قصة (اخيرا قابلتك ) الحلقة السادسة رومنسية اوي

فاتت ايام كتير و علاقه عمرو بريم ما بين الخناقات و الصلح لكن الخناقات كانت اكتر بكتير و علاقاتهم كانت كل يوم بتدهور و عمرو بدأ يقول دايما لريم انهم صعب يكونوا لبعض و انه لسه قدامه مشوار طويل بعد ما كان بيوعدها انه قبل ما يتخرج هيجيي و يتقدملها لكن الكلام كله اتغير و ريم كانت بتحاول ترجع عمرو زي زمان لكن ايمان مكانتش بتسبيلها فرصه لكده و كانت دايما بتقرب من عمرو اوي و تتحننله و تدلع عليه بطريقه سخيفه بتخلي عمرو يزيد في قربه منها و يبعد عن ريم
في يوم نتيجه الثانويه العامه
{ريــم} : حبيبي عملت ايه؟
{ عمــرو } : باركيلي يا ريم باركيلي خلاص هحقق امنيه حياتي جبت 96% هندسه يا ريم هندسه
{ريــم} : مبروك الف مبروك يا حبيبي
{ عمــرو } : الله يبارك فيكي يا حبيبتي و انتي عملتي ايه؟
{ريــم} : لا يا عم انا مش قدك انا جبت93%
{ عمــرو } : كويس اوي حلوين ممكن تلحقي هندسه
{ريــم} : هندسه !! انا ادبي يا عمرو حتي دي كمان نسيتها؟!!
{ عمــرو } : اه اسف اوي يا حبيبتي معلش من فرحتي نسيت بس كويس اوي المجموع ده في ادبي هتدخلي حاجه
كويسه ان شاء الله
{ريــم} :ان شاء الله و اسلام عمل ايه و و و ايمان
{ عمــرو } : بفرحه عجيبه: ايمان دي طلعت حته بت و خبطت حته مجموع جابت 95.5%و ربنا كنت فاكرها فاشله و مش هتجيب حاجه بس طلعت باشا هي ناويه تدخل علوم اصلها علمي علوم انا قلتلها علوم صعبه اوي بس مجموعها مش هيجيب و لا صيدله و لا طب و و ........
{ريــم} : خلالالالالالالالاص ايه انت ما صدقت اني سالتلك و كمان كلمتها قبل ما تكلمني هي وصلت للدرجادي يا عمرو
{ عمــرو } : ايه يا ريم انتي زعلتي انا و الله ما كلمتها هي اللي كلمتني
{ريــم} : كلمتك كلمتها دي حاجه متهمنيش انا ماشيه عشان اتاخرت و لازم اروح
{ عمــرو } : اوك يا ريم و مبروك يا قمري الا قوليلي صحيح ناويه تدخلي ايه؟
{ريــم} : لسه فاكر تسال عالعموم ربنا يسهل لما ابقي اعرف هبقي اقولك سلام
{ عمــرو } : اوك سلام
روحت ريم و كانت مخنوقه اوي من عمرو و من طريقه كلامه عن ايمان المستفزه اوي و اللي خلت دموعها تنزل علي خدها من غير ما تحس و هي ماشيه
ـــــــــــــــــــــــــ ـــ
دخلت ريم كليه التربيه و مكنتش تتوقع ابدا انها تدخل كليه زي دي و عمرو دخل هندسه و شهنده اداب و اسلام سياحه و فنادق و الهانم ايمان دخلت علوم
عمرو كان دايما يتكلم كلام سخيف اوي عن كليه ريم و للاسف كان سبب اساسي في كره ريم للكليه و كل مره يشوف ريم و يمسك كتبها يقعد يتريق و يدايق ريم بكلامه
و في يوم قبل امتحانات الترم الاول باسبوع واحد اتصلت ايمان بعمرو
{ايــمان } : عمور وحشتني اوي
{ عمــرو } : انتي وحشتيني اكتر ازيك عامله ايه
{ايــمان } : مش كويسه ابدا يا عمرو تعبانه اوي و مخنوقه اوي
{ عمــرو } : ليه بس يا ايمان
{ايــمان } : الامتحانات قربت اوي و بابا و ماما مبيبطلوش خناقات عليا ده عايزني اعيش معاه و دي عيزاني اعيش
معاها انا زهقت منهم انا حاسه انهم واخدين الموضوع تحدي و محدش عايزني منهم
{ عمــرو } : ياه كل ده في قلبك ايمان متشغليش بالك و خليكي في مذكرتك دي اهم من اي حاجه و اهدي كده
{ايــمان } : عندك حق يا عمرو تصدق انت الوحيد اللي بتهديني و بتعرف تخرجني من همومي ربنا يخليك ليا يا حبيبي
{ عمــرو } : حبيبك
{ايــمان } : انا اسفه يا عمرو معلش الكلمه طلعت غصب عني انا حاسه ان مش انا اللي نطقت قلبي هو اللي اتكلم
{ عمــرو } : قلبك !!! ايمان انتي ــــ
{ايــمان } : ايوه بحبك اوي يا عمرو
{ عمــرو } : :ــــــ
{ايــمان } : انا اسفه انا عارفه انك مرتبط بس مش قادره اخبي مشاعري اكتر من كده
{ عمــرو } : ايمان ممكن تسبيني لوحدي دلوقتي
{ايــمان } : اوك يا عمرو و انا اسفه
{ عمــرو } : لا متتاسفيش سلام
و قفل عمرو مع ايمان و هو مذهول من اللي حصل و راح اتصل بريم
{ عمــرو } : ريم ممكن تنزلي تقابليني دلوقتي انا مخنوق
{ريــم} : دلوقتي يا عمرو
انا عندي امتحان عملي بكره و لسه مخلصتش
عمرو بعصبيه يعني ايه مش هتيجي تقابليني بقولك مخنوق
{ريــم} :خلاص هاجي بس نص ساعه بس
{ عمــرو } :ماشي مستنيكي
{ريــم} : اووك باي
راحت ريم تقابل عمرو و كان مخنوق و زي ما يكون بيتلكك
{ريــم} : ايه يا حبيبي مالك؟
{ عمــرو } : مفيش مخنوق شويه
{ريــم} : من ايه؟
{ عمــرو } : الامتحانات قربت اوي و حاسس اني مش فاهم حاجه في اي حاجه
{ريــم} : و مبتذاكرش ليه يا عمرو انت مكنتش كده
{ عمــرو } : الكتب صعبه اوي
{ريــم} : دول 3 مواد
{ عمــرو } : مش عارف بس حاسس اني هسقط السنه دي
{ريــم} : متقلش كده حرام عليك ده انت قدامك خمس سنين
{ عمــرو } : ربنا يستر..........النهارده ايمان كلمتني
{ريــم} : و بعدين
{ عمــرو } : عادي كانت مخنوقه فكلمتني
{ريــم} : و انت بقي مخنوق عشان هي مخنوقه
{ عمــرو } : ايوه هنبتدي بقي في الموشح اللي مالوش لازمه
{ريــم} : موشح
{ عمــرو } : ايوه موشح ما انتي مبتبطليش كل لما اقولك ايمان تفتحيلي موشح هو انا ناقصك انتي كمان مش كفايه هي عليا كل يوم تكلمني و هي معيطه من اهلها
{ريــم} : ناقصني و كمان تكلمك كل يوم و بعدين انت ازاي اساسا تقارني بيها
{ عمــرو } : بقولك ايه و حياه ابوكي ما ناقصك
{ريــم} : _______ ( و دموعها على خدها )
{ عمــرو } : ايوه عيطيلي و اعمليلي الشويه دول اووووف انا زهقت انا ماشي
{ريــم} : مع السلامه يا بشمهندس
مشي عمرو و ساب ريم واقفه مش عارفه تعمل ايه و لقت رجليها وخداها علي شهنده
{شهنده} : يالهوي مالك يا ريم
{ريــم} : تعبت تعبت اوي يا شهنده
{شهنده} : ايه اللي حصل
حكت ريم لشهنده اللي حصل
{شهنده} : البت ايمان دي مش هتجيبها البر و عمرو ماشي وراها زي الجردل
_____________________________

شارك الموضوع

مواضيع ذات صلة