قصة ( اخيرا قابلتك ) الحلقة الرابعه عشر رومنسية اوي

ريم فضلت تحرق في دمها اكتر من ساعه و بتفكر ازاي ترد لمازن اللي عمله ده و انه معبرهاش زي ما
و جاتلها فوكيره كويسه فكرت تبعتله ماسج تفكره انه نسيها بس بطريقه تدايق و لسه هتبعت الماسج لقت الموبايل بيرن زوزو
و ده الاسم اللي سمت بيه مازن علي موبايلها
{ ريــم } : يالهوي ده هو.. ظلمتك يا واد يا مازن.. طب ارد و لا اسيبه يحرق دمه شويه اممممممم خليه شويه هيييييه زمانه بيغلي لما ارد بقي احسن يزعل و لا البتاع يخلص رن
وعدها
{ ريــم } : بصوت حنين و جميل رن في ودن مازن جننه: الو
{ مازن } : سلام عليكم
{ ريــم } : و عليكم السلام
{ مازن } : يخربيتك
{ ريــم } : في ايه؟
{ مازن } : لا ابدا بس ... صوتك ... صوتك حلو اووووي
{ ريــم } : ههههههههههه ماشي يا عم المجامل ميرسي
{ مازن } : مجامل ايه انتي مش حاسه بنفسك صوتك يجنن
{ ريــم } : خلاص بقي ... المهم قولي ازيك عامل ايه؟
{ مازن } : الحمد لله تمام اوي دلوقتي بالذات و انتي؟
{ ريــم } : الحمد لله كويسه
{ مازن } : معلش اتاخرت عليكي بس اصل انا مكنش معايا رصيد و لفيت كتير و بعدين قلت استني شويه يكون ايمن اخوكي نام و كده
*ريم يالهوي ظلمتك بجد و انا اللي فاكره انه بيستهبل و عاوز يعملي فيها مهم طب الحمد لله
{ مازن } : ايه رحتي فين ؟
{ ريــم } : ها... لا ابدا و لا يهمك عالتاخير بس ايمن لسه صاحي و ممكن يجيي في اي وقت و انا بكلمك
{ مازن } : طب و بعدين يعني مش هينفع اكلمك شويه
{ ريــم } : معرفش بس هحاول ربنا يستر
و فجأه جيه ايمن و ريم بتكلم مازن و مكنش قدامها حل غير انها تقفل في وشه من غير ما تقوله حتي سلام مازن الدم غلي في عروقه و كان مولع نار من جوه
* لا بقي ده الا كده انا عمر ما حد عمل معايا كده ماشي يا ريم ماشي تقفلي في وشي السكه و من غير سبب كده اوك انا اللي غلطان مندفع ورا مشاعري و مبفكرش في اللي بعمله
*ريم يالهوي زمان مازن زعل اوي اني قفلت في وشه يعني كان لازم تيجي دلوقتي يا ايمن اعمل ايه انا دلوقتي لا و جيه و قعد يعني قدامه ساعه اتنين لما يقوم ينام طب اعمل ايه لازم اتصرف ايون هي دي انا هبعتله رساله اعتذرله و بدأت تكتب في الرساله
(معلش يا مازن انا اسفه متزعلش مني بس اصل
اوووووه ايه الهبل ده و انا اعتذرله ليه يعني كل ده لالالا هي كفايه معلش و خلاص و مسحت و كتبت تاني
(معلش يا مازن قفلت اصل ايمن دخل عليا فجاه
لالالا ايه الرزاله دي و فيها ايه لما اقوله انا اسفه ماانا برده غلطت في حقه جامد و انا نفسي مقبلش حاجه زي دي علي نفسي خلاص هكتب الكلام اللي يجيي علي بالي كله و دي اخر مره بقي
(انا اسفه يا زيزو متزعلش مني بس اصل ايمن دخل عليا فجأه و مكنش قدامي حل غير اني اقفل نتكلم وقت تاني بقي بس اهم حاجه متنساش تطمني عليك )
بعتت ريم الرساله دي و مترددش في كلامها المره دي
{ وليــد } : ايوه يا عم رساله اكيد منها
{ مازن } : من مين يااخويا
وليد: هنستعبط اللي كنت بتكلمها دلوقتي
{ مازن } : لا معتقدش خالص انها هي و عموما نشوف
شاف مازن الرساله و فضل ماسك الموبايل متنح للكلام و للرساله و للرقم و مش مصدق
*ايه ده مين ريم هي اللي كاتبه الكلام ده عايزه تطمن عليا الله اكبر ريم عايزه تطمن عليا يا واد يا وليد عايزه تطمن عليا انا بحلم صح لالالا اكيد الرساله مش منها يمكن ريم تانيه لالالا منها هي و ده رقمها انا حافظه انا مسامحك يا اجمل ريم مسامحك اقفلي ميه سكه في وشي و لا يهمك يا قمري يا عسل
{ وليــد } : يالهوي اتجنيت ياد و لا ايه بتكلم في نفسك مين ريم دي
{ مازن } : هششششششش اخرس انت صوتك بيعصبني
{ وليــد } : و ده من ايه؟؟
{ مازن } : انا لسه سامع صوت كروان بيغني بعده اسمع بغبغان ايه القرف ده
{ وليــد } :بغبغان تصدق انك واطي و حقير كمان وزباله
{ مازن } : وليد انت ماشي معايا ليه ها ماانت هتفضل لازقلي طول ما احنا مسافرين امشي من وشي انا بحلم و مش عايز حد يصحيني و لا اقولك همشي انا سلام سلام يا احمد.. ااا ... وائل...ااا ...وليد وليد سلام يا وليد
{ وليــد } : هههههههههه الواد اتهبل دي شكلها هتبقي سفريه زي العسل
مازن فضل ماشي لوحده طاير مش سامع حاجه غير صوت ريم و مش شايف حاجه غير كلمه طمني عليك ماشي سرحان طول الطريق لحد لما وصل بيتهم و اول ما دخل جري عالكمبيوتر و بعت ماسج لريم عشان تفتح نت و تكلمه
{ ريــم } : ازيك يا زيزو روحت بدري كده ليه
{ مازن } :عشان اكلمك
{ ريــم } : يا سلام
{ مازن } : مش مصدقاني و الله انا جاي جري عشان اكلمك
{ ريــم } : طب ليه يعني مفروض انك عندك سفر و تجهيز حاجات و كده
{ مازن } : لالالالا سفر ايه و تجهيز ايه دي حاجات عبيطه فكك المهم اني اتكلم معاكي
ريم اه يانا برده و بعدين معاك يا مازن نفسي ابعد عنك عشان تخرج من اللي انت فيه ده بس بجد مش قادره في حاجه غريبه بتشدني اوي ليك مش عارفه ايه هي نفسي افهم اللي فيا ده ايه حب و لا تعود نفسي
{ مازن } :ا ممكن و انا في السفر اكلمك كل يوم عشان اطمن عليكي
{ ريــم } : ايه كل يوم؟؟؟
{ مازن } :ايوه ده لو معندكيش مانع يعني
ريم: اه مانع ...لا معنديش مانع اوك
*ايه اللي هببتيه ده مانع ايه الل مش عندك انتي بتستعبطي اكيد ياريم...اعمل ايه بس مش بعرف ارفضله طلب معرفش ازعله ابدا ياربي انا معدتش فاهمه ايه اللي بيحصل ده يارب دبرني
{ مازن } : انتي بتروحي فين؟
{ ريــم } : لا ابدا معاك
دخلت ريهام اخت مازن عليه و هو بيكلم ريم عشان تساله عن حاجاته و شنطته هياخد فيها ايه عشان تحضرهاله و بسرعه نزل المحادثه بينه و بين ريم تحت عشان ريهام متشفهاش و قال لريم ثواني لكن ريهام خدت بالها و كانت واخده بالها من زمان ان مازن مش مظبوط و في حاجه متغيره و خصوصا انه بقي يقعد في البيت كتير و عالكمبيوتر طول الوقت بيتكلم مع بنت و مش عايز حد يشوف كلامه معاها خالص
ريهام اكبر من مازن بسنه بنت ذكيه اوي في كليه صيدله مؤدبه و رقيقه و بتحب مازن حب غريب مش مجرد اخ و اخت لا بتعتبره صديقها و حبيبها و كل حاجه مبتعرفش تخبي عنه حاجه و هو كمان مبيعرفش يخبي عنها حاجه ابدا بس الا دي
{ ريهـام } : بقلك يامازن هتاخد ايه معاك و انت.......
لاحظت ريهام ارتباك مازن اللي دايما بيبان عليه كل لما تدخل و يكون بيتكلم مع ريم
{ مازن } : عايزه ايه يا ريهام
ريهام شدت كرسي و قعدت
{ ريهـام } : عايزه اعرف اللي بيحصل بالظبط؟
{ مازن } : مش فاهم قصدك
{ ريهـام } : لا انت فاهم كويس مين البنت اللي بتكلمها دي و ليه بتخبي المحادثه اول ما ادخل
{ مازن } : دي ...دي ريم
{ ريهـام } : و بعدين ايه حكايتها بقي؟
{ مازن } : حكايه ايه لا حكايه و لا روايه؟
{ ريهـام } : مازن متنساش اني بفهمك اكتر من نفسك و بشوف الكلام في عنيك متخبيش عني و قولي في ايه بينك و بينها؟
{ مازن } : ...........
{ ريهـام } : رد عليا و الا بجد هقول لبابا يشيل الزفت النت ده من البيت خالص
{ مازن } :ريهام انا مبتتهدش و بابا بيثق فيا اوي و عارف اني مبعملش حاجه غلط
{ ريهـام } : بس كده يبقي في حاجه غلط و الا مكنتش خبيت عني و انت عمرك ما خبيت حاجه و خصوصا عني
{ مازن } :عايزه تعرفي ايه؟
{ ريهـام } :عرفتها ازاي و هي بنت مين ده لو عايزني اساعدك
{ مازن } : عرفتها من من النت
ريهام: ايه انت اتجننت نت نت ايه يا بيه اللي عرفتها منه
{ مازن } : وطي صوتك و اسمعيني للاخر ممكن
{ ريهـام } :: اتفضل اتكلم
{ مازن } : انا عرفتها من حوالي شهرين و بدأت اتشد ليها اوي مش عارف ليه غصب عني لقتها بتقرب من قلبي و حبتها بجد اوي يا ريهام من غير ما اشوفها و لا حتي اسمع صوتها
{ ريهـام } : و ده يبقي اسمه حب لا شفتها و لا سمعت صوتها و لا تعرف هي ايه و لا مين و لا بنت مين
{ مازن } : انا عارف عنها كل حاجه هي قالتلي عن كل حاجه عنها بنت ناس و اهلها ناس طيبين و محترمين و صوتها انا سمعته النهارده
{ ريهـام } : اه و صدقتها ماهي لازم تقول انها بنت ناس و انها محترمه و اهلها ناس طيبين امال يعني هتقول ايه؟
{ مازن } :بس انا واثق انها مبتكدبش عليا انا حاسس كده قلبي بيقولي كده
{ ريهـام } : اللي بيمشي ورا قلبه و مشاعره بيغلط كتير اوي يا مازن و انا مش عيزاك تغلط انت طول عمرك قلبك نقي بلاش تربط نفسك بواحده انت متعرفش عنها حاجه و ممكن في الاخر تطلع
{ مازن } : لا متكمليش ريم بنت كويسه صدقيني و بكره هثبتلك كلامي ده
{ ريهـام } : ياريت تقدر تثبتلي و تثبت لنفسك انا مش عايزه غير اني اشوفك فرحان و تلاقي البنت اللي تحبك و تحافظ عليك و تقدر حبك ليها و تكون بنت ناس طيبين زي ما قالت
{ مازن } : ان شاء الله هتطلع كده و احسن كمان بس انا عايزك تقفي جنبي هي مش هتصدق حبي ليها الا لو في حد من اهلي كلمها انا حتي مش عارف اعترفلها بحبي خايف تصدني او متصدقنيش و متكلمنيش تاني بجد مش هقدر انها تبعد عني
{ ريهـام } : انا هقف جنبك بس في حاله واحده بس لو ريم دي فعلا بنت كويسه و هتحبك و بجد و تخاف عليك غير كده انا هقف ضدك و هحاول علي قد مااقدر ابعدك عنها لاني مش عايزه اشوفك مجروح
{ مازن } : ربنا يخليكي ليا يااحلي اخت و انا ان شاء الله هثبتلك ان ريم دي احلي و اجمل و اادب بنت في الدنيا بس ربنا يقدرني الاول و اقدر اعترفلها بحبي و يارب يارب تكون بتحبني ان شاء الله نص حبي ليها
{ ريهـام } : يارب تقدر تثبتلي كده انا عايزه ايه غير ان حبيب قلبي يبقي فرحان
{ مازن } :ان شاء الله ... اوووبا انا نسيت البت و قاعد ارغي معاكي
{ ريهـام } : ههههههه ماشي امشي انا و اسيبك بقي تكمل
{ مازن } : طيب شرفتي الحبه دول متكرريش الزياره بقي تاني و النبي
{ ريهـام } : ههههههههه ماشي يا عم الحبيب
رجع مازن لريم و اعتذرلها جامد اوي و قالها ان ريهام كانت داخله تساله عن شويه حاجات عشان السفر بكره
ساعتها ريم قررت تساله سؤال محيرها اوي و ده اللي هيخلي القصه تحلو بجد

شارك الموضوع

مواضيع ذات صلة