قصة الفستان الابيض رومانسية جدااا (الفصل الاول )


الحلقة الاولي :
ماما : صباح الخير يا ديحة عاملة اية ؟
طنط مديحة : الحمد لله بقيت احسن شوية البركة فيكي يا حبيبتي مش عارفة اشكرك ازاي
ماما :انتي بتقولي اية احنا اكتر من اخوات يا ديحة المهم بقيتي كويسة وجنبك خف
طنط مديحة :اه كتيييييييير البركة في الدكتور ماشاء الله علية هو صغير بس شاطر اوووي
ماما :طيب يا حبيبتي المهم انك تكوني بخير
طنط مديحة :ايوة كدة. تمام مالك كدة بتلفي ودوري علي صحتي بقالك ساعة مكنش شوية وجع في الجنب
ماما :مضيقة شوية يا ديحة ..........
انا :اية يا ماما بتكلمي مين علي الصبح كدة
ماما :قولي صباح الخير الاول ..بكلم طنطك ديحة
انا :اه ه ه طبعا اشتكتيلها مني
ماما :اسكتي دلوقتي بس لما اخلص هجيلك واشوف قله زوقك دي
طنط مديحة :وبعدين بقي فيكي انتي وبنتك
ماما :معلش يا ديحة بقي استحميلينا يا ستي شوية
طنط مديحة :طيب مضيقة لية بقي
ماما :مش عارفة بنتي دي مالها مش عجبها العجب كل اصحبها اتجوزوا واتخطبوا وهي لسة
طنط مديحة :طب مش لما يجي النصيب
ماما :ما هو جة امبارح وهي بردة مش عجبها حاجة ...شاب ولا كل الشبان لكن دي اية مش عجبها حاجة
اهي عدت ال24 ولسة ولا اتخطبت ولا اتنيلت في حاجة وعلي طول تقول اشوف مستقبلي واحقق ذاتي وبعدين يجي بقي العريس دا في اخر اهتمامتا
طنط مديحة :طيب معلش اهدي كدة وانا هاجلكم بليل واقعد معاها واعقلها
ماما :اه والنبي يارت يا ديحة
انا :يا ماما عايزة التليفون ضروري خلصي بقي
ماما :ماشي هخلص اهو بس عشان تشوفي قلة زوقك دي هوريكي انا
انا :في سري بردة مش هتعملي حاجة
ماما :بتقولي اية ؟؟؟؟؟
انا : ولا حاجة ولا حاجة ....عايزة التليفون
ماما : طيب يا ديحة هستناكي النهاردة بليل مع السلامة
طنط مديحة : ان شاء الله مع السلامة
....................
ماما : اتفضلي التليفون اهو استريحتي كدة يعني حتي التليفون ياربي مليش حق فية في البيت دا
انا : (شوية دلع ) اية يا ماماتي يا حبيبتي محتاج التليفون في شغل ...يعني عايزة بنتك شغلها يتعطل
ماما : وموبيل فين يا هانم
انا : مافهوش رصيد بقي ههههه
ماما : طيب قومتي اخوكي زيزو
انا : وانا مالي هو انا امه ولا انتي
ماما : عنده درس عند مدرس الفيزياء هيسقط بسببك ...بعد الشر طبعا دا البريمو علي اصحابة وهيفضل البريمو مش زيك حرقة اعصابك وشغاللي في البورصة
خليكي قاعدة كدة قدام الجهاز دا (قصدها الكمبيوتر )والتليفونات مش بتبطل
واعصابك تبقي محروقة
انا :يوووووووووووة هو كل يوم نفس الاسطوانة دي انا زهقت زهقققققققت زهققققت
ماما : بتعلي صوتك عليا هي دي لتربية
انا : يا ماما انتي الي استفذتيني
ماما : طيب بعدين نحل موضوع الاستفزاز دا .. ها قوليلي بقي رايك اية في موضوع امبارح ..
انا : ياالهووووووووووووي برده
ماما: بت اتعدلي ما ينفعش كدة صوت عالي وبقيتي زي الولاد اسلوبك بقي وحش فين بنتي
انا : ايوة بقي ( هتبدا تحن اهو )
ماما : بردة ما ردتيش عليا العريس يجي ولا اية
انا :.......................

شارك الموضوع

مواضيع ذات صلة