قصة ( اخيرا قابلتك ) الحلقة الحادية عشر رومنسية اووي

{ عمــرو } : اوك يا ريم ان شاء الله ممكن اسالك سؤال؟؟
{ ريــم } : اتفضل
{ عمــرو } : لو طلبت منك اننا نرجع تاني زي الاول هتقبلي ترجعيلي يا ريم؟
{ ريــم } :...................
{ عمــرو } : اول مره مفهمش سكوتك " هتقبلي يا ريم؟؟؟؟
{ ريــم } : لو انت مكاني هتقبل
{ عمــرو } : انا عارف اني غلطت في حقك بس انا محتاجلك
{ ريــم } : و انا مكنتش محتجالك لما بعتني في اكتر وقت
محتجالك تبقي جنبي فيه
{ عمــرو } : غلطه و مش هتتكرر تاني ابدا
{ ريــم } : تفتكر
{ عمــرو } :: صدقيني انا عارف انك لسه بتحبيني و انا بحبك اوي لازم تصدقيني
{ ريــم } : لا يا عمرو انا اسفه مستحيل هقدر ارجعلك انت بعتني و دوست علي كرامتي و اللي يبيع مره يبيع مليون مره و اللي يدوس علي كرامته الناس بتدوس عليه و انا معنديش استعداد اتباع منك تاني و لا عندي استعداد الناس تدوس عليا
{ عمــرو } : انا عمري ما هكرر الغلطه دي تاني بقلك محتاجلك اوي كل الناس باعوني محدش
واقف جنبي حاسس اني لوحدي و تعبان تعبان اوي يا ريم اوي
{ ريــم } : انت اللي اخترت البعد لو كانت الدنيا كلها باعتك و فارقتك ريم حبيبتك مستحيل كانت هتعمل كده لكن انت اللي رمتها و بعتها و جرحت قلبها
اللي كان بيعشقك بس احب اعرفك ان ريم الساذجه بتاعت زمان اللي كنت بتثبتها بكلمتين ماتت خلاص و اتولدت ريم جديده متقبلش الاهانه حتي منك انت يا عمرو واحب اعرفك انك كنت سبب اساسي في قسوتي عليك دلوقتي مش بس لانك بعتني كمان لانك علمتني ان كرامه الانسان فوق اي اعتبار و ان ممكن يدوس علي كل حاجه الا كرامته مش هو ده كلامك يا بشمهندس
{ عمــرو } :: انا اسف يا ريم بس انا مش هيأس انا عارف انك تعبانه و مش طيقاني بس انا هسيبك فتره تريحي فيها اعصابك بعدها نبقي نتكلم من جديد
{ ريــم } : اه جايز ربنا يسهل" ممكن اقفل دلوقتي ماما بتنده عليا
{ عمــرو } : ها اه طبعا اتفضلي
{ ريــم } : سلام
قفلت ريم مع عمرو وكانت مرتاحه نوعا ما لانها طلعت كل اللي في قلبها و كل الكلام اللي كان نفسها تقوله لعمرو بدون خوف او تردد لكن في نفس الوقت كانت خايفه اوي لتحن لعمرو و ترجعله تاني
بس لا مستحيل هرجعلك يا عمرو اللي يبيع مره يبيع مليون و انت جرحتني هدوس علي قلبي لكن عمري ما هدوس علي كرامتي ابدا حتي لو بموت فيك
عمرو قفل مع ريم و كان مخنوق اوي و تعبان
و قرر ينــزل يروح لاسلام صاحبه
{ اسـلام } : مين عمرو ده انا قلت انك نسيت عنوان بيتنا
{ عمــرو } : بقولك ايه هي مش طلباك دلوقتي خالص انا مش طايق نفسي
{ اسـلام } : خير في ايه ايمان تاني؟
{ عمــرو } : يا اخي حرام عليك دي سيره تفتحها في وشي الله يحرقها مطرح ما راحت
{ اسـلام } : امال في ايه مالك؟
{ عمــرو } : ريم
{ اسـلام } : ريم !!!! مالها ريم انت كلمتها؟
{ عمــرو } : ايوه كلمتها
{ اسـلام } : و بعدين قلتلها ايه و قالتلك ايه احكيلي؟
{ عمــرو } : ها " مقالتش حاجه بس اللي فهمته من كلامها انها لسه بتحبني بس قلبها واجعها و زعلانه من اللي حصل مني
{ اسـلام } : انا نفسي اعرف انت بجد حبيتها و لا حبيت
سيطرتك عليها و انها مبترفضش ليك طلب و تحت امرك في كل اوامرك
{ عمــرو } : انت بتقول ايه طبعا حبيتها لا كلمه حبيتها دي قليله عليها انا بعشقها بموت فيها بس اللي حصل غصب عني
{ اسـلام } : بتعشقها و تعمل فيها كده حرام عليك
{ عمــرو } : حرام عليك انت " انت ليه مصر تفكرني و تتعبني انا تعبان خلقه
{ اسـلام } : معلش بس اللي انت عملته مش شويه و هي عندها حق انها تزعل لانك جرحتها اوي يا عمرو
{ عمــرو } : اوووووووووه حرام عليك بقي ارحمني بص انا قايم ماشي
{ اسـلام } : هتروح فين بس؟
{ عمــرو } : مش عارف همشي و خلاص
مشي عمرو و فضل يلف و مش عارف رايح ف
ين و لقي رجليه وخداه عند بيت ريم فضل واقف
اكتر من ساعتين بيتمني انها تخرج تطل عليه طلتها الجميله و تبتسمله ابتسامتها الناعمه اللي بيعشقها و يشوف عنيها اللي بجد وحشته اوي
ياااااااااااه يا ريم وحشتيني وحشتيني اوي بجد نفسي اشوفك نفسي اشوف عنيكي وحشتيني
بدأت عنيه تدمع من كتر الاهات اللي جواه و خاف حد يشوفه و هو في حالته دي في الشارع و لما فقد الامل انها تخرج روح و كانت حالته وحشه اوي قربت امتحانات الترم التاني و ريم قررت تعوض اللي حصل في الترم الاول بانها تذاكر كويس
و ده بعد تشجيع كبير اوي كانت بتاخده من مازن اللي بقي صديقها الصدوق اللي بيريحها بكلامه و اللي بقي الشخص الوحيد اللي بيقدر يخفف عنها كل همومها علي الرغم انه ميعرفش اي حاجه عن سبب حزنها
بدأت الامتحانات و طلب مازن من ريم ان في الفتره دي متشفش و متمسكش غير الكتاب و تمنع نفسها عن اللاب توب نهائيا لحد لما الامتحانات تخلص و بعدين يرجعوا تاني يتكلموا و هيبقي قدامهم الوقت كبير في الاجازه و كانت فرحانه اوي ان في حد بيخاف عليها و علي مصلحتها و بيشجعها كده و كانت بتنفذ كل كلامه و كمان كانت بتشجعه زي ما بيشجعها
بعد ما انتهت فتره الامتحانات ريم كانت حلت كويس اوي احسن بكتير من الترم الاول و كانت مطمنه و ما صدقت يعدي اخر يوم في الامتحان عشان تروح للاب توب بتاعها و تفتح اميلها و تكلم مازن تطمن عليه و علي امتحاناته لكن للاسف اميله مقفول فكرت انه ممكن يكون لسه مخلصش امتحان و كانت بتستناه كل يوم و عدي اسبوع و اسبوعين و مازن مظهرش لما كانت هتموت من القلق و كمان الزهق لان مازن طلب منها متدخلش شاتات تاني و حذرها منها
و هي وعدته بكده كمان وعدته انها تمسح كل الاميلات اللي علي اميلها و انها مش هتكلم حد تاني ابدا غيره
و كانت في يوم قاعده بتتصفح بعض المواقع و فجأه اميل مازن فتح و زي ما يكون هم تقيل و انزاح من علي قلبها و جيه اللي بيقدر يخليها
علي الاقل تبتسم لكنها كانت زعلانه منه و قررت تعمل نفسها متعرفوش
{ مازن } : السلام عليكم
{ ريــم } : و عليكم السلام نعم
{ مازن } : انعم الله عليكي ازيك يا بت عامله ايه؟
{ ريــم } : انت مين و تعرفني منين عشان تقولي بت
{ مازن } : ايه يا ريم انتي نستيني انا مازن
{ ريــم } : مازن معرفش حد بالاسم ده
{ مازن } : نعم ؟؟!!
{ ريــم } : انعم الله عليك يا كابتن
{ مازن } : هههههههههه يخربيتك انا قلت مسحتيني و نستيني يا بنت الايه عرفتي تضحكي عليا
{ ريــم } : ههههه و ليك نفس تضحك بالذمه مش انت واحد رخم و تدايق
{ مازن } : معلش و الله انا عارف اني مقصر في حقك
بس متزعليش مني الكابتن اتصل بيا اخر يوم في الامتحان و قالي لازم نسافر باليل القاهره و ملحقتش افتح و لا اكلمك لان مكنش فيه وقت خالص و الله
{ ريــم } : اااااه طب حمد الله عالسلامه
{ مازن } : الله يسلمك يا قمر تصدقي وحشتيني
{ ريــم } :___
{ مازن } : ايه طب قوليلي و انت كمان هو احنا مش اخوات يا بت و لا ايه
{ ريــم } : ماشي ياخويا و انت كمان
{ مازن } : و انا كمان ايه
{ ريــم } : رخم
{ مازن } : ههههههه ماشي يا عسل قوليلي عملتي ايه في الامتحان
{ ريــم } : تمام الحمد لله
{ مازن } : بجد يعني هتعوضي الترم الاول
{ ريــم } : قول يارب
{ مازن } : ان شاء الله" طبعا كنتي مبدعه في غيابي شات و ولاد و فله عليكي
{ ريــم } : علي فكره انا عمري ما خلفت وعدي مع حد حتي لو معرفوش و انا وعدتك اني لا هدخل شاتات تاني و لا هكلم ولاد تاني
مازن: بجد يعني مبقتيش تكلمي حد
{ ريــم } : مش هرد عليك انا قلت اللي عندي عايز تصدق صدق مش عايز براحتك
{ مازن } : لا خلاص مصدقك معلش اصل انا شكاك اوي
{ ريــم } :عادي الحال من بعضه انا كمان شكاكه اوي
{ مازن } : ههههه بصره علي فكره انا كنت حاسس انك هتنفذي الكلام بس كنت برخم عليكي
{ ريــم } : طب كويس انك عارف انك رخم
{ مازن } : بت بت اتلمي و احترمي نفسك
{ ريــم } : طب ثواني في حته هناك اهيه هروح اجيبها
{ مازن } : حته ايه؟
{ ريــم } : مش بتقولي اتلمي هروح المني و اجي
{ مازن } :هههههههههه اتعلمتي الحاجات دي فين يخربيتك
{ ريــم } : تلميذتك يا معلمي
{ مازن } : هههههههه " سمعتي اغنيه الفستان الابيض للعسيلي
{ ريــم } : اها تحففففه كنت قاعده انا و شهنده امبارح بنتكلم عنها و قلتلها اني نفسي يوم فرحي جوزي يغنيهالي
{ مازن } : انتي مين؟
{ ريــم } : مين ايه انت بتكلم حد تاني؟
{ مازن } : لا انت انتي مين؟
{ ريــم } : سلامتك يا كابتن انا ريم
{ مازن } : بتهرجي انت احمد صح
{ ريــم } : مازن في ايه؟
{ مازن } : قول بس انت احمد صح قول و الله يا عم ما هزعل بس قول
{ ريــم } : لا ده انت اللي بتهرج بقي في ايه بجد؟
{ مازن } : طب بلاش انتي صاحبه ريهام اختي صح ماانتي هتقولي انتي مين يعني هتقولي مش هسيبك
{ ريــم } : سلامتك يا مازن انا ريم و بعدين انت ناسي انك عرفتني من الشات
{ مازن } : بجد انا مستغرب اوي سوري يا ريم اصل ..........
_____________________________-

شارك الموضوع

مواضيع ذات صلة