قصة الفستان الابيض رومانسية جداا (الفصل التاسع )


الحلقة التاسعة

طنط ديحة : ها يا توحة اية الاخبار ؟

ماما : والله الولد كويس جدا واخلاق ومش بيرفع عينه خالص

طنط ديحة : طب وعيلتة ؟

ماما : كويسين مامتة كويسة اوووووي

واختة كانت زميله بسنت

هما مقبوليين بس لسة هنشوف رأي بسنت

.......................................

نوسة : ها قوليلي اية الاخبار ؟

انا : مش عارفة

نوسة : طب هو عسول قمور محترم ..........

انا : مش عارفة

نوسة : طب اتكلمتي قولتوا اية

انا : مش عارفة

نوسة : هو اية الي مش عارفة مش عارفة

طيب انا لازم اروح عشان اتأخرت اووووووي وامي هتتخانق معايا وخطيبي هيقفش عليا

انا :................

نوسة : طيب اكني بكلم نفسي

سلام يا ام التوهان

ماما : يا بسنت تعاااااااااااااالي يا بسنت

انا : ايوة ايوة جاية اهو

ماما : ها اية رايك ؟

انا : في اية ؟

ماما : انتي بتستهبلي ؟في العريس ؟

انا : يعني مش عارفة لسة يا ماما

طب انتي رايك اية

؟

ماما : مبدئيا مقبوليين

انا : ماشي هصلي صلاة استخارة وارد عليكي

ماما : ربنا يهديكي يارب

طنط ديحة : انشاء الله ربنا يكتبلك كل الخير

انا : يارب

ماما بقولك انا ان شاء الله هسافر انا وزيزو يوم الاتنين وهنرجع الجمعة

ماما : تسافروا فين لالالالا

انا : يا سلام بعد دا كله وبردة لالا يا طنط الحقيني بقي

طنط ديحة : اية يا توحة بقي ما خلاص اخوها هيبقي معها

ماما : طيب خلاص بس اخوكي هيتعطل

انا : لا ما تقلقيش

ماما : طيب وموضوع العريس

انا : لو كلموكي قولي ليهم يوم السبت الي جاي هنرد عليكوا

ماما : ودا ينفع والنبي

انا : هصلي صلاة استخارة في الوقت دا

ماما : ولا بتتهربي مني يا بت

انا : خلاص بقي يا ماما مش عملتلك الي انتي عيزاه سبيني بقي

ماما : طيب حاضر

................................

انا : يا زيزو يا زيزو جهز نفسك هتسافر معايا يوم الاتنين

زيزو : نعم اسافر فين ؟؟؟والمذاكرة الامتحانات ناقص عليها 5 شهور

انا : ههههههههههههه لا ياراجل 5 شهور بحالهم بس

زيزو : طيب وهسافر فين مع حضرتك ؟

انا : لبنان شفت اد اية بقي اختك بتحبك

زيزو :يا سلالالالالالالالالالالالالالالام انا جهاز يلا بينا

انا : مش النهاردة يا واد ركز اليومين دول لاحد يوم الاتنين

ماشي

زيزو : ماشي

............

انا : هو اية الي بيحصلي دا انا مش عارفة اشمعنا يعني الدكتور دا

هو انا صحيح كبرت ولا اية ومستعجلة..... الله منين بقول الشغل همي

ومنين انبسطت واتكسفت لما جية دكتور النهاردة

وبعدين هو اعجب بية ولا كان جاي جواز صالونات

وهو كان عارفني ساعة ما رحت المستشفي ولااتفاجأ زي

يوووووووووه مالي مهتمية كدة لية

ولية شغاله دماغي كدة اهون

شكلي طبيت ولا اية , فوقي يا بسنت احنا ناخد الموضوع بمنتهي العقلانية ....واوعي تنسي شغلك ومستقبلك

الله وانا ماليش نفس اتجوز زي باقي البنات ............يووووة خلاص بقي

انا هقوم اتوضي واصلي احسن


انا : الحمد لله ربنا يتقبل مني يارب اهديني للصالح

اما افتح الفيس شوية

رساله 2

اما نشوف :

من DR.YOUSEF

السلام عليكم ورحمة الله وبركاته

انا اتشرفت بمعرفتك جدا وشكرا ليكي

انا بس مالحقتش اعرفك بنفسي وعارف ان الطريقة دي مش من حقي دلوقتي بس لازم الصورة تكمل عني في ذهنك عشان تقدري تخدي قرار وانا حاسس ان كام سؤال دلوقتي بيدورا في ذهنك فا انا هحاول اجواب عن كل الاسئلة

1- اولا ماشاء الله علي حضرتك جمال_ ادب_ تربية _ علم

2- الي دليني عليكي اني شفتك بالصدفة مع مدير المستشفي لانة مستثمر عندكوا وهو في نفس الوقت مديري للمستشفي الي انا شغال فيها ....وعجبني طريقة ماعملتك واسلوبك وانا اتوصلت ليكي عن مدير المستشفي

3- موضوع المستشفي جت بالصدفة ( القدر زي ما قولتي النهاردة )

الي انا عايزاك تعرفية عني ان بحلم و بسعي اني الاقي البنت الي

تلبسلي انا وبس (الفستان الابيض )

(الفســــــــــــــــــــــــــــــــــــــــــــــــــــــــــــــــــــتان الابيــــــــــــــــــــــــــــــض)

وحكاية الفستان الابيض ان شاء الله لو حصل قبول ( هحكيها لانها حكاية خاصة شوية )

ردك هيساعدني كمان علي اتخاذ القرار

منتظر ردك .....................

انا : ارد ولا ما اردش ....ارد ولا ما اردش .....ارد ولا ما اردش

لو رديت ابقي كدة فتحت مجال للكلام ولو ما رددش تبقي قله زوق مني واني كدة اصلا ابين اني رفضاه يووووووووووووة

انا هدوخ نفسي لية ....يارب ارشديني

ارد علية رد مختصر وواضح وفي نفس الوقت ما اكسفش نفسي

انا : ان شاء الله ردي هيبقي يوم السبت الجاي مع ماما (بعد صلاه الاستخارة ان شاء الله )

من DR.YOUSEF

اسعدني ردك وانا منتظر

شارك الموضوع

مواضيع ذات صلة