قصة (اخيرا قابلتك ) الحلقة الثالثه عشر رومنسية اوي

سكتوا شويه و ريم بتفكر هتعمل ايه في غيابه و ازاي مش هتكلمه الفتره دي
و فجأه اخدت قرار مهم
{ ريــم } : مازن اديني رقمك
مازن شاف الكلمه و كان هيطير من الفرحه اخيرا هسمع صوتك يا ريم
{ مازن } : بابتسامه عريضه و استهبال: رقم ايه؟
{ ريــم } : هيكون رقم ايه يعني رقم موبايلك يا اخي
{ مازن } : ااااه .....لا
{ ريــم } : باندهاش : لا ايه؟؟
{ مازن } : لا مش هدهولك
{ ريــم } : و الله براحتك انا اساسا غلطانه اني طلبته اتهبلت انا عشان اطلب رقمك
{ مازن } : هههههههه 01....... خدي الرقم اهه
{ ريــم } : و مين قالك اني عيزاه و لا حتي هاخده
و كانت فعلا نقلته لا و كمان حفظته
{ مازن } : يا بت يعني مش سيفتيه عندك دلوقتي و منور الموبايل
{ ريــم } : لا نقلته بس لسه مسيفتوش
{ مازن } : مبتعرفيش تكدبي بيبان عليكي
{ ريــم } : طيب ياخويا
{ مازن } : طب ايه؟
{ ريــم } : ايه ايه؟؟؟
{ مازن } : رقمك اخباره ايه؟
{ ريــم } : كويس بيسلم عليك
{ مازن } : لا و الله طب سلميلي عليه..... هنستعبط هاتي الرقم
{ ريــم } : لا طبعا مش هديلك الرقم
{ مازن } : وشه جاب الوان: يعني ايه مش فاهم امال واخده رقمي ليه؟
{ ريــم } : انا هبقي اتصل بيك من اي موبايل بره لكن رقمي لا
{ مازن } : زعل اوي من كلامها: يااااااااااه للدرجادي معندكيش ثقه فيا
{ ريــم } : مش موضوع ثقه يا مازن بس .......
{ مازن } : خلالالالالاص يا ريم من غير بس انا مش عايز منك حاجه و مبكلمش حد مبيثقش فيا انا عندي اخوات بنات و بحبهم اكتر من نفسي و عمري ما اذيت بنت و لا عمري هاذي اي بنت لاني عارف ان اي حاجه هعملها هتتردلي يا في اختي يا في مراتي يا في بنتي و الحمد لله معنديش خصله النداله
{ ريــم } : انا اسفه انا فعلا مكنتش قاصده اني ازعلك
{ مازن } : لا متتاسفيش و انتي عندك حق تخافي علي نفسك انا اللي مفروض اتاسف لاني طلبته منك للمره التانيه بدون وجهه حق بس صدقيني غصب عني انا اسف
كلام مازن اثر اوي في ريم و زعلت اوي من نفسها انها زعلته و بينتله عدم ثقتها فيه مع انها من جواها كانت بتثق فيه جدا اكتر من اي حد و قررت تديله الرقم
{ ريــم } : رقمي اهه 01 بس امانه عليك تحافظ عليه اعتبره رقم ريهام اختك
{ مازن } : انا مش هاخد الرقم يا ريم بجد خلاص مش عايزه و مدام هتتصلي تطمنيني عليكي ده يكفيني
{ ريــم } : طب و لو قلتلك عشان خاطري تاخده
{ مازن } : خاطرك ده غالي عليا اوي حاضر هاخد الرقم و من غير ما توصيني عليه انا عندي استعداد احطك جوه عنيا مش رقمك بس
ريم حالها اتشقلب من الكلمتين دول
**معقوله يا مازن كل يوه بتاكدلي الشك اللي في دماغي بس ازاي ازاي و انت
مشفتنيش و لا حتي سمعت صوتي ازاي يا مازن اتعلقت بيا كده
{ مازن } : انتي بتهزري يا ريم؟
{ ريــم } : في ايه؟
{ مازن } : الرقم اللي ادتهولي مغلق
{ ريــم } : يالهوي رنيت عليه
{ مازن } : ايوه رنيت و لقيته مغلق افهم من كده ايه بقي ان شاء الله
{ ريــم } : علي فكره الموبايل فصل شحن من ساعه تقريبا و حطيته عالشحن ونسيت افتحه و هو بره جنب ايمن اخويا و كانت هتبقي مصيبتي مصيبتين لو كان مفتوح و رنيت و شاف رقم غريب بيرنلي يالهوي الحمد لله كنت هتوديني في داهيه يا مازن
{ مازن } : اووووبس ايمن لا الحمد لله و معلش عشان شكيت انك ادتيني رقم غلط
{ ريــم } : لا ابدا عادي و عالعموم هبقي ارن عليك لما اقفل معاك عشان تطمن
{ مازن } : ما قولنا خلاص فكي بوذك ده شكلك وحش
ريم بصت في المرايا اللي قدامها و قعدت تضحك
** هههههههه يخربيته عرف منين اني اضايقت الواد ده هيجنني و الله انا بحس انه عايش معايا و شايفني
{ مازن } : رحتي فين لسه زعلانه و لا فكتيها
{ ريــم } : خلاص فكناها
{ مازن } : طيب تمام بقلك استملي كده الصوره دي
{ ريــم } : صوره ايه؟
{ مازن } : دي صوره لشله اصحابي و انا في وسطهم يلا وريني هتعرفيني و لالا
{ ريــم } : اممممممم اوك بس انا هنقي الاحلي و اقولك انت ده لو مطلعتش حد من اللي نقتهم هقفل في وشك ههههههههه
{ مازن } : يالهوي عليكي يا بت ايه النداله دي ان شاء الله هطلع احلي واحد فيهم
وصلت الصوره لريم و فيها 6 شباب كلهم مش عاجبينها معادا اتنين بس واحد لابس تيشرت اصفر و التاني تيشرت كحلي
{ مازن } : ها حزري فزري انا مين فيهم
{ ريــم } : اممممممم اقول و ربنا يستر هما اتنين عاجبني في الصوره دي.. شيك و في وشهم طيبه و رجوله كده
{ مازن } : انتي هتقعدي تحللي العيال خلصي
{ ريــم } : طيب متشخطش كده انت اللي لابس اصفر او اللي لابس كحلي
مازن: يا بنت الايه فكك من الكحلي ده خليكي في الاصفر عرفتي ازاي
{ ريــم } : هههههههه ايه ده ده بجد يعني انت الاصفر اللي واقف متنحلي ده ههههه وحش اوي
{ مازن } : و الله نصابه ده انتي لسه قايله بلسانك هختار احلي اتنين
{ ريــم } : بصراحه فعلا هما احلي اتنين بس الاصفر احلي كمان من الكحلي و الله
{ مازن } : يا بت؟
{ ريــم } : انا قلت و الله
مازن: ماشي يا ست ريم متشكرين عالمجامله الحلوه دي
{ ريــم } : مجامله ايه يا ابني انا اعرفك.... انت بعتلي صوره و عرفتك من غير ما تقولي و قولت رايي من غير ما اعرف انه انت... فين المجامله بقي ان شاء الله
{ مازن } : ماشي يا قمر بس انتي اكيد احلي مني صح
{ ريــم } : لا مش اوي
{ مازن } :لالالا اكيد احلي بكتير عارفه انتي لو شبهه ابو جهل برده هــ.... هــ.... هكلمك يعني
{ ريــم } : كداب و نصاب و الله لو شفت صورتي و مش عجبتك و لا هتعبرني تاني
{ مازن } : لا و الله ابدا يا بنتي انا اخر حاجه افكر فيها في البنت شكلها انا يهمني الروح الاخلاق التدين الشكل ده اخر حاجه ممكن افكر فيها
* ريم يعني ازاي يعني ايه العك اللي بيعكه ده انت حبتني بجد و لا ايه
{ ريــم } : تقصد ايه يعني؟
{ مازن } : ها لا و لا حاجه انا هقوم بقي عشان عايز اشتري شويه حاجات للسفر و الله ما عايز اسيبك بس غصب عني لازم اقوم
{ ريــم } : اوك يا مازن و لا يهمك ... هتكلمني قبل ما تسافر نت و لا خلاص كده
{ مازن } : مش عارف اصل الوقت ضيق اوي بس اوعدك هحاول و لو معرفتش هابقي اكلمك موبايل مش ده رقمك برده و لا رقم غلط
{ ريــم } : امشي يا مازن من هنا بدل ما ارتكب فيك جريمه
{ مازن } : ههههههههه ياريت
{ ريــم } : ياريت ايه؟
{ مازن } : ياريت تبقي معايا و اعملي فيا اللي انتي عيزاه
{ ريــم } :قفلت عالموضوع بسرعه: روح يلا بقي عشان متتاخرش
{ مازن } : حاضر يا ريمو بس ممكن طلب؟
{ ريــم } : طلب ايه؟
{ مازن } : ممكن اكلمك باليل
{ ريــم } : ايوه بس يا مازن
{ مازن } : عشان خاطري اسمع صوتك بس
{ ريــم } : بس انا مش ضامنه ظروفي معرفش ايمن ممكن يبقي قاعد معايا و معرفش ارد عليك
{ مازن } : حاولي لو مش هتعرفي تردي كنسلي عليا بس لو ينفع ياريم متحرمنيش اني اسمع صوتك دقيقه واحده
{ ريــم } : ماشي يا مازن موافقه
{ مازن } : ميرسي يا احلي ريم انا همشي بقي و هكلمك باليل متنسيش تستنيني
خلي بالك من نفسك
{ ريــم } : حاضر ان شاء الله و انت كمان
{ مازن } : حاضر يا قمر لا اله الا الله
{ ريــم } : محمد رسول الله
بعد الحوار ده ريم اتاكدت من الشك اللي جواها و خصوصا بعد ما وراها صورته و الكلام اللي قاله بعدها كانت بتحاول تكدب نفسها كتير لكن هو كان بياكدلها الشك ده كل يوم اكتر من اللي قلبه و الغريبه ان ريم مكنتش بتشك في كلامه و لا كان عندها حتي مجرد احساس انه بيضحك عليها و انه زي الشباب التانين اللي بيضحكوا عالبنات في النت و يقنعوهم انهم بيحبوهم
شهنده زارت ريم في اليوم ده و حكتيلها علي كل اللي حصل بينها و بين مازن
{ شهنده } : ايه الواد ده بيعمل معاكي كده ليه عايز ايه؟
{ ريــم } : يارتني كنت اعرف انا مخنوقه اوي من الحوار ده كله
{ شهنده } : ريم.. مازن ده مش حد وحش و مبيلعبش عليكي و لا هو زي الشباب التانين... انا امنيه صاحبتي حكتلي علي حوارات كتير مع شباب في النت برضه لكن مازن ده غيرهم الكلام ده بقولهولك عشان لازم تاخدي قرار سريع في موضوع مازن ده قبل ما يكبر اكتر من كده
{ ريــم } : قرار ايه؟؟؟
{ شهنده } : لازم تبعدي عنه لازم
{ ريــم } : ابعد عنه؟؟؟؟!!!
{ شهنده } : ايوه يا ريم لازم تبعدي عنه لو كان غالي عليكي لازم تبعدي مازن لو حبك بجد هيتعب معاكي و خصوصا ان حب زي حب النت ده لما بيبقي حقيقي بيبقي اصدق حب و انتي لسه خارجه من ازمه عمرو مستحيل ينفع توافقي ترتبطي بيه لو صرحلك بحبه و صعب اوي تجرحيه كمان لو فكرتي توافقي يبقي بتظلميه لانك لسه بتحبي عمرو
{ ريــم } : انا مبحبش حد و مقدرش ابعد عن مازن صعب ابعد عن الانسان الوحيد اللي خرجني من ازمتي و هو حتي ميعرفش اللي فيا انا معرفش يعدي عليا يوم من غير ما اكلمه
{ شهنده } : يعني ايه حبتيه؟
{ ريــم } : معرفش و مش فاهمه انا ايه اللي بيحصلي بس مقدرش ابعد عنه
{ شهنده } : ريم انت لسه خارجه من صدمع عمرو من كام شهر بس و لسه سايبه اثر كبير في حياتك بس اوعي تخليهاسبب في جرح لانسان ميستاهلش منك الجرح ده
{ ريــم } : خلاص يا شهنده لو سمحتي قفلي عالموضوع ده دلوقتي
{ شهنده } : حاضر يا ريم بس فكري في كلامي كويس و ابعد عنه ده لمصلحتك و لمصلحته صدقيني
ريم قاطعتها بصوت عالي: ارجوكي يا شهنده ارجوكي اسكتي
{ شهنده } : حاضر يا ريم خلاص
ريم فكرت في كلام شهنده كتير و خافت علي مازن منها خافت تجرحه زي ما شهنده قالت خافت تكون عايزه تداوي جرح عمرو علي حساب حد تاني و خصوصا لو كان حد زي مازن
بس قررت تسيب الموضوع للايام و خصوصا ان اللي في دماغها مجرد شك في حاجه لسه محصلتش و كانت بتدعي من جواها انها متحصلش
جيه الليل و ريم كانت مستنيه مكالمه من مازن لكن اتاخر اوي
**ايه الواد ده فاكر نفسه ايه عشان يقولي هكلمك و ميتكلمش انا اللي غلطانه واضح اني بقيت بعمل تصرفات و انا مش في وعيي رقمي ده ايه اللي ادنهوله ده انا اعرفه منين عشان اديله رقمي انا غبيه اوي غبيه بس لا و الله لاوريه انا لازم ارد كرامتي حرام بقي كل واحد يبعزق فيها شويه هو انا ايه و الله لاحرق دمه زي مابيحرق في دمي و قعدت تفكر هتعمل ايه
_________________________________

شارك الموضوع

مواضيع ذات صلة