قصة ( اخيرا قابلتك ) الحلقة الخامسة عشر رومنسية اوي

ريم فكرت كتير اوي قبل ما تسال سؤالها ده و اخدت قرار انها تساله بعد ما قعدت مع نفسها في اليوم ده بعد
مكالمتها مع مازن و بعد ما سمعت صوته قعدت تفكر في كل اللي بيحصل و تدور علي مبررات لتعلقها الشديد بمازن و انها مبقتش تقدر تبعد عنه و انه بقي جزء اساسي من حياتها عشان كده قررت تفتح هي الموضوع معاه
{ ريــم } : مازن ممكن اسالك سؤال؟
{ مازن } : سؤال واحد بس اسالي ميه
{ ريــم } : لا هو واحد ... انا ابقي بالنسبالك ايه؟؟؟
مازن اتلخبط اوي و عرق و مبقاش عارف يرد مع انه نفسه يقولها كل اللي في قلبه
لكن كان عاوز يتاكد الاول من حقيقه مشاعر ريم ناحيته
{ مازن } : انتي يا ريم غاليه اوي علي قلبي و بحب اتكلم معاكي و ....
ريم: و ايه كمل
{ مازن } : ...............
{ ريــم } : : مازن انا يوم ما عرفتك كنت ضايعه و مخنوقه من حياتي و عيشتي و كنت بتمني الموت عشان اخلص من حياتي كنت حاسه اني لوحدي مفيش حد فاهمني و لا حد بيحس بيا عشان كده دخلت شاتات و كلمت شباب كنت عارفه ان اللي بعمله ده غلط و مع ذلك كنت مستمتعه اوي باللي بعمله لكن من بعد ما ظهرت في حياتي انا اتغيرت 180 درجه معرفش ازاي قدرت تغير فيا الحاجات دي كلها حببتني في الدنيا و في الناس لاول مره في حياتي احس ان في حد فاهمني اوي كده و بيقدر يحس بيا من غير ما اتكلم انت بجد مليت فراغ كبير اوي كان هيقتلني و بقيت بالنسبالي اغلي انسان في حياتي
{ مازن } : اغلي انسان في حياتك ريم انتي ....... انتي بتحبيني؟؟؟
{ ريــم } : ...............
{ مازن } : عشان خاطري ردي عليا بتحبيني انا نفسي اسمعها منك اوي
{ ريــم } : انا عارفه ان انت مستغرب كلامي و مكنتش تتوقعه بس انا نفسي مكنتش متوقعه ابدا اني هحبك كل الحب ده
{ مازن } : الــــــــلـــــــــــه الله عليكي يااجمل ريم انا كمان بحبك بحبك اوووووي
{ ريــم } : انا عارفه انك بتحبني و حاسه بيك من زمان
{ مازن } : : انا طاير انا مش مصدق عيوني انتي اللي كاتبه الكلام ده ... ده احلي يوم مر عليا في حياتي انا هعمل اي حاجه عشان اجيلك و اشوفك و لو اني ميهمنيش شكلك لاني متاكد انك ملكه جمال انا بحبك كده زي ماانتي بحبك اوي
{ ريــم } : انا كمان بحبك اوي و نفسي نكمل مع بعض انت اكتر انسان بيفهمني و يحس بيا
{ مازن } : ان شاء الله هنكمل و نفضل مع بعض العمر كله هعمل اي حاجه و كل حاجه عشان تبقي ليا و ابقي ليكي هموت نفسي في المذاكره و الكوره لازم اكبر باذن الله عشان الليق بيكي يا قمري اللي هينورلي طريقي و مستقبلي اللي جاي
{ ريــم } : ربنا يخليك ليا يارب .. و دلوقتي قوم بقي عشان تحضر شنطتك
{ مازن } : لا اقوم ايه انا مش قايم من هنا انا قاعد مع حبيبتي.. علي فكره انا قلت لريهام اختي
{ ريــم } : قلتلها ايه ؟
{ مازن } : قلتلها اني بحبك ده انا لسه قايلها دلوقتي لما قلتلك ثواني
{ ريــم } : انت بتتكلم بجد طب كان رد فعلها ايه؟
{ مازن } : هي خايفه من شويه حاجات بس انا طمنتها و ان شاء الله هطمنها اكتر و خصوصا لما اعرفها عليكي يا قلبي
{ ريــم } : حاجات ايه؟؟
{ مازن } : بعدين بقي ابقي اقولك خلينا فينا دلوقتي
{ ريــم } : اااااااه اوك يلا قوم بقي عشان تنام
{ مازن } : يا حبيبتي انا عايز افضل معاكي شويه
{ ريــم } : لا لازم تقوم كمان عشان تنام الوقت اتاخر و انت عندك سفر بكره طويل اوي
{ مازن } : زهقتي مني و لا ايه؟
{ ريــم } : انا ازهق منك انا نفسي اعيش معاك عمري كله ... بس انا خايفه عليك
{ مازن } : ربنا يخليكي ليا يا حبيبتي يارب ... حاضر انا هقوم بس اول ما تصحي رنيلي عشان اكلمك ممكن
{ ريــم } : حاضر يا حبيبي
{ مازن } : الله علي حبيبي ايه الجمال ده و الله عسل
{ ريــم } : خلاص بقي يا بكاش
{ مازن } : ماشي يا عسل سلام
كلام ريم مكنش متوقع ابدا لحد
بالنسبه لمازن اخر حاجه كان يتوقعها ان ريم تقوله انها بتحبه قبل ما هو يقول مع انه كان حاسس انها عارفه و حاسه بيه.. كان فرحان اوي و سعيد جدا باللي حصل و مش مصدق انه اخيرا قلبه دق و حب البنت اللي فيها كل المواصفات اللي بيتمناها و كمان هي بتبادله نفس الشعور خرج من الاوضه جري علي ريهام يحكيلها اللي حصل
{ مازن } : ريهام ... ريهام يااحلي ريهام وحشتيني بحبك نفسي احضنك و احضن الدنيا كلها
{ ريهـام } : سلامتك يا واد في ايه؟
{ مازن } : انا حاسس اني بحلم مش ممكن تكون حقيقه اللي انا فيها دي ابدا
{ ريهـام } : ايه ياابني اقعد كده و اصحي معايا من الحلم اللي انت عايشلي فيه ده و قولي حصل ايه؟
{ مازن } : طلعت بتحبني و الله بتحبني انتي مش مصدقاني بتحبني
{ ريهـام } : خلالالالاص مصدقاك انت قولتلها؟
{ مازن } : ها اه قولتلها اني بحبها و هي قالتلي و انا بحبك و قالتلي كلام حلو اوي يا ريهام انا فرحان اوي و بحبها اوي
ريهام فضلت تبص لمازن و هو بيتكلم عن ريم و الفرحه ماليه عنيه و قلبه مش مصدقه انها شايفه الفرحه دي في عيون اخوها اول مره تشوف في عنيه الحب ده كله لكن في نفس الوقت كانت خايفه عليه من العلاقه دي خايفه تطلع بنت مش كويسه تجرح قلبه و تضيعه
{ ريهـام } : ربنا يفرحك كمان و كمان يا حبيبي... بس انا قلقانه
{ مازن } : لا عشان خاطري شيلي قلقك ده من قلبك اخوكي عاقل و بكره اثبتلك اني عرفت اختار بس تقفي جنبي انتي الانسانه الوحيده اللي هتقدر تساعدني
{ ريهـام } : انا اقف جنبك في اي حاجه بس تكون في مصلحتك
{ مازن } : ان شاء الله هتكون مصلحتي و مستقبلي و عمري كله اللي جاي
{ ريهـام } : ان شاء الله يا حبيبي
اما ريم فقفلت مع مازن و كانت في نفس حاله تقريبا فرحانه اوي بيه و بحبه ليها من غير حتي ما يشوفها لكن في لحظه اتقلبت الفرحه لدموع غرقت خدودها لما افتكرت قصتها مع عمرو و قد ايه هي كانت غلطانه اوي انها ارتبطت بيه و انها كانت علاقه غلط من الاول و ما هي الا حب مراهقين عمره ما حس بيها عمره ما فهمها و كانوا دايما في خلافات علي حاجات هايفه كانت ندمانه علي كل لحظه قضتها معاه و في نفس الوقت كانت زعلانه اوي من نفسها انها خبت علي مازن علاقتها بعمرو و انها الكدبه الوحيده اللي كدبتها عليه لكنها مش اي كدبه دي ممكن تضيع مازن منها في لحظه لو عرف بعلاقتها بعمرو و طول السنين دي
تاني يوم اتصلت بشهنده
{ ريــم } : ازيك يا شاهي
{ شهنده } : الحمد لله ازيك انتي يا ريمو وحشاني اوي يا بت
{ ريــم } : انا تمام بقولك فاضيه شويه عايزه اجي اقعد معاكي
{ شهنده } : طبعا و لو مش فاضيه افضالك تعالي طبعا يا حبي
{ ريــم } : اوك نص ساعه و اكون عندك
{ شهنده } : انتي بتقولي ايه؟؟؟
{ ريــم } : بقولك اني بحب مازن و قلتله كده امبارح
{ شهنده } : لا انتي مجنونه رسمي بتحبيه ازاي و امته ده حصل و كمان قولتيله انا مش فاهمه حاجه خالص
{ ريــم } : بصي يا شهنده انا عارفه انك مستغربه اللي حصل و مستغربه حبي لمازن عشان عمرو.. انا اكتشفت ان حبي لعمرو ده ما هو الا حب مراهقين و احنا كنا في فتره كله بيمر بيها.. عمرو انا كنت اوقات كتير بحس انه عادي بالنسبالي يمكن لما سابني اثر فيا فراقه لاني اتعودت علي وجوده معايا كمان لاني كنت مخلصه اوي ليه لكن هو طلع ندل معايا و باعني مع اول نزوه قابلته لكن حبي لمازن مختلف عارفه لما تحسي انك مجنونه بحد متقدريش تستغني عنه متستحمليش عليه الهوا تحبي تتكلمي معاه و تبقي معاه طول الوقت لما تحسي ان في حد فاهمك و عارف حتي كلامك اللي عايزه تقوليه من قبل ما تقوليه حد بيقدر يخفف عنك كل همومك حتي لو مكنش عارف ايه هي لما احس انه بقي حته مني جزء من كياني و قلبي لما الاقي نفسي بفكر فيه ليل و نهار مش مهتميه بحاجه غير بيه بحفظ كلامه اللي بيقوله مقدرش ارفضله طلب هو ده الحب اللي كنت بتمناه ..قلب مازن هو القلب اللي حبيته و بحبه و هفضل احبه
{ شهنده } : ايه يا بت الكلام الكبير ده اتعلمتيه فين انا عمري ما شفتك بتتكلمي عن حد كده
{ ريــم } : ايوه لاني حبيت حب حقيقي عارفه اقولك علي سر يمكن اول مره اقوله انا بقالي مع عمرو كام سنه مش 3 سنين و كنا داخلين في الرابعه كلمه بحبك دي مسمعهاش مني غير مرتين و بعد ما اتحايل عليا اكتر من ساعه انه يسمعها مكنتش بقدر اقولها كنت بحسها تقيله اوي علي لساني بتخرج بالعافيه
{ شهنده } : انا مش عارفه اقولك ايه بس انا فرحانه اوي لفرحتك اللي ماليه عنيكي دي و نفسي تفضلي فرحانه كده علي طول
{ ريــم } : بس ادعيلي يا شهنده انا و مازن علاقتنا دي مش سهله ابدا لا اهلي و لا اهله هيقبلوها و لا الناس عموما هيقبلوا حب النت ده
{ شهنده } : فعلا محدش بيقبله عالرغم انه اصدق و اشرف حب ده لسه مشافش صورتك و بيحبك كده امال لما يشوفك هيحبك ازاي
{ ريــم } : ربنا يستر.. تعرفي انه قال لاخته
{ شهنده } : بتتكلمي بجد؟؟
{ ريــم } : اه و الله قالها امبارح
{ شهنده } : و قالت ايه؟
{ ريــم } : مرضيش يقولي قالت ايه بس قالي انها قلقانه من شويه حاجات اكيد قلقانه اني اكون بنت مش كويسه من بنات النت اياهم و هي عندها حق
{ شهنده } : اه عندها حق بس بكره تعرف انك اجمل بنت في الدنيا ياحبي
{ ريــم } : ان شاء الله ....بس ....
{ شهنده } : بس ايه؟؟؟؟؟؟

شارك الموضوع

مواضيع ذات صلة