قصة ( اخيرا قابلتك ) الحلقة العاشرة رومنسية اووي

روحت ريم و دخلت علي اللاب توب علي طول و اول ما فتحت اميلها لقت مازن فاتح
اترددت تفتح معاه هي الكلام و فضلت ساكته فات دقيقه اتنين و خمس دقايق و فجاه
مازن: ايه يا ست ريم طب ارمي السلام
{ ريــم } : ايه ده انت فاتح سوري يا مازن مخدتش بالي
مازن: لا يا شيخه علي اساس ان اميلي ده خيال و لا يكنش انا اوف لاين و انا مش واخد بالي
ريم استغربت اوي من الداخله اللي داخلها فيها مازن و عماله تكلم نفسها ماله ده بيكلمني كده ليه
{ ريــم } : ايه يا مازن مالك يا ابني داخل فيا شمال كده ليه عالعموم انا اسفه
{ مازن } : ههههههههه يا هبله انتي زعلتي و لا ايه يا بت
{ ريــم } : اخدت نفس عميق : يخربيتك وقعت قلبي انا افتكرتك زعلت بجد و مش هتكلمني تاني
{ مازن } : مش بقولك هبله ازيك عامله ايه؟
{ ريــم } : الحمد لله تمام و انت؟
{ مازن } : تمااااام الحمد لله مفتحتيش ليه بعد صلاه العصر انا فضلت مستنيكي
{ ريــم } : لا صليت و قلت اخرج شويه
{ مازن } : اممممم خرجتي تتفسحي ايوه يا عم محدش قدك
{ ريــم } : لا و الله ابدا انا روحت لصحبتي
{ مازن } : اسمها ايه صحبتك؟
{ ريــم } : و انت مالك
{ مازن } : الله الله اتعلمتي تردي اهه يا لكمه
{ ريــم } : ـــــــــــــ
{ مازن } : ايه مبترديش ليه انتي زعلتي
{ ريــم } : لا ابدا بس مستغرباك شويه
مازن: ههههههه عشان داخل فيكي شمال و بكلمك و كاني عارفك من سنين صح؟
{ ريــم } : صح
{ مازن } : انا كده مع كل الناس اكلم اي حد من اول مره اخد عليه و اعتبره صاحبي و اكلمه كده بس لو هتزعلي يبقي بلاش و اكلمك ميري ها ايه رايك
{ ريــم } : لا ابدا مش زعلانه خالص انا كمان بحب كده بس استغربت لاني لسه عرفاك النهارده بس لكن عادي مش زعلانه و لا حاجه
{ مازن } : طب تمام كويس انك بتحبي كده اصل انا معرفش اتكلم ميري خالص
{ ريــم } : لا يا سيدي عك براحتك
{ مازن } : انا عكاك يا بت انتي يوم ما تنطقي تشتمي عمك مازن
{ ريــم } : عمي يا عم روح ال عمي ال
{ مازن } : انتي تطولي اني ابقي عمك ده ايه العيال دي انا غلطان اني بكلم عيال
{ ريــم } : عيال!!!
{ مازن } : تااااااااااني يا بت خليكي منعنشه بقي متبقيش كده
{ ريــم } : ماشي يا عم المنعنش
{ مازن } : تصدقي نسيت اسالك عندك كام سنه
{ ريــم } : 17 و نص في اولي جامعه كليه زباله كده اسمها تربيه تسمع عنها
{ مازن } : ايه الرغي ده كله ايوه يا ستي عارفها هو انا من بوركينا فاسو
{ ريــم } : ههههههه طب و انت؟
{ مازن } : احم احم انا عمك مازن 18 سنه و نص برده في تانيه تجاره و لا عيب كره مستقبلا ان شاء الله
{ ريــم } : يا راجل بتلعب كوره فين في الشارع طبعا في الخرابه الا ورا بيتكوا صح
{ مازن } : الخرابه دي تلعبي فيها انتي ال خرابه ال انا في فريق كبير يا امي
{ ريــم } : الاهلي؟؟؟؟؟
{ مازن } : اهلي ايه بس و زمالك ايه بس الله يسامحك لا يا ستي مش قوي كده هو فريق في الصعيد عندنا بس ساعات بيتحط في قايمه الدوري يعني و بدون ذكر اسماء مش عاوز افتكر
{ ريــم } : امممممممم اوك بلاش ذكر اسماء " و مش ناوي تفوت عالاهلي في طريقك ده بيقولوا بيقولوا يعني انه فريق كبير
{ مازن } : يااااااااااااااريت من بقك لباب السما ياختي قولي يارب
{ ريــم } : ان شاء الله شكلك لعيب شاطر
{ مازن } : بيقولوا كده بس الواسطه عامله عمايلها معانا
{ ريــم } : ازاي؟
{ مازن } : يعني عشان اتنقل لفريق كبير عاوز واسطه كبيره
{ ريــم } : و انت معندكش واسطه؟
{ مازن } : عندي بس ان جيتي للحق مش عاوز استعمل الواسطه الا لو يأس خالص انا عايز مجهودي هو اللي ويديني فريق كبير زي الاهلي مش واسطه
{ ريــم } : و الله كويس اوي مفيش حد زيك كده دلوقتي
{ مازن } :لا في كتير بس انتي مبتدوريش
{ ريــم } : جايز
{ مازن } : قوليلي بقي انتي مرتبطه ؟؟
{ ريــم } : اتفجات بالسؤال و فكرت شويه و بعد كده قالت: لا
{ مازن } : تمااااااام و لا كنتي
السؤال ده وقع علي ريم و كانه حجر طوب شلها عن الكلام و الحركه لكن تمالكت اعصابها و كان ردها: برده لا
{ مازن } : تمام تمام
{ ريــم } : و انت؟
{ مازن } : لا انا كنت مرتبط
{ ريــم } : اممممم و هي اللي سابتك و لا كالعاده الولاد هما اللي بيخونوا و يخدعوا
{ مازن } : ليه يعني دايما انا مسبتهاش علي فكره هي اللي للاسف سابتني و مش عارف ليه لحد دلوقتي
{ ريــم } : طب احكيلي و لا مش عاوزني اقلب المواجع
{ مازن } : مواجع ايه لالالا خالص بصي يا ستي اولا انا ملحقتش احبها اساسا انا بس كنت معجب بيها يعني كانت جميله و شخصيه كويسه و محترمه بس فرحت قلتلها انا معجب بيكي قالتلي و انا كمان معجبه بيك بس و ارتبطنا فتره و الله ما كملت شهر و لقتها جايه تقولي انا اسفه يا مازن مش هقدر اكمل سامحني و قالتلي كلمه عمري ما هنساها ابدا
{ ريــم } : كلمه ايه؟
{ مازن } : قالتلي انا اسفه يا مازن انا هروح و هسيبك بس عارفه ان لو لفيت العالم كله مش هلاقي حد زيك
{ ريــم } : امممم غريبه طب ليه سابتك
{ مازن } : مش عارف مسالتهاش و مفكرتش اسالها فكك بقي من الموضوع ده
{ ريــم } : انت ادايقت اني فكرتك
{ مازن } : لا ابدا يا بنتي بقلك انا ملحقتش احبها ده كان مجرد اعجاب
{ ريــم } : اوك ربنا يعوض عليك
{ مازن } : يارب" كلميني بقي شويه عن نفسك
{ ريــم } : بنت عاديه اوي عايشه في الدنيا ضيفه لحد لما يخلص عمري عشان ارتاح في قبري
{ مازن } : يا ساتر يارب ايه يا بنتي الياس ده يخربيتك
{ ريــم } : لا مش ياس و لا حاجه ده الواقع
{ مازن } :بس شكل في حاجه كبيره اوي حصلتلك و مخلياكي كده
ريم اتهربت من السؤال بصتعه لطافه: ها و انت كلمني عن نفسك شويه شكلك مصيبه
{ مازن } : امممم بتهربي من كلامي طيب انا مش مصيبه و لا حاجه و الله انسان عادي بحب الناس كلها و بحب اخدم الناس و اشوفهم فرحانين ليا 3 اخوات بنيتن وولد و ليا 5 اصحاب انتيم زي العسل كلهم زيي كده بس شفتي الكلام الموزون مش قبري و ضيفه يا معقده
{ ريــم } : هههههههه ماشي انا عندي اخ واحد علي فكره و صاحبتين انتيم
{ مازن } : و حد سالك
{ ريــم } : ايه الرخامه دي
{ مازن } : بت احترمي نفسك ايه ايه سكتناله انا صعيدي يا بت و مقبلش حد يكلمني كده اه حتي لو البت ريم
{ ريــم } : اه صح فكرتني انت بتتكلم صعيدي زي اللي في التلفزيون كده
{ مازن } : تؤ يا بنتي الدنيا اتطورت و بعدين انا عايش في محافظه و مركز كبير و مش كل الصعايده دلوقتي بيتكلموا زي اللي في المسلسلات العربي دول كمان انا حياتي كلها سفر بسبب الكوره يمكن شهر و لا اتنين اللي بقضيهم في بيتنا و الباقي سفر و غربه انا نص حياتي من و انا في اعدادي في القاهره و اليكس
{ ريــم } : اممممممم و الله كويس
{ مازن } : ماانا عارف انا ممكن اقفل بقي يا حاجه الواد احمد عمال ينده بقاله ربع ساعه في الشارع و انا عامل مش سامع
{ ريــم } : احمد مين
{ مازن } : انتي لسه هتسالي احمد صاحبي عاوزه حاجه طب وفرتي سلام لا اله الا الله
{ ريــم } : ههههههههه محمد رسول الله
و قفلوا و الكلام لسه مخلصش ما بينهم
تاني يوم ريم لقت موبايله بيرن نمره مين عمرو
{ ريــم } : اوووووه و بعدين بقي ده مبيغلبش
ردت عليه
{ ريــم } : الو
{ عمــرو } : الو ازيك يا ريمو
{ ريــم } : الحمد لله
{ عمــرو } :اخبار شهنده ايه؟
{ ريــم } : انت عاوز ايه يا عمرو
{ عمــرو } : انا متصل اطمن عليكي مش اكتر
{ ريــم } : امممم طب انا كويسه الحمد لله تمام اوي
{ عمــرو } : يارب دايما
{ ريــم } : ان شاء الله هيبقي دايما
{ عمــرو } :: اوك يا ريم ان شاء الله ممكن اسالك سؤال؟؟

شارك الموضوع

مواضيع ذات صلة