قصة ( اخيرا قابلتك ) الحلقة التاسعة رومنسية اوي

ريم من يوم اللي حصلها و من يوم ظهور نتيجتهاو هي تقريبا متحطمه و حاسه انها ضايعه و مكنتش قادره تفكر في اي حاجه و لا قادره تسمع اي كلام منحد مكنش قدامها غير اللاب توببتاعها المسلي الوحيد ليها ريم واخده دوره في الكمبيوتر و بتفهم فيه كويس اوي و كانت دايما بتلاقي
اللي يسليها و يضيع وقتها لكن بدأت تزهق و قررت انها تجرب الشـــات
ريم كانت بنت عاقله و عارفه يعني ايه شات كمان كانت عارفه مخاطره بس قالت اجرب مش هخسر حاجه و مش هتفرق لاني عمري
ان شاء الله ما هعمل حاجه تغضب ربنا لا عن طريق الشات و لا عن طريق غيره
دخلت ريم عالم الشات و شافت كتير و عرفت
شباب و اتكلمت معاهم في منهم اللي كان بيخفف عنها و يفرحها و في منهم اللي مش محترم و النوعيه دي كانت بتعبد عن الكلام معاهم و تتجنبهم تماما
في يوم كانت قاعده في قمه زهقها و دخلت شات و قعدت تتفرج علي اللي بيكتبوا و تستغرب من كلامهم و تضحك مع ضحكهم و في وسط الاسامي لقت اسم شد انتباهها شخصيه متكلمه خفيفه الظل كمان بيتميز الي حد ما بالغرور مش عاجبه حد و لا فارق معاه كلام حد قررت تسلم و تبدا الكلام معاهم بالسلام
لم بنتيه الي سلامها احد منهم سوي (( انا مش فاهمني))
و ده كان الاسم المستعار الذي اختاره
مازن لنفسه للدخول به الي الشات
مازن شخص محترم يتميز بالتلقائيه و الحنيو الكرم كل اصدقائه يعشقونه لحسن خلقه و صفاته الممتازه كما انه يتميز بعقليه خرافيه و ذكاء غير عادي و يتميز ايضا بحسن تصرفه في الامور بهدوء و حكمه شديده
بدء الحوار بين مازن و ريم في وسط مجموعه من الشباب و البنات الذين يتحدثون في جميع المجالات ريم كانت داخله باسم اسيره الاحزان و هو الاسم الذي
اختارته لنفسها بعد كل ما مرت به من ازمات
{ آسيره الاحـزان } : السلام عليكم و رحمه الله و بركاته
{ آنا مش فاهمني } : و عليكم السلام و رحمه الله و بركاته اهلا يااسيره الاحزان ازيك
{ آسيره الاحـزان } : الحمد لله بخير ازيك انت ياانت مش فاهمك
{ آنا مش فاهمني } : ههههههههه تمام الحمد لله رب العالمين انتي منين بقي
{ آسيره الاحـزان } : بلاد الله واسعه
{ آنا مش فاهمني } : عندك حق بقولك ايه ممكن نتكلم انا و انتي بس
{ آسيره الاحـزان } : ازاي يعني مش فاهمه
{ آنا مش فاهمني } : لا متفهمنيش غلط انا اقصد هنا برده بس لوحدنا بعيد عن الجيش ده
{ آسيره الاحـزان } : اه اوك مفيش مانع
{ آنا مش فاهمني } : قوليلي بقي انتي اسمك ايه
{ آسيره الاحـزان } : اسمي اسيره الاحزان
{ آنا مش فاهمني } : اه مش عايزه تقولي اسمك اوك و انا مش هغصبك علي كده انا اسمي مازن
{ آسيره الاحـزان } : اسمك جميل اوي
{ آنا مش فاهمني } : ربنا يخليكي ده من زوقك ...طب ممكن اعرف انتي منين و لا دي ممنوعه
{ آسيره الاحـزان } : انا من دمياط و انت؟؟
{ آنا مش فاهمني } : اممممم لا انا من بعيد اوي
{ آسيره الاحـزان } : من الصعيد الجواني مثلا
{ آنا مش فاهمني } : هههههههه مش اوي كده اقرب شويه
{ آسيره الاحـزان } : اوووووبس يعني انت صعيدي بجد
{ آنا مش فاهمني } : ايهمالك اتخضيتي كده ليه هما الصعايده وحشين
{ آسيره الاحـزان } : لا ابدا مقصدش و الله دول اجدع ناس طبعا
{ آنا مش فاهمني } : اتريقي اتريقي ياختي انا اساسا مش مستني رايك غصب عنك هما اجدع ناس
{ آسيره الاحـزان } : هههههه خلاص و الله اجدع ناس يا عم متزعلش نفسك
{ آنا مش فاهمني } : ههههه طيب ماانا عارف .....قوليلي بقي ليه اسيره الاحزان يااسيره الاحزان
{ آسيره الاحـزان } : لاني فعلا اسيره الاحزان يمكن فرحتي نادر لما تقابلني و لو قابلتني بتبقي صدفه بتعدي بسرعه و كانها مش من حقي
{ آنا مش فاهمني } : يااااااااااه ده انتي فعلا حزينه اوي بس الدنيا مش مستاهله يابنتي الحزن ده كله
{ آسيره الاحـزان } : اهه نصيبي هعمل ايه... و انت بقي ليه مش فاهمك
{ آنا مش فاهمني } : لاني فعلا مش فاهمني انسان غامض حتي علي نفسي و محتاج حد يفسرني و مش لاقيه
{ آسيره الاحـزان } : هههههههه حلوه
{ آنا مش فاهمني } : انا مبهزرش علي فكره
{ آسيره الاحـزان } : و انا مبتريقش علي فكره
{ آنا مش فاهمني } : امال ايه حلوه دي ؟؟
{ آسيره الاحـزان } : اصل كلامك مبيقولش كده خالص يعني انا شايفه انك انسان واثق من نفسه وواضح انك فاهم كويس انت عاوز ايه
{ آنا مش فاهمني } : ياااه كل ده عرفتيه من الكلمتين دول في خمس دقايق بس
{ آسيره الاحـزان } : لا ياابني انا بقالي اكتر من ساعه قاعده اتفرج علي كلامك انت و الناس اللي عالشات بس لسه بداه اتكلم دلوقتي
{ آنا مش فاهمني } : اممممممم قولتيلي اوك عالعموم ميرسي علي رايك فيا .... بقولك انا لازم اقوم دلوقتي
{ آسيره الاحـزان } : ايه ده انا ممله للدرجادي لحقت تزهق مني؟
{ آنا مش فاهمني } : لالالالالا ابدا و الله بس العصر اذن و لازم اقوم عشان اصلي انتي مش هتقومي تصلي انتي كمان ؟
{ آسيره الاحـزان } : انا لسه كنت هستاذن منك عشان اقوم اصلي انا كمان
{ آنا مش فاهمني } : يعني انتي بتصلي و منتظمه في الصلاه و كده
{ آسيره الاحـزان } : طبعا ياابني اكيد الحمد لله من صغري منتظمه علي الصلاه
{ آنا مش فاهمني } : انا بجد سعيد اني اتعرفت عليكي ممكن طلب
{ آسيره الاحـزان } : اتفضل
{ آنا مش فاهمني } : ممكن ميلك؟؟
{ آسيره الاحـزان } : اممممم اوك مفيش مانع
{ آنا مش فاهمني } : ميرسي اوي مش هتقوليلي اسمك بقي
{ آسيره الاحـزان } : ريم اسمي ريم
{ آنا مش فاهمني } : خربيت جمال اسمك ده انا افتكرت اسم نبويه عطيات عشان كده مش عايزه تقولي
{ آسيره الاحـزان } : هههههههه مش اوي كده روح يلا عشان تصلي و انا كمان هقوم اتوضأ و اصلي
{ آنا مش فاهمني } : اوك لا اله الا الله
{ آسيره الاحـزان } : محمد رسول الله
قفلت ريم مع مازن و راحت تصلي و كانت فرحانه اوي انها اتعرفت علي شخصيه حلوه كده زي مازن و خصوصا انه اول واحد تكلمه و يكلمها عن الصلاه
ريم اتوضت و صلت صلاه العصر و راحت لصحبتها شهنده
{ شهنده } : ازيك يا ريمو عامله ايه يا حبي
{ ريــم } : تمام اوي الحمد لله
{ شهنده } : يارب دايما
{ ريــم } : يارب و انتي اخبارك ايه؟
{ شهنده } : اهه كويسه
{ ريــم } : ليه بس في ايه؟
{ شهنده } : هيكون ايه غير اخواتي و معاملتهم ليا
{ ريــم } : مالهم عملوا ايه بس
{ شهنده } : عادي اتعودت عالنكد منهم خلاص المهم قوليلي انتي اخر اخبارك ايه لسه بتدخلي عالشات ده؟؟
{ ريــم } : اه اهه حاجه تسليني و السلام
{ شهنده } : بس انا خايفه عليكي منه يا ريم اللي بنسمعه عن بلاويه مش شويه
{ ريــم } : متخافيش عليا ياشهنده انا عارفه حدودي و عمري ما هتخطاها
{ شهنده } : الحمد لله طب احكيلي شويه علي حكايا العيال اللي بتكلميهم
{ ريــم } : هههههههه النهارده كلمت واحد صعيدي بس حته سكره
{ شهنده } :: يالهوي صعيدي
{ ريــم } : ايوه و ايه المشكله يعني هو انا هناسبه ده واحد بيسليني و خلاص و بعدين لعلمك ده يعتبر اكتر واحد محترم كلمته ده كفايه اول ما العصر اذن طلب مني يقفل عشان يروح يصلي
{ شهنده } : يا سلام غريبه هو في حد كده دلوقتي ده الواد اخويا بابا ممكن يضربه عشان ينزل يصلي
{ ريــم } : انا استغربت زيك كده بس اهه ده اللي حصل
{ شهنده } : و بعدين حكيته في ايه تاني؟
{ ريــم } : و لا حاجه مكملناش عشر دقايق و نزل يصلي و انا قمت صليت و جيتلك
{ شهنده } : اممممممم اوك
قعدت ريم مع شهنده حوالي ساعتين و بعد كده روحت و دخلت علي اللاب توب علي طول و اول ما فتحت اميلها لقت مازن فاتح

شارك الموضوع

مواضيع ذات صلة