اخيرا قابلتك الحلقة التانية

خلصت الحصه و ريم مشيت في طريقها مع ندي و هما ماشين ندي مبطلتش كلام عن عمرو
{ نــدي } : ايه رايك يا ريم في الواد الامور اللي ورتهولك ده؟
{ريــم} : اي ولد؟
{ نــدي } : معقوله يا ريم مش مركزه معايا خالص
{ريــم} : يا هبله بهزر معاكي عارفه بتتكلمي عن الواد اللي اسمه عمرو
{ نــدي } : بجد اسمه عمرو اسمه حلو اوي يخربيته بس عرفتي منين؟؟
{ريــم} : و عامله فيها ناصحه مش الاستاذ طلب من كل واحد يقول اسمه و لا انتي مش مركزه غير مع سي عمرو
{ نــدي } : اها صح و الله فعلا مش مركزه في حاجه
{ريــم} : لا هتفلحي
{ نــدي } : بطلي رخامه بقي ..تفتكري ممكن يحصل ؟؟
{ريــم} : ليه لا مش بتقولي طول الحصه منزلش عينه من عليكي و كمان عاجبك بس ربنا يستر و يطلع انسان محترم و كويس اصل انا عمري ما وثقت في اي ولد
{ نــدي } : لالالا شكله محترم اوي و ابن ناس
{ريــم} : لما نشوف
__________________________
و في نفس الوقت عمرو مع اسلام بيتكلموا في نفس الموضوع
{ عمــرو } : بس البت ريم دي عسل وشكلها محترمه
{ إســلام } : لحقت عرفت انها عسل و كمان محترمه ده انت معلق معاها جامد بقي ايه يا عم عمرو ده اللي بيسموه وقع علي بوذه من اول نظره
{ عمــرو } : شكلي كده يا اسلام البت مش راضيه تطلع من دماغي
{ إســلام } : اها ما انا واخد بالي منزلتش عينك عليها من اول الحصه و صاحبتها اللي كانت معاها خدت بالها علي فكره
{ عمــرو } : بجد يعني ممكن يكونوا بيتكلموا عني دلوقتي
{ إســلام } : انا عارف يمكن ليه لا
{ عمــرو } : يااااااااااارب
و اسلام يبصلوا باستغراب اوي
{ إســلام } : طيب يا روميو
_________________________________
و تعدي ايام ورا ايام و عمرو كل يوم يتعلق بريم و مش عارف يكلمها ازاي و لا يوصلها ازاي اعجابه بيها و شايف انها و لا في دماغها و هيتجنن
و ندي مبقتش تتكلم عن حد غيير عن عمرو لحد ما بقت مهوسه بيه مبتفوتش موقف بيعمله عمرو الا و تعلق عليه لحد لما في يوم كان يوم جمعه و الاستاذ عبد المنعم بتاع الانجليزي لغي حصه الخميس و خلاها الجمعه الصبح و كالعاده ريم بتعدي علي ندي قبل الدرس
{ريــم} : ايه ده يا ندي انتي ملبستيش ليه؟
{ نــدي } : انا مش هقدر اروح يا ريم النهارده الدرس
{ريــم} : ليه
{ نــدي } : تعبانه شويه من ساعه ما صحيت اصلي منمتش كويس
{ريــم} : طيب يا ندي الف سلامه انا همشي انا عاوزه حاجه؟
{ نــدي } : الله يسلمك هتروحي الدرس انتي لوحدك؟
{ريــم} : اها هروح بقي هعمل ايه
{ نــدي } : طيب يا ريم سلام
و تمشي ريم في طريقها و قبل ما تعدي شارع ندي تلاقي المفاجأه
من بعيد تشوف ريم عمرو جاي من بعيد
{ريــم} : في سرها : ايه ده عمرو ..ايه اللي جابه هنا ده.. لالالالا اكيد مش هو. لا هو ..جاي يعمل ايه ده هنا.. يا عيني عليكي يا ندي كان لازم تتعبي النهارده.. يارب يعدي من تحت بيتها و تكون واقفه في البلكونه
_______________
{ عمــرو } برده في سره : الله اكبر ايه اليوم الحلو ده ..قال و انا صاحي مكسل و مش عاوز اروح الدرس ..بس بتعمل ايه هنا شكلها ساكنه هنا و لا ايه
و يقربوا من بعض و عمرو مش منزل عينه من عليها و ريم مستنيه يقرب و يعديها عشان تبص وراها تشوف هيمشي منين و ياتري هيعدي علي بيت ندي و لالا و فعلا يعدي عمرو
و تتلفت ريم وراها عشان تلاقي اللي مكنتش تتوقعه
{ريــم} مع نفسها : ايه ده مش ممكن بيبص وراه ليه ده.. معقول لالالا مش ممكن يارب انا هتفلت تاني و اشوف يارب ما يتلفت وراه تاني
و تتلفت ريم تاني وراها و تلاقيه المره دي واقف و مش منزل عينه من عليها و مبتسم اوي ليها لحد لما عدت الشارع و هي هتتجنن مش عارفه ايه اللي بيحصل
{ريــم} : ياربي ايه اللي ببحصل ده.. معقول انا.. لا طب و صاحبتي.. انا مش مصدقه ده بجد يارب اكون بحلم.. اعمل ايه اقولها ازاي بس لازم تعرف عشان تشيل الموضوع ده من دماغها يارب دبرني
_______________________
{ عمــرو } : ياااااااااااااااااااااه ريم بتبصلي.. ريم بصت وراها.. انا في حلم ده و لا ايه يا خرابي ده احلي درس و احلي يوم في حياتي انا بعد اللي حصل ده لازم اقولها مينفعش اسكت اكتر من كده لازم اتصرف
ـــــــــــــــــــــــــ ـــــــــــــــــــــــــ ــــــــــــــــــــ
راحت ريم الدرس بتاعها و طول الحصه مش مركزه و لا عارفه هتعمل ايه و لا هتقول لندي ايه لحد لما قررت تعدي عليها بعد الدرس و ربنا بقي يلهمها بالكلام اللي هتقوله و فعلا بعد الدرس تعدي ريم علي ندي
{ نــدي } : كويس انك عديتي عليا قوليلي بقي اخدتوا ايه في الدرس؟
ريم منزلتش عينها من علي ندي و مش قادره ترد عليها
{ نــدي } : ايه يا ريم في ايه الاستاذ زعق علي غيابي و لا حاجه
{ريــم} : لا بس في حاجه كده حصلت و لازم تعرفيها
{ نــدي } : ايه في ايه؟
{ريــم} : اصل و انا ماشيه...........
{ نــدي } : ها ايه اللي حصل؟
{ريــم} : عمرو
{ نــدي } : ماله عمرو ايه شفتيه
{ريــم} : اها شفته
{ نــدي } : بجد و الله يخربيت حظي عرفاه مقندل ..قوليلي بقي علي اللي حصل بالتفصيل
{ريــم} : اصل اللي حصل مش عارفه احكهولك.. ازاي بصي يا ندي انا همشي دلوقتي و احكيلك بكره في المدرسه
{ نــدي } : استني هنا مش هتمشي الا لما تحكيلي ايه اللي حصل؟؟؟
{ريــم} : بصي يا ندي انصحك معدتيش تفكري في عمرو ده تاني ده ميستاهلكيش انا حاسه انه مش محترم اساسا
{ نــدي } : ليه حصل ايه اتكلمي يا ريم
{ريــم} : انا هقولك علي اللي حصل بس و الله و غلاوتك عندي انا ماليش ذنب و حياه ربنا انا عارفه انك مش هتصدقيني بس و الله ما هكدب عليكي في حاجه من اللي هقولها
{ نــدي } : طيب قولي
و تحكي ريم كل اللي حصل لندي
__________________________________
و نكمل بكرة الحلقه الجايه و نعرف رد فعل ندي علي كلام ريم كان ايه 
آن شآء الله آلحلقة الجديدة بكرة فى نفس الميعاد 

شارك الموضوع

مواضيع ذات صلة