده اهه بقولك يا ريم يا حبيبتي انا بكره هدخل سيبر و اكلمك من هناك تكوني محضرالي احلي صور لاحلي قمر عشان اشوفه ماشي
{ ريــم } : ههههههههه يا مجنون حرام عليك نفسك ده انت مش هتنام النهارده خالص و المفروض انك هتوصل علي الضهر و تنام يبقي هتكلمني امته
{ مازن } : مالكيش دعوه انتي انا بصرف اموري و بعدين انا ممكن منامش اسبوع عادي خالص
{ ريــم } : لاعيب كوره ايه ده... ورق... حرام عليك ياابني ... لازم تنام طبعا و تخلي بالك من صحتك مش كده ده جنان و بعدين مينفعش انزل صور خالص بكره صعب اوي
{ مازن } : اممممممم قولي كده مينفعش طيب طيب
{ ريــم } : بس يا وحش لا طبعا الاهم اني خايفه عليك و لازم تخلي بالك من نفسك عشان خاطري
{ مازن } : عارف يا حبيبتي بهزر معاكي خلاص نخليها بعد بكره
{ ريــم } : يالهوي حاضر بعد بكره بس لما نتكلم بكره هقولك هقدر و لالا عشان متحطش امل و يطلع علي مفيش
{ مازن } : اااااه طيب ماشي يا حبيبتي خلاص و بعدين عادي انا عارف صورتك اساسا شوفتك قبل كده
ريموفتني ازاي
{ مازن } : في خيالي ماانا رسمتك في خيالي و في قلبي و في عقلي و روحي و حافظ ملامحك من قبل مااشوفك و عارف انك قمر يا قمر
{ ريــم } : عسل يا منيل
{ مازن } : ايه ده بت اتلمي ايه منيل دي في واحده محترمه تقول لحبيبها يا منيل عيبه في حقي و الله اتهزقت يا مازن اتهزقت و مكنش يومك يا مازن
{ ريــم } : يالهوي معلش يا روحي غلطه لسان ماانت عارف لساني
{ مازن } : اه عارفه اطول حاجه فيكي يا قزعه
{ ريــم } : ههههههههه كده يعني دي جزاتي اني قلتلك اني قصيره شويه
{ مازن } : شويه 150 سم دي شويه يا قزعه
{ ريــم } : خلاص بقي بتكثف و بعدين ايه يعني مش عاجبك و لا يكنش مش عاجبك
{ مازن } :: لالالا عاجبني و نص كمان انا اقدر اتكلم
بحبك
{ ريــم } : و انا بحبك اوي
{ مازن } : ربنا يخليكي ليا يا حبيبتي يا عسل بقولك معلش انا لازم اقوم دلوقتي في حاجات نسيت اشتريها امبارح و لازم اجيبها دلوقتي
{ ريــم } : ماشي يا حبيبي هتوحشني
و{ مازن } : و انتي هتوحشيني اوي بقولك عاوز اسمع صوتك ماشي موافقه صح اول ما اخرج من البيت هكلمك يلا سلام
{ ريــم } : ههههههه ماشي يا حبيبي سلام
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ
{ عـمرو } : اوووووووف تليفونها مشغول بقاله اكتر من ربع ساعه بتكلم مين دي
{ اسـلام } : عادي يمكن بتكلم حد من صحابها
{ عـمرو } : و الله صحابها ربع ساعه اه جايز
{ اسـلام } : اهدي ياابني في ايه دلوقتي هتخلص ابقي اسالها
{ عـمرو } : مش باينلها خلاص امبارح برده كان كده حاولت اتصل بيها و لقيت تليفونها مشغول كده مش فاهم في ايه انا حاسس ان....
{ اسـلام } : ان ايه متخليش عقلك ياخدك لبعيد
{ عـمرو } : و انت شايف تفسير تاني؟؟
{ اسـلام } : الله اعلم بظروفها و بعدين مالك حارق دمك كده ليه يا حبيبي انسي بقي ريم خلاص مبقتش تخصك دي بقت حره تعمل اللي هي عيزاه كان زمان تقدر تحاسبها علي حاجه زي دي لكن دلوقتي بصفتك ايه ماانت قطعت كل الخيوط ما بينكوا
{ عـمرو } : ايه الهبل اللي بتقوله ده لما ريم متخصنيش امال تخص مين؟
{ اسـلام } : ريم بقت حره نفسها دلوقتي و محدش يقدر يلوم عليها لو ارتبطت بحد تاني
{ عـمرو } : ايه بتقول ايه انت اتجننت ترتبط بحد تاني لا يا حبيبي ريم دي ملكي انا لوحدي محدش يقدر ياخدها مني
{ اسـلام } : ملكك نقي الفاظك الاول و بعدين اتكلم
{ عـمرو } : ايوه ملكي و حبيبتي انا لوحدي و محدش هياخدها مني
{ اسـلام } : اتمني يا عمرو ربنا ميخيبش املك و الله بتمني ترجعوا لبعض بجد
{ عـمرو } : طيب شكرا يااخويا ...ايوه رن اهه
ريم* يادي النيله عاوز ايه ده بقي...هو مش ناوي يسبني في حالي ... يااخي ارحمني بقي .. انت مش بعتني و خلصنا ...انا مش هرد عليه ايوه مش هرد ... انا دلوقتي بحب واحد تاني و مخلصاله و مينفعش اكلم حد تاني حتي لو كان عمرو
عمرو رمي الموبايل بكل قوته علي السرير
{ عـمرو } : مبتردش يبقي اللي في دماغي صح
{ اسـلام } : ياابني حاول تقدر الظروف يمكن في حاجه متظلمهاش
{ عـمرو } : ظروف اه طيب يا ريم انا هبعتلها رساله و اشوف هترد بايه
ريم * ياربي و بعدين بقي ايه الرساله دي.. لزمتها ايه دلوقتي حرام عليك يااخي سبني في حالي بقي... ايوه انا لازم اقوله ايوه هقوله هو ده الحل الوحيد اللي هيخليه يبعد عني ده عمرو يعني الكرامه عنده فوق اي اعتبار صح كده
و نشوف ريم هتعمل ايه مع عمرو بس الحلقه الجايه

شارك الموضوع

مواضيع ذات صلة