قصة ( اخيرا قابلتك ) الحلقة الثامنة رومنسية اوي

{ عمــرو } : اه يا رأسي ربنا ياخدك يا ايمان و ينتقم منك { إســلآم } : بصراحه تستاهل
{ عمــرو } : ايه يا عم انت النداله دي انت فرحان فيا
{ إســلآم } : لا اكتر من اني فرحان فيك انك صعبان عليا اوي يا صاحبي خسرت ريم عشان واحده متسواش و ادي النتيجه
{ عمــرو } : ريم ايه اللي خلاك تفكرني بس حرام عليك
{ إســلآم } : يعني عاوز تفهمني انك بتنساها
{ عمــرو } : و لا بتغيب عن بالي لحظه انا قلبي واجعني اوي نفسي اسمع صوتها وحشتني
{ إســلآم } : كلمها
{ عمــرو } : اكلمها!!!
{ إســلآم } : ايوه كلمها و اعتذرلها
{ عمــرو } : اعتذرلها لا طبعا انا معرفش اعتذر لحد
{ إســلآم } : يووووه علي ام الغرور خلاص اتفلق و اخبط الناحيه التانيه من دماغك في الحيطه
{ عمــرو } : ما هو مش كده بس يا اسلام انا غلطت في حقها و جرحتها جامد تفتكر هتقبل ترجعلي
{ إســلآم } : جرب هتخسر ايه؟
{ عمــرو } : ايوه هخسر لو رفضت ترجعلي هخسر كرامتي يا اخي
{ إســلآم } : يووووووووه مفيش فايده بص انا قايم ماشي انت مش هتتغير ابدا
{ عمــرو } : هتسبني لوحدي
{ إســلآم } : مش في ايدي حاجه اعملهالك انت مهما حصل فيك هتفضل برده عمرو المغرور اللي مش شايف غير نفسه ربنا يهديك يا صاحبي سلام

و مشي اسلام و ساب عمرو لوحده محتار يكلم ريم و لا ميكلمهاش و خطرت علي باله فكره و بدأ في تنفيذها
الفكره اللي خطرت في بال عمرو انه يبعت ماسج لريم يفتح معاها كلام من جديد و هيجيي علي كرامته شويه و يعتذرلها و يبقوا اصدقاء لفتره و بعد كده واحده واحده يرجعوا لبعض ده لو ريم ردت علي الماسج لو مردتش يبقي خلاص غروره و كرامته متسمحلوش يتحايل علي حد اكتر من كده حتي حبيبته
نفذ عمرو بدايه خطته و بعت ماسج لريم كان ده نصه
(( ازيك يا ريم انا اسف اني زعلتك مني بس كان غصب عني و ياريت نرجع نتكلم تاني مع بعض و المهم انك متكنويش زعلانه مني))
وصلت الماسج لريم و كانت مسحت رقم عمرو خالص و قررت انها مش هترجعه تاني ابدا مهما كانت الاسباب قرت ريم الماسج و عنيها دمعت و افتكرت كل اللي عمله فيها و كانت بين امرين يا اما ترد علي رسالته او متردش و تخليه يغلي و هي عارفه يعني ايه كرامه عمرو
لكن عشان كمان كانت فاهمه عمرو كويس و عارفه اللي في دماغه و خصوصا بعد ما سمعت بحكايه ايمان و اللي حصل قررت ترد علي رسالته و ردت برساله
(( لا ابدا يا عمرو انا مش زعلانه و انا و انت ممكن نبقي اصدقاء و اخوات كويسين اوي و لو احتاجتلك في حاجه هبقي اتصل بيك باي))
الرساله دي علي قد ما حرقت دم عمرو و خلته بيغلي من جوه الا انها اديته بعض الامل ان ريم ممكن مع الايام ترجعله
مرت ايام كتير و عمرو كان كل شويه يتصل بريم و هي مكنتش بتكلمه طبعا زي الاول و مش مستحمله منه اي كلام لحد لما جيه وقت نتيجه الترم الاول
شهنده و ريم نازلين الجامعه عشان يشوفوا النتيجه و ريم مرعوبه و حاسه ان في مصيبه
{ ريــم } : انا خايفه اوي يا شهنده مرعوووبه حاسه اني شايله بتاع خمس ست مواد
{ شهنده } : ليه يا بنتي ان شاء الله خير
{ ريــم } : مش هقدر ابدا اروح اشوفها روحي انتي يا شهنده شوفيلي نتيجتي
{ شهنده } : حاضر ماانا بشتغل عندك
{ ريــم } : معلش بقي مش انا ريمو حبيبتك
{ شهنده } : ايوه ادلعي عليا يا اختي و ثبتيني بكلمتين حاضر يا ريمو استني هنا
راحت شهنده تشوف نتيجه ريم و للاسف طلع عندها اربع مواد شيلاهم و معرفتش ترجع تقول ايه لريم ووشها كان جايب الوان
{ ريــم } : ااااه وشك ميطمنش بشريني
{ شهنده } : يلا و هقولك في الطريق
{ ريــم } : لا قولي دلوقتي ماانا عارفه اللي فيها كام ماده
{ شهنده } : اممممم اربعه
{ ريــم } : ___
{ شهنده } : ايه خلاص اللي حصل حصل و انتي كنتي حاسه ان هيحصل كده
{ ريــم } : هروح ازاي و هقولهم ايه في البيت؟؟!!
{ شهنده } : معلش يوم و هيعدي و هيهدوا بس استحملي اللي هيحصل النهارده و ان شاء الله هينسوا و تتعوض في الترم التاني
{ ريــم } : تتعوض هو اللي راح بيتعوض ربنا يستر
روحت ريم و طبعا خدت طريحه تزعيق و شتيمه محترمه من مامتها و باباها و تريقه اخواتها و طبعا كانت منهاره في يومين النتيجه دي و بعد يومين و لسه زوبعه النتيجه مخلصتش في البيت و لقت نمره عمرو بترن عليها ريم اول ما شافت نمرته كان نفسها تكسر الموبايل لان عمرها ما هتنسي ابدا انه كان سبب في اللي حصل و اللي هيحصل بعد كده
{ ريــم } : اوف عايز ايه ده
و ردت عليها بقرف فظيع
{ ريــم } : نعم
{ عمــرو } : ازيك يا ريمو
{ ريــم } : ريمو !!! زي الزفت عاوز ايه؟
{ عمــرو } : ايه يا ريم في ايه ؟
{ ريــم } : في اني مش طايقه دبان وشي و مش عايزه حد يكلمني بصراحه
{ عمــرو } : و الله طيب يا ست ريم عالعموم انا اللي غلطان اني كنت متصل اطمن علي نتيجتك
{ ريــم } : ههههههههه عاوز تعرف نتيجتي شايله اربع مواد بس حلوه صح تاخد حته
{ عمــرو } : يالهوي اربعه ليه ياريم بس
{ ريــم } : يالهووووووووي مش عارف ليه عمرو سلام سلالالالالالالالام
و قفلت في وشه السكه و قعدت تعيط بانهيار و تكلم في نفسها
يعني مش عارف مالي بيستعبط مش عارف انه هو السبب في اللي بيحصل ده مش عارف انه دمرني انا بكره ده انسان حقير و بارد و مغرور بكرهك يا عمرو بكرهك
_________________________________________
و علي فكره الحلقه الجايه هتبتدي احداث ممكن تستغربوها متكتبتش في اي قصه قبل كده......وبجد هتبقى حلقه مهمه اوووووووووووى
و من الحلقه الجايه هيظهر معانا شخصيه جديده((مازن))
و ده انسان محترم اوي هيظهر لريم في الوقت الصح عشان يخفف عنها لكن ....
________________________________________

شارك الموضوع

مواضيع ذات صلة