قصة اخيرا قابلتك (الحلقة الرابعة ) رومنسية اوي

تتصل ريم بشهنده و تتطلب منها انها تقابلها
و بالفعل تروح ريم لشهنده البيت و تتكلم معاها و تحكيلها علي اللي حصل
{ريــم} : انا بجد محتاره اوي يا شهنده شايفه ان مش من حقي ارتبط بيه و لا افكر حتي في كده
{شهنده} : بصي ياريم اولا اللي حصل ده حاجه عادي و ممكن تحصل لاي حد
ثانيا ندي هي اللي ضغطت عليكي و رد فعلها كان عكس ما توقعتي خالص
و ده ان دل يدل انه عمرها ما حبت عمرو و ان اللي كانت فيه مجرد اعجاب مش اكتر
ثالثا انتي بتقولي انك معجبه بيه و انه انسان كويس يبقي ايه المانع
{ريــم} : انا خايفه ندي تكون بتقول الكلام ده من ورا قلبها
{شهنده} : زي ما قلتلك كده ندي لو كانت حبت عمرو بجد مستحيل هيكون ده رد فعلها صدقيني انا
{ريــم} : يعني انتي رايك اوافق
{شهنده} : برده فكري كويس و قولي لندي و شوفي رايها
{ريــم} : يعني انا لو وافقت مش هتبقي خيانه لصحبتي
{شهنده} : هتبقي خيانه ليها لو هي رفضت العلاقه دي و هي مش رافضه و عالعموم اساليها تاني
{ريــم} : بجد انتي ريحتيني اوي يا شهنده ربنا يخليكي ليا يارب
{شهنده} : و يخليكي ليا يا قمر
طبعا بعد حوارات كتير و بعد ما اخدت راي ندي و رحبت اوي و مااعترضتش وافقت ريم انها ترتبط بعمرو و طبعا كان طاير من الفرحه و فضلوا مرتبيطين ببعض فتره طويله و في يوم ــــــــ
في يوم ريم و ندي رايحين الدرس و كان عمرو و اسلام و سامح و الشله كلها قاعده بره و ريم و ندي داخلين من باب الشارع اللي فيه الدرس
{ سامـح } : بصوت عالي عشان يسمع ريم يا عمور هي حبيبه القلب مالها تقلانه عليك كده ليه ده انت حتي واقع فيها لشوشتك و الموضوع ريحته فاحت اوي
{ عمــرو } : بنرفزه : اتلم يلا بدل ما اربيك
{ سامـح } : ايه مش سامع هتعمل ايه؟
{ عمــرو } : هعمل كده
و قامت خناقه جامده اوي بين سامح و عمرو و محدش قدر يحوش عمرو عن سامح
ندي و ريم دخلوا الدرس و طبعا سمعوا كلام سامح و شافوا الخناق
{ نــدي } : سمعتي اللي سمعته؟
{ريــم} : ايوه سمعت
{ نــدي } : و عاجبك اللي بيحصل ده؟
{ريــم} : يعني هعمل ايه يا ندي ده انسان سافل اساسا
{ نــدي } : لا يا هانم الموضوع فعلا هو اللي كبر اوي و زاد عن حده
{ريــم} : يعني ايه؟
{ نــدي } : يعني مفيش قدامك حل غير انك تقطعي علاقتك بالواد عمرو ده احنا طول عمرنا في حالنا ميجيش واحد زي ده يضيعنا
{ريــم} : انتي ازاي بتقولي كده اقطع علاقتي بعمرو ازاي مش هو ده عمرو اللي كان عاجبك مش انتي اللي شجعتيني ارتبط بيه و حببتيني فيه بكلامك
{ نــدي } : بصي ده اخر كلام عندي يا ريم ياانا يا هو
{ريــم} : انتي بتخيريني بينك و بين عمرو طب ازاي؟
{ نــدي } : ده اللي عندي انا لازم اخاف علي سمعتي و مسمحش لحد انه يضيعها
{ريــم} : سمعتك!!!
{ نــدي } : ايوه سمعتي انتي مش صحيتي و اللي يمسك يمسني
{ريــم} : لا يا ندي هانم و انا مقبلش ان سمعتك تتمس باذي عن اذنك
و سابت ريم ندي و مشيت و راحت لاول مره قعدت لوحدها و طول الحصه مقدرتش تخبي دموعها و مش قادره تصدق ان صحبتها تتخلي عنها في اكتر وقت هي محتجالها فيه
_______________________________________
عمرو قاعد مش علي بعضه من منظر ريم هيتجنن و مش عارف يعمل ايه
{ عمــرو } : انا هتجنن يااسلام ريم بتعيط اكيد سمعت كلام الواد الزفت اللي اسمه سامح
{ اسـلام } : ماانت كمان عكتها بالخناقه اللي اتخانقتها معاه دي يا عمرو مكنش لازم تعمل كده الموضوع كده كبر اوي
{ عمــرو } : يعني كنت اسكتله و هو عمال يبرطم بالكلام ده
{ اسـلام } : و الله ما عارف اللي وصلك للمرحله دي انت مبتعرفش تخبي عنيك دايما فضحاك و للاسف هي كمان كده
{ عمــرو } : احنا مبنعملش حاجه غلط انا بحبها بجد و هي كمان يبقي فين الغلط
{ اسـلام } : خلاص يا عمرو ربنا يستر
الحصه خلصت و ريم طبعا خرجت لوحدها و مشيت و ندي جريت وراها
{ نــدي } : ريم استني
{ريــم} : عايزه ايه يا ندي؟
{ نــدي } : معلش متزعليش مني انا اسفه
{ريــم} : لا اسفه علي ايه انتي فعلا عندك حق انا اللي اسفه اللي خليت سمعتك تتمس
{ نــدي } : خلاص بقي يا ريم متزعليش مني
{ريــم} : خلاص يا ندي مش زعلانه
و مشيوا مع بعض لكن ريم مقدرتش تنسي الموقف ده ابدا من ندي و بينها و بين نفسها مبقتش بتعتبرها محل ثقه و بقت كمان مستنيه اللحظه اللي ندي هتبعد عنها فيها و تتخلي عنها و المقف ده كان فعلا سبب في تدهور علاقه ريم و ندي
{ اسـلام } : اهي هديت اهيه يا عم متزعلش نفسك بقي شكلها كانت زعلانه مع ندي
{ عمــرو } : اها شكلها فعلا كده بس انا و المصحف كنت ناوي لو السبب من الواد ده لكنت قاتله
{ اسـلام } : خلاص بقي قتل ايه و كلام فاضي ايه بص يا عمرو انا عندي الحل للمشاكل دي كلها
{ عمــرو } : ايه؟
{ اسـلام } : ريم لازم تسيب المجموعه دي و تروح مجموعه في يوم تاني خالص و تبعد من وش العيال دي
{ عمــرو } : ايه تسيب المجموعه طب و انا اشوفها ازاي ده اليوم الوحيد اللي بقدر اشوفها قدامي ساعه كامله
{ اسـلام } : لو بتحبها بجد و بتخاف عليها لازم تخليها تعمل كده الواد سامح بعد العلقه اللي خدها منك دي مش هيسكت و هيقعد يلقح عليها بالكلام في الرايحه و الجايه
{ عمــرو } : عندك حق يا اسلام لازم مكنش اناني انا هطلب منها كده و الاستاذ فعلا عمل مجموعه تانيه للبنات و طلب منها تروح فيها هي و ندي بس هي مرضيتش عشاني
{ اسـلام } : طب تمام اوي
فعلا طلب عمرو من ريم انها تروح مجموعه بنات و بدا يرتب نفسه انه يشوفها في اوقات دروس تانيه ليها صحيح اقل من الاول بس الحمد لله انه بيشوفها و بيطمن عليها بالتليفون علي طول و موضوع سامح هدي خالص
عدت ايام و شهور و سنين و علاقه عمرو بريم بتكبر و حبهم بيزيد بيتخانقوا و يتصالحوا لكن عمرهم ما جرحوا بعض بكلام يدايق و كانت احلي سنين عاشوها في حياتهم
لكن في يوم و بعد مرور 3 سنين علي علاقتهم ـ......!

شارك الموضوع

مواضيع ذات صلة