قصة الفستان الابيض رومانسية جداا (الفصل الثانى عشر ) الاخيرة


الحلقة الثاني عشر((الاخيرة))
انا : ماما ماما ماما
هو يوسف كان يقولك اية قبل ما ينزل
ماما : ها .............
انا : يا ماما قولي بقي كان عايزك في اية ! بلاش الحبتين دول عليه
ماما : كان بيستاذن يكلمك النهاردة علي تليفون البيت
انا : هااااا نعم ولية بقي ان شاء الله ( في سري هية هية هية عايزة اعرف باقي حكاية الفستان الابيض)
ماما : طيب خلاص بلاش تكلمية هبقي ارد علية واقوله انك مش عايزة تكلمية
انا : وانا قلت كدة بردة !!!
ماما : الله دوختيني معاكي
انا : خلاص خلاص
ترن ترن ترن ترن (تليفون البيت )
ماما : الحمد لله
يوسف : ديما يا طنط ...هي بسنت موجودة ؟
ماما : طبعا طبعا ...ثواني انديها
يا بسنت يا بسنت
انا : ايوة يا ماما
ماما :تعالي ردي علي التليفون
انا : حاضر يا ماما
ماما :خدي التليفون
انا : مين مين ؟
ماما : اتكلمي بس
انا : السلام عليكم ورحمة الله وبركاته
يوسف : وعليكم السلام ورحمة الله وبركاته
ازيك يا انسة بسنت
انا :اء اء اء الحمد لله
يوسف : مالك مرتبكة لية كدة انا اتصل في وقت غير مناسب ولا حاجة ؟؟
انا : امممم لالا ابدا
يوسف : انا استأذنت من طنط اني اكلمك
انا : طبعا خير خير
يوسف : بس كنت عايز اعرف في قبول ولالا
انا : ............................................................
يوسف : معلش لو كان السؤال صريح بس معلش !
انا : خير خير ان شاء الله
يوسف : طيب علي خير ان شاء الله كدة اقدر اطمن
انا : ( هو انا بحلم ولا اية ) ان شاء الله
يوسف : طيب هو ممكن ان شاء الله نتفق علي كل حاجة قريب
ولا انتي عندك رأي تاني
انا : ...............................( الصمت الرهيب )
يوسف : انسة بسنت انسة بسنت
انا : ها ها ايوة
يوسف: خير خير
انا : لالا ابدا مع حضرتك
يوسف : لسة حضرتك
انا : طيب
يوسف : طيب اية
انا : طيب بقي
يوسف: اه ............فهمت انا مبسوط اوي علي فكرة
انا : علي فكرة اية
يوسف: علي فكرة مبسوط ههههههههههههه
انا : هههههههههههههههههههههههههههه (باين دا نصيبي ولا اية انا اول مرة اتقبل شخص كدا يارب خير)
انا : يوسف
يوسف: يااااااااااااااااه اخيرا اسمي بقي حر
انا : لالا اسفة والله
يوسف: اسفة علي اية يا بسنت
انا : (ارتباك )
يوسف : طيب كنتي بتنادي لية كنت عايزة تقولي حاجة
انا : لالا ابدا
يوسف : لالا بجد عايز اعرف
انا : بصراحة بصراحة عايزة اعرف بقيت الفستان الابيض
يوسف : طيب نص الحكاية التاني ما ينفعش دلوقتي لان لازم حاجة تحصل قبل ما تعرفيها
ان : طيب
يوسف : طيب علي خير انا اتفقت مع طنط ان ان شاء الله الاتفاقات هتبقي بكرة بعد صلاه العشاء
انا : ها ها
يوسف : اية الميعاد مش مناسبك
انا : لالا مش قصدي (اية فيلم عبد الحليم الي انا عياشة دا هو دا بجد ولا حلم )
يوسف : طيب خلاص بكرة بأذن الله
اسيبك في امان الله
انا : شكرا
يوسف : مع السلامة
انا : سلام
تررن ترن ترررن جرس البيت

يوسف وماماتة واخته مني (صحبتي )
ماما : اهلا اهلا
مامة العريس : اهلا يا حبيبتي والله قعدتك ما يتشبعش منها
ماما : ولا انتي يا حبيبتي
اخت العريس : امال بسنت فين يا طنط
ماما : جية اية يا عيون طنط
انا : السلام عليكم ورحمة الله وبركاته
يوسف: وعليكم السلام ورحمة الله وبركاته ( قام وقف )
ماما : تعالي يا بسنت سلمي علي طنط
مامة يوسف : لالالا طنط اية بقي تقولي ماما علي طول
ولا نعترضي عشان يبقلها ام تانية
ماما : لالالا كدة احسن
انا :^_^ مكسووووووفة

وحصلت الاتفاقات واتفقوا علي الشقة والعفش وميعاد كتب الكتاب
يوسف : نقرأ الفاتحة
انا وماما وماما 2 ويوسف وطنط ديحة وميزو بســـــــــم الله
يوسف : مبروووك
انا : الله يبارك فيك
وقاعدنا كلنا نشرب العصير و ناكل الحلويات والجاتوة بقي

للاسف مكنش فية خطوبة بس يوسف عوضني لان قال كدة افضل عشان يبقي ربنا راضي عننا وان الجواز مش هيتأخر عن 5 شهور
وبعد اسبوعين
......................................
يوم كتب الكتاااااااااااب ــــــــــــــــ كان اسعد يوم في حياتي
هقولكم لية اصبروا اصبرو
بعد ما المأذون : كتب الكتاب والزغاريط وطنط ديحة ونوسة وماما وصحابنا
كلهم جم وزغاريط
يوسف : طق طق طق طق
انا : مييين
يوسف : انا
اصحابي : هههههههههههههههههههه
نوسة : ايوة يا دكتور يوسف عايز حاجة
يوسف : عايز حاجة غالية اوي ممكن تناديلي عليها
نوسة : هي اية دي يا دكتور يوسف
يوسف: عرررررررروستي
نوسة : هههههههههه دا لعبة كنا بنلعبها زمان
يوسف : عشان خطري طلعلولي عروستي
انا : خلاص بقي افتحوله
نوسة : ابتدا ابتدا
يوسف : طب قوللها الحكاية ايها كنت عايز اكملهالها ( حكاية الفستان الابيض )
انا : احكي من ورا الباب
يوسف : اية العذاب دا يا بسنت انا شايل حاجة تقيلة
انا : لا كمل الحكاية ولا شكلك هتضحك عليا ومش هنكملها
يوسف : امري الي الله ..... كنا وقفنا لاحد فين يا بسنت
انا : مش فاكرة احكي من الاول عشان اصحابي يسمعوا
يوسف : ههههههههههه وانتي معاك كام صاحبة جوا
انا : حوالي 12
يوسف : بس ههههههه حكايتي هتبقي علي الهواء
انا : معلش بقي عشان خطري دا اول طلب
يوسف : حاضر عيوني
(من وانا في اولي اعدادي وانا بحوش فلوس في حصلتي ...فبابا جية سألني وانا في ثانوي اية الفلوس دي كلها وهتعمل بيها اية !
قلت هطلع عمره من مصروفي وفعلا في اولي كلية طلعت عمرة ودعيت كتيررر وانا هناك دعيت ربنا ان يرزقني ببنت الحلال
واما رجعت بردة فضلت احوش فلوس زي ما بدأت وانا صغير بس كان لهدف تاني خالص !!!!
يوسف : اه هدف تاني .... وبصراحة كان حلم حلمته بعد دخولي كلية طب علي طول
يوسف : كدا يا بنات انا خلصت الجزء الي تعرفة بسنت
البنات من جوا : كمل يلا كمل بجد يلا يلا
يوسف : حاضر
بس لازم تفتحوا الباب عشان لازم الكلام وجة لوجة
انا : لا مش هفتح
البنات : افتحي يا بسنت افتحي عايزين نعرف الحكاية
انا : حاضر خلاص خلاص بقي
يوسف: التاني بقي كنت بحوش عشان عشان عشــــــــــــــــان
البنات : ها ها هااااااااااااااااا بقي
يوسف :
وفي ايدة علبة كبيرة وقالي يلا يا عروستي انا كنت بحوش عشان اجيب احلي
(فســـــــــــــــــــــــــــــــــــــــــــــــــــــــــــــــتان ابيض )
(لاحلي ملــــــــــــــــــــــكة في دنيتي كلـــــها )
وكدة خلصت حكاية الفستان الابيض

شارك الموضوع

مواضيع ذات صلة