اخيرا قابلتك الحلقة الاولي

آلحلقةة آلآولي
ريم في الصف الاول الثانوي بنت رقيقه و تمتاز بقدر من الجمال و الذكاء يخلي الي قدامها ينبهر بشخصيتها و كلامها و اسلوبها في الحوار مكنش ليها اصحاب كتير و ده لانها مخلصه جدا لصديقتها الوحيده ندي اللي كانت مبتفارقهاش في كل مكان من المدرسه للدروس للفسح و الخروجات
تبدأ احداث القصه في اول يوم في المدرسة بعد انتهاء اليوم الدراسي في المدرسه و تبدأ مشكله الدروس و أول درس درس اللغه الفرنسيه
{ريــم} : ياتري يا ندي الفرنساوي ده ايه نظامه زي الانجليزي و لا اصعب اكيد اصعب
{ نــدي } : لالا اتفائلي خير و حياه ابوكي هي مش ناقصه من اولها انا داخله الثانويه دي بقدم رجل و ااخر عشره
{ريــم } : ليه يا بنتي خليكي ايزي يعني انا لحد دلوقتي مش شايفه اي صعوبه
{ نــدي } : انتي لحقتي تحكمي عليها و كمان مفيهاش اي صعوبه ريم ربنا يشفيكي يا حبيبتي
{ريــم } : بس يا بت فين بيت الاستاذ ده خلي اليوم يعدي
{ نــدي } : قربنا اهه
و يوصلوا علي بيت الاستاذ متاخرين كعادتهم من ايام الاعدادي و يشاوروا للاستاذ من بعيد بعد ما يلاقوا المجموعه متكربسه علي الاخر مفيش مكان لنمله حتي تقف و يخرج الاستاذ
{ريــم } : السلام عليكم
الاستاذ : و عليكم السلام
{ريــم } : لو سمحت يااستاذ احنا اولي ثانوي و عايزين ناخد عند حضرتك درس ممكن ندخل؟
الاستاذ : و الساعه كام في ايدك؟
{ريــم } :في سرها : اهلا هي من اولها كده ربنا يستر
الساعه ا ا ا ه خمسه
خمسه و ربع
الاستاذ : و الميعاد الساعه كام؟
{ريـم} :: معلش يا استاذ هو كان في ظروف اخرتنا شويه
الاستاذ : و الله طيب اهي الاوضه عندك لو تعرفوا تدخلوا اتفضلوا
{ نــدي } : بس مفيش مكان خالص يا مستر
فاكره نفسها في درس الانجليزي عند المستر عبد المنعم عكاشه
الاستاذ : خلاص انا هعمل ايه؟؟؟
{ريــم} : طيب مفيش مجموعه تانيه؟
الاستاذ : فيه بس بكره الساعه 2 الضهر يناسبكوا الميعاد ده؟
{ نــدي } : اها يناسبنا اوي نيجي بكره ان شاء الله مفيش مشكله
و ترجع ندي و ريم للبيت بخفي حنين و تاني يوم يتقابلوا بعد المدرسه و المره دي قرروا يروحوا بدري عشان يلحقوا مكان و بالفعل يروحوا بدري ربع ساعه عشان يلاقوا المفاجاه
{ريــم } : بسرعه يا بنتي شويه عايزين نلحقلنا شبر نقعد فيه و لا حتي نقف
{ نــدي } : خلاص قربنا اهه مالوش لازمه بقي الجري لسه ربع ساعه
{ريــم } : ايه ده ... الحقي ده فيه شباب معانا
{ نــدي } : ايه مين شباب لا يلا بينا نمشي لالالالا مش هدخل الدرس ده الاستاذ ده اساسا شكله عبيط مش داخله
{ريــم } : استني ياختي هما يعني هيعملولك ايه
{ نــدي } : يعني ايه هيعملولي ايه لا يا ستي انا مبحبش اخد دروس مع شباب
{ريــم} : يا بنتي استني بس يعني هو احنا لقينا مكان مع البنات و قلنا لا
{ نــدي } : طيب لما نشوف اخرتها
_________________________________________
و في نفس الوقت واقف من بعيد عمرو و معاه صاحبه اسلام عمرو شخصيه جميله اوي ممتاز في كل حاجه شخصيه قويه محترمه و في نفس الوقت شاطر جدا لكن مغرور شويه و ليه اصدقاء كتير اوي
{ عمــرو } : وله الــحق ده فيه معانا بنات
{ إســلام } : يا عم فكك هما دول بنات
{ عمــرو } : يا سيدي اهم اسمهم بنات و خلاص
و فجاه و هو بيلف بعينه ناحيه البنات لمح ريم و ندي من بعيد
{ عمــرو } : اسلام
اسلام بيكلم احمد و سامح
{ عمــرو } : اسلالالالالالالالالالام
{ إســلام } : ايه سرعتني في ايه؟
{ عمــرو } : خليك معايا هنا
{ إســلام } : خير عاوز ايه؟
{ عمــرو } : شايف البنت اللي هناك دي
{ إســلام } : فين دي ما هم اكتر من الهم عالقلب
{ عمــرو } : يابني البنت الي هناك دي
{ إســلام } : اللي لابسه نضاره؟
{ عمــرو } : نضاره ايه يله اللي جنبها
{ إســلام } : اها مالها؟
{ عمــرو } : حلوه اوي
{ إســلام } : يا راجل ايه ناوي تعلقها
{ عمــرو } : تصدق انك تافهه
اسلام : طيب يا عم المهم
و يفضل عمرو معلق مع ريم و يدخلوا الدرس و يفضل طول الحصه باصص لها و منزلش عينه من عليها
و في نفس الوقت
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــ
{ نــدي } : بت يا ريم
{ريــم} : امممممممم
{ نــدي } : بت
{ريــم} : ايه في ايه؟
{ نــدي } : شايفه الواد اللي هناك ده؟
{ريــم} : اي ولد؟
{ نــدي } : انت بتبصي فين ما تخليكي معاكي شويه
(ريــم} : ايه يا ندي في ايه فين الواد ده؟
{ نــدي } : اهه هناك
{ريــم} : اها ماله؟
{ نــدي } : طول الحصه منزلش عينه من عليا
{ريــم} : طيب
( نــدي ) : هو ايه اللي طيب انتي رخمه علي فكره
{ريــم} : ايه بس يا ندي اعمل ايه يعني
( نــدي) : يا بنتي بقلك منزلش عينه من عليا ده امور اوي يا ريم
{ريــم} : طيب يا ندي ربنا يسهل سبيني بقي اركز مع الراجل اللي عمال يبرطم ده و الله ما فاهمه منه اي حاجه يخربيته انا شكلي شيلت الماده لا ماده ايه انا شيلت السنه بحالها انا شكلي هحول صنايع
( نــدي) : ههههههههههـ طيب ابقي حوليلي معاكي
و تخلص الحصه و تمشي ندي و ريم في طريقهم
_______________________________________________________
آن شآء الله آلحلقة آلتآنية بكرة فى نفس الميعاد 

شارك الموضوع

مواضيع ذات صلة