قصة (اخيرا قابلتك ) الحلقة الخامسة رومنسية اوي

عدت ايام و شهور و سنين و علاقه عمرو بريم بتكبر و حبهم بيزيد بيتخانقوا و يتصالحوا و في يوم كانوا في
تالته ثانوي حصلت حاجه غريبه اوي مع عمرو مترددش انه يحكيها لريم لانه اتعود يكون صريح معاها دايما
{ عمــرو } : ريم عاوز احكيلك علي حاجه حصلت معايا
{ريــم} : احكي يا عمرو ها ايه اللي حصل؟
{ عمــرو } : تعرفي بنت اسمها ايمان الغزاوي؟
{ريــم} : ااه اعرفها مالها؟
{ عمــرو } : اصل بقالها كام يوم بتعمل حركات غريبه اوي مش فاهمها
{ريــم} : زي ايه؟
{ عمــرو } : يعني مثلا من يومين في درس الفيزياء لقتها بتنادي عليا و انا قاعد في وسط صحابي و قالتلي يا عمرو انا مش فاهمه المساله دي ممكن تفهمهالي
{ريــم} : و طبعا اتكسفت تقولها لا
{ عمــرو } : يعني اقولها لا ازاي؟
{ريــم} : لا ميصحش طبعا تقولها لا ازاي كمل يا عمرو و ايه تاني؟
{ عمــرو } : و امبارح بقي اتصلت بيا
{ريــم} : و الله!!!!
{ عمــرو } : هي اتصلت عالموبايل و قالتلي انا ايمان يا عمرو و قعدت تتكلم شويه و بس
{ريــم} : و انت رديت عليها و جارتها في الكلام؟
{ عمــرو } : يعني اقفل في وشها يعني يا ريم؟
ريم: لا يااابو قلب حنين تقفل في وشها ازاي و كانت عايزه ايه الست هانم؟
{ عمــرو } : هي قالتلي انها محتاجه اخ و صديق تتكلم معاه و ان ظروفها في البيت وحشه و في خلافات دايما بينها و بين اهلها و كده
{ريــم} : عمرو البنت دي متكلمهاش تاني دي معروفه اوي و مشهوره بالحاجات دي و ممكن تسال صحابك هتلاقي منهم اللي يعرف هي عرفت كام ولد
{ عمــرو } : لا يا ريم مش للدرجادي دي شكلها بنت محترمه
{ريــم} : محترمه!! في بنت محترمه تعمل كده عمرو لو سمحت اقطع علاقتك بالبنت دي خالص من الاخر كده يا انا يا هي
{ عمــرو } : ايه يا ريم الكلام ده طبعا انتي انا مقدرش استغني عنك و انتي عارفه كده كويس
{ريــم} : خلاص اوعدني دلوقتي انك مش هتكلمها تاني
{ عمــرو } : ما هي المشكله ان هي اللي بتتصل
{ريــم} : متردش عليها
{ عمــرو } : حاضر يا ريم مش هرد عليها
{ريــم} : ده وعد يا عمرو
{ عمــرو } : وعد يا روح عمرو
ريم قفلت مع عمرو و هي خايفه اوي من القصه دي ايمان دي بنت مش سهله و ياما مشيت مع ولاد و سمعتها علي كل لسان ازاي قدرت تخلي عمرو يصدقها و راحت ريم لشهنده اللي بقت اكتر من اختها و مبقوش يفترقوا ابدا و في نفس الوقت ريم محبتش تقطع علاقتها بندي لكن علاقتها بشهنده كانت بتزيد يوم عن يوم و خصوصا ان شهنده بتحب ريم اوي و بتخاف عليها اكتر من اي حد
{ريــم} : انا حاسه ان علاقتي بعمرو قربت تنتهي
{شهنده} : ليه يا ريم بتقولي كده ايه اللي حصل؟
ريم حكت لشهنده علي كل اللي قالوا عمرو
{شهنده} : ايه ايمان الغزاوي !! يالهوي دي مصيبه البنت دي مشهوره اوي
{ريــم} : ما هو ده اللي مخوفني و خصوصا ان عمرو مصدقها
{شهنده} : لا ان شاء الله مش هيحصل حاجه عمرو بيحبك و مدام وعدك يقطع علاقته بيها يبقي هيقطعها
{ريــم} : يارب يا شهنده يارب
ريم من يوم الموضوع ده و بدأت تشك في عمرو و لقت انه بدأ يكدب عليها عشان يريحها عمرو كان دايما يجيي لريم بعد المدرسه و كان ممكن يوصلها لدروسها كل يوم و كمان بعد دروسها تلاقيه دايما واقف مستنيها بعيد مع صاحبه اسلام و يفضل ماشي وراها طول الطريق لكن من يوم ما دخلت في حياته البنت دي و اتغير و اتغيرت كل حاجه كان بيعملها مع ريم و بقوا دايما في خلافات مستمره
لكن في يوم كانت ريم راجعه من درس ليها و معاها شهنده و ندي و كان الاستاذ بدل معاد الدرس و خلاه بدري شويه لان يومها كانت الدنيا برد اوي و مطر و فجأه لقت عمرو جاي من بعيد طارت من الفرحه اخيرا عمرو بتاع زمان هيرجع من تاني بس عرف ازاي ان الاستاذ غير الميعاد... و فجاه
اتصدمت لما شافت ريم ان عمرو مش واخد باله منها اساسا و ان ايمان جايه من بعيد و بيضحكلها و تضحكله كانت صدمه كبيره اوي لريم
و دار حوار بين عمرو و اسلام بعد ما اسلام لمح ريم من بعيد و علامات الحزن و الغضب ظاهره اوي علي وشها و عمرو سرحان مع ايمان و مخدش باله من ريم
{ اسـلام } : عمرو انت ليه جايبنا هنا؟؟
{ عمــرو } : عادي بنتمشي
{ اسـلام } : متاكد و لا جاي عشانها؟
{ عمــرو } : عشانها !!!! تقصد مين ريم ؟
{ اسـلام } : لا ايمان؟
{ عمــرو } : ايه ده انت خدت بالك؟ و انا بقول عليك قطه مغمضه
{ اسـلام } : انت عبيط و لا بتستعبط ايمان دي ايه اللي انت جاي عشانها و ريم دي ايه واحده بتتسلي بيها كده
{ عمــرو } : ايه يااسلام مالك متعصب عليا كده ليه ريم دي حبيبتي و بحبها بس هو فيه شويه مشاكل ما بينا الفتره الاخيره انما ايمان دي صحبتي و بحب اتكلم معاها مش اكتر
{ اسـلام } : بتحب تتكلم مع مين ايمان دي انسانه سافله و سمعتها سبقاها في كل حته ازاي تامنها علي اسرارك و حياتك و جديده اوي كلمه صحبتي اول مره اسمعها منك مش انت صاحبي ابدا عمرو صاحبي اللي من يوم ما شاف ريم و هو بيحبها و مخلص ليها عمرو اللي وقف بعلو صوته لما زعلها في وسط الناس و قالها بحبك عمرو اللي عمره ما غلط فيها و كان بيحاول يسعدها باي طريقه لكن للاسف جالك الشيطان اللي هيبعدك عن الملاك اللي بيحبك و بيخاف عليك يا خساره يا صاحبي
{ عمــرو } : مفيش حاجه في الدنيا تقدر تبعدني عن ريم و عمرو صاحبك لسه زي ما هو متغيرش
{ اسـلام } : بكره نشوف يا صاحبي ... علي فكره ريم شافتك و انت هيمان مع الست ايمان
{ عمــرو } : و بدأ علي وشه علامات القلق و الضيق: ايه شافتني ازاي و انا ازاي مشفتهاش
{ اسـلام } :هو انت كنت فاضي مش بقولك جالك الشيطان اللي هيبعدك عن الملاك ربنا يهديك يا صاحبي
عمرو روح جري عشان يكلم ريم لكن مردتش عليه حاول مره و اتنين و في الاخر ردت
{ عمــرو } : ازيك يا حبيبتي وحشتيني اوي
{ريــم} : ــــــــ
{ عمــرو } : ايه ياريم مبترديش عليا ليه؟
{ريــم} : ارد عليك ليه ما انت خلاص لقيت اللي تحبك غيري و تسمعك
{ عمــرو } : تقصدي مين؟
{ريــم} : هيكون مين الهانم اللي جتلها النهارده مخصوص في عز البرد عشان تشوفها ال و انا عبيطه و فاكره انك ـــــ ها
{ عمــرو } : انتي بتقولي ايه انا كنت جاي عشانك
{ريــم} : انت كداب انت عارف كويس اوي ان ده مش معاد درسي
{ عمــرو } : ما هو انا ــــ انا سالت و عرفت
{ريــم} : ماتحاولش تبرر اللي حصل و اللي شفته بعيني
{ عمــرو } : ريم متبقيش شكاكه زياده عن اللزوم انتي عارفه كويس اني بحبك
{ريــم} : اللي اعرفه انك خدعتني ووعدتني بوعد وهم و الله اعلم بيحصل ايه تاني انت انسان ميتوثقش فيه
{ عمــرو } : لا كده كتير اوي انا مسمحلكيش تقولي عليا كده
{ريــم} : ياااااه كمان محموق اوي و صعبان عليك اني اقولك كلمتين ابرد بيهم ناري و مش صعب عليك ريم مش صعب عليك حبيبتك انك تجرح كرامتها و تدوس عليها
{ عمــرو } : ريم انا هقفل عاوزه حاجه
{ريــم} : _________
{ عمــرو } : عاوزه حاجه؟
{ريــم} : ـــــــ
{ عمــرو } : سلام يا ريم
و قفل السكه في وشها و ريم انهارت
في نفس الوقت الست ايمان قاعده مع صحبتها اسماء و بيتكلموا في موضوع الجردل اللي وقع بكلمتين
{أسمــاء } : الا قوليلي اخبار الجردل ايه؟
{ايــمان } : هههههههههه عمرو ده كميله خالص و الله ما كنت اتوقع انه كده
{أسمــاء } : عمل ايه و النبي ضحكيني شويه
{ايــمان } : ههههههه خطتنا ماشيه تمام يا بت خلاص قرب يسيب البت ريم انا افكاري متنزلش الارض ابدا
{أسمــاء } : ازاي
{ايــمان } : امبارح قلتله ان ماما و بابا مطلقين و اني ماليش غير اخ واحد عايش مع بابا و انا عايشه مع ماما و محتجالك اوي يا عمرو تقف جنبي و نفسي في اخ و صديق احبه و يحبني و يخاف عليا
{أسمــاء } : و دخلت عليه؟
{ايــمان } : طبعا يا بنتي عيب
{أسمــاء } : هههههههههه يخربيتك ده انتي داهيه بس قوليلي انتي ليه عايزه توقعي بينهم
{ايــمان } : و الله الموضوع مكنش في دماغي اصلا بس اصل قصتهم الدفعه كلها بتحكي فيها و بيحكوا علي حبهم الفظيع اوي و انا عايزه اثبت لكل البنات ان مفيش ولد ينوثق فيه ابدااااااااا
{أسمــاء } : طيب يا حبيبتي ربنا معاكي
{ايــمان } : ههههههههههه يارب

شارك الموضوع

مواضيع ذات صلة