قصة (الحب كده )الحلقة 13

الحلقة (13)


ودخلت مريم نامت وهى مش مستوعبة اللى بيحصل......بس اقنعت نفسها انها فترة وهتعدى...........
صحيت مريم الصبح ولبست هدومها ونزلت وقابلت لما ولميا..............
مريم: انا عايزة اقولكوا على حاجة؟؟!!
لما: ما تقولى.
لميا: فى ايه يا مريم؟؟
مريم بتردد: انا....وكريم.....يعنى.....هنتجوز.
لما بفرحة: بجد؟؟
لميا: مبروك يا حبيبتى.
كانت مريم عايزة تحكيلهم الحقيقة....بس شافت فى عيونهم الفرحة...........
مريم: الله يبارك فيكوا.
لما: بس انتى شكلك متغير...زعلانة...معيطة....فى حاجة؟؟؟
مريم: لأ ابدا....المذاكرة وكده.
لميا: وصوتك متغير....انتى مخبية ايه؟؟
مريم: وهخبى ايه؟؟!!
لميا ولما بعدم اقتناع: ماشى.
مريم: هتبقوا معايا طول الشهر ده...متسيبونيش ابدا.
لميا: طبعا يا مريم.
لما: انا هبات معاكى يا بنتى.
مريم: ياريت والله.
لميا: امال فين مريم الصغيرة؟؟!!
مريم: اه صحيح مجبتيهاش معاكى ليه؟؟
لما: نايمة...وادهم نايم بردو.
مريم: انا عايزة اشوفها وحشتنى اوى.
لما: تعالى معايا.
مريم: اوكى.
لميا: انا همشى بقى.
لما: ليه ما تقعدى يا لميا؟؟!!
لميا: اصل مصطفى عازمنى على العشا...وانا الصراحة عايزة الحق البس.
مريم: اه طبعا يا بخته.
لميا: هههههههههههه هتتجوزى يابت قريب اسكتى.
مريم افتكرت انه مش جواز حقيقى ودمعت.............
لما: مريم....انتى فين؟؟؟
مريم: ها....معاكى يابنتى.
لما: طيب مش هنقوم.
مريم: اه اه ماشى.
ووصلوا الفيلا....كانت مريم صحيت........
مريم: اهلا اهلا...مريومة وحشتينى.
مريم: وانتى كمان يا خالتو مليم.
لما: يلا يا مريم الغدا جاهز.
مريم: لأ انا هقعد انا ومريومة شوية.
لما: تعالى يا بنتى.
مريم: لأ كلى انتى انا مش جعانة.
مريم: مالك يا خالتو؟؟
مريم: مفيش يا حبيبتى.
مريم: تعالى العبى معايا.
مريم بابتسامة: هنلعب ايه؟؟؟
مريم: مممممم...هنلعب بالعلوسة.
مريم: ماشى.
وفضلت مريم تلعب مع مريم الصغيرة.....واتبسطت اوى....كانت حاسة انها رجعت طفلة من تانى...........
وبليل........
مريم: الو.
كريم: ايوة يا مريم...انتى فين؟؟
مريم: انا عند لما.
كريم: طيب انا جاى اخدك.
مريم: اوكى.
كريم: سلام.
لما: ده كريم؟؟
مريم: اه.
لما: ايوة بقى.
مريم ابتسمت وقالت فى سرها: اه يا لما لو تعرفى الحقيقة.......
ووصل كريم عند لما..........
لما: مبروك يا كريم.
ادهم: مبروك يا عم والله وهتتجوز.
كريم: الله يبارك فيكوا.
لما: كريم...تعالا ثوانى.
كريم: نعم.
لما: هى مريم متدايقة؟؟....متخانق انت وهى؟؟؟...فى حاجة يعنى؟؟
كريم: لألأ ابدا...هى بس عشان موضوع عمى وتعبه وكده.
لما: طيب.
كريم: امال هى فين؟؟
لما: جوه بتلعب مع مريم الصغيرة.
كريم: طيب انا هدخل لها.
لما: اتفضل.
فتح كريم الباب ودخل براحة.......شاف مريم وهى بتلعب مع مريم الصغيرة.......افتكر ايام ما كان معاها وهما صغيرين....كانوا مع بعض على طول........
قرب عليها ومسك ايديها باللعبة............
اتخضت مريم وبصت لقته كريم.........
مريم: كريم؟؟!!
كريم: انا جيت عشان اخدك.
ردت مريم الصغيرة وقالت: انت عمو كليم؟؟
كريم بابتسامة: ايوة.
مريم: تعالا اقولك حاجة فى ودنك.
كريم قرب من ودنها وقال: نعم.
استغربت مريم جدا........
مريم: وانا بلعب مع خالتو مليم كل شوية كانت تقعد تقول وحستنى يا كليم...انا اسفة....وتتأسف كتير بس مش عالفة لمين....مكنش فى حد فى الاوضة غيلى انا وهى....وعمالة تقول اسفة..
ابتسم كريم ابتسامة واسعة وقالها: انتى متأكدة؟؟
مريم: ايوة ايوة....بس مين كليم ده؟؟
كريم بص لمريم الكبيرة وهو مبتسم....وعلامات الاستغراب على وشها جامد...........
مريم: انتوا بتقولوا ايه؟؟!!
مريم الصغيرة: لأ ابتا....كنت بقوله يجيبلى مصاصة.
كريم: اه اه.
مريم بنص عين: متأكدين؟؟!!
كريم: ايوة يا حبيبتى متأكدين.
استغربت مريم اكتر من كلمة حبيبتى....وادايقت فى نفس الوقت...............
مريم: مش يلا نمشى بقى؟؟
كريم: اه يلا.
مريم: متنساس المصاصة يا عمو كليم.
كريم: حاضر يا حبيبتى يلا سلام.
مريم: باى.
لما: باى يا مريومتى.
مريم: سلام يا حبيبتى.
لما: هبقى اجيلك بكرة بقى ننزل نجيب الهدوم.
مريم: ماشى وياريت تيجى بدرى والنبى يا لما.
لما: حاضر يا حبيبتى...مالك متوترة كده ليه؟؟
كريم: عروسة يعنى يا لما.
لما وهى بتغمزله: ايوة ياعم..
اتكسفت مريم بس من جواها مجروحة اوى وعارفة انها تمثيلية..................
كريم: مش يلا يا مريم؟؟
مريم: اه يلا.
وركبوا العربية وطول الطريق.....مريم ساكتة وباصة ناحية الشباك....كريم عايز يتكلم مع مريم....وبدأ الكلام....................
كريم: مريم.
مريم بانتباه: نعم.
كريم: انتى متدايقة من حاجة؟؟
مريم: لأ ابدا وهدايق من ايه؟؟
كريم: اصلك ساكتة ومش بتتكلمى.
مريم: لأ عادى...هقول ايه يعنى؟؟
كريم: عادى اتكلمى فى اى حاجة....متبقيش ساكتة كده؟؟!!
مريم: معلش يا كريم..مش قادرة اتكلم فى اى حاجة دلوقتى.
كريم: على راحتك.
وصلت مريم البيت واترمت على سريرها وعيطت جامد...........
وعدى الشهر على خير ولما ولميا مع مريم ومعاها ريم ويارا...ومش بيسيبوها ابدا...
كل يوم ومريم بتخاف اكتر من اليوم اللى قبله.....ياترى التمثيلية دى هتخلص على ايه؟؟؟....ياترى هطلقنى يا كريم؟؟!!............
ويوم الفرح...........
لما: انا مش مصدقة!!!....مريم الطفلة اللى كانت قد كده...هتتجوز....!!!!!!
مريم: هههههههههههههه عادى يا لولو.
لميا: ههههههههههههه يا بنتى تلاقيها متوترة.
يارا: احنا جينا.
جريت مريم عليها وحضنتها جامد وقالتلها: يارا...متسيبنش ابدا.
يارا بتهمس فى ودنها: اهدى يا مريم....عشان اصحابك ميحسوش عليكى حاجة.
مريم والدموع فى عنيها: مش قادرة يا يارا...مش مصدقة ان كل ده تمثيلية.
يارا: اهدى يا مريم عشان خاطرى.
مريم: حاضر.
يارا: هاى عليكم.
لما: اهلا ازيك يا يارا؟؟
يارا: الحمد لله كويسة...ازيك انتى يا لما؟؟
لما: الحمد لله.
مريم: امال ريم فين؟؟
يارا: ريم نزلت مع سيف...اصله مكنش اشترى البدلة...
مريم: كمان...ماشى ده انا هوريهم.
لميا: ههههههههههههه اهدى يا بنتى.
مريم: انا هادية اهو.
والباب خبط........
فاتن: مريم...الكوافيرة جت.
مريم بتردد: ماشى يا ماما.
يارا فى ودن مريم: ابوس ايدك تمسكى نفسك.
مريم: هحاول.
لما: يلا يا روما.
بدأ مريم قلبها يدق من كتر الخوف....وكل ما تخلص حاجة....قلبها يدق اكتر...ولما تحس ان خلاص كريم على وصول....وايده هتمسك ايديها.....تترعش وقلبها يدق بسرعة...................
لما: يلا يا جماعة كريم قدامه 10 دقايق ويوصل.
الكوافيرة: خلاص خلصنا.
كانت مريم زى القمر وبفستانها اللى كانت بتحلم بيه بس....لبسته وهى عارفة انه كدب..................
دخل ادهم اوضة مريم وقالها: بسم الله ما شاء الله قمر يا مريومة.
مريم شافت الفرحة فى عيون باباها.....اصطنعت الفرحة...........
مريم بابتسامة: شكرا يا بابا.
ادهم: يلا يا حبيبتى.
نزلت مريم ومكنتش رجليها سانداها ابدا.....كانت حاسة انها ومش قادرة تضحك او تعيط او تعمل اى حاجة..............
ونزلت لقت كريم مستنيها...........
اول ما كريم شافها حس ان حلمه اتحقق....بس كدبة...........
قرب عليها كريم وباسها من راسها...........
كانت مريم خايفة اوى بس لما كريم قرب عليها وحط ايده بين خدودها...اتطمنت شوية بس لسه خوفها جواها وبيزيد..........
وركبوا العربية وكانت مريم مكسوفة جدا ومتكلمتش........
ووصلوا القاعة وكانت مريم حاسة انها بتحلم ومش عارفة هتفوق من الحلم ده.....امتى وفين وازاى؟؟؟!!!!
قربوا عليهم لميا ولما..........
لما: مبروك يا كريم.
كريم: الله يبارك فيكى.
لميا: يخربيتك كريم زى القمر.
مريم: اتفضليه يا حبيبتى.
لميا: هههههههههههههههه.
ادهم فى ودن كريم: عايزك ترفع راسى الليلة.
كريم: والنبى يا ادهم تنزل من على ودانى مش ناقصك.
لما: بس يا ادهم ايه اللى انت بتقوله ده؟؟
ادهم: الله مش بعقله...وبعلمه.
لما: اسكت بقى.
وشوية وقربت يارا وريم....
مريم مسكت ايدها جامد وقالتلها..........
مريم: يارا متسبينيش.
يارا: اعقلى يا مريم وبطلى جنان.
مريم: والنبى يا يارا.
يارا: مريم اسكتى بقى.
مريم: انا مش عارفة اخرت الكدب ده كله ايه؟؟
يارا: اخرته خير..ان شاء الله.
مريم: يارب.
يارا: قوم يا كريم يلا خد عروستك وانزلوا ارقصوا.
مريم برقتلها جامد وقالتلها: نرقص ازاى؟؟
يارا: بس...اسكتى...عشان مفيش حاجة تبان عليكى.
مريم: حاضر.
كانت يارا الوحيدة اللى عارفة بموضوع التمثيلية بين كريم ومريم....بس عارفة ان مريم بتحب كريم وكريم بيحبها...........
ونزلت مريم ترقص مع كريم وكانت مكسوفة اوى.......بس حاسة ان كريم بيطمنها....كانت كل شوية عينه تيجى فى عنيها....ويبصوا كل واحد فى ناحية تانية.....كانت عايزة تصرخ بأعلى صوت وتقول دى تمثيلية بس مش قادرة تعمل كده....شافت الفرحة فى عيون الناس كلها....سكتت وحاولت تدارى دموعها.......
وخلصت الرقصة...وعدى اليوم على خير..........
ادهم والد مريم: خد بالك منها يا كريم.
كريم بابتسامة: دى فى عنيا يا عمى.
ادهم: يلا عشان تلحقوا معاد الطيارة.
مريم بدموع: سلام يا ماما.
فاتن: سلام يا حبيبتى...بس متعيطيش.
مريم: اول مرة اغيب عن البيت.
فاتن: هترجعى يا حبيبتى.
مريم: سلام يا بابا.
ادهم: سلام يا حبيبة بابا.
ومشيوا واستنوا معاد الطيارة....وركبوا الطيارة سوا..........
كريم: مبسوطة؟؟!!
مريم بتجاهل: عادى.
كريم: طيب انا هنام شوية.
مريم: طيب.
ونام كريم وفضلت مريم تبص عليه...وتتأمله....ونامت.....
صحى كريم بعد ساعة لقى مريم نايمة على كتفه....اتبسط اوى وفضل يبصلها.....وصحيت مريم....وبصتله وقالتله..........
مريم: احنا هنوصل امتى؟؟
كريم: فاضل ساعة.
مريم: طيب.
وعدت الساعة...مريم كانت بتقرأ رواية رومانسية.....وكريم كان كل شوية يبصلها وقاعد ساكت..........
ووصلوا الفندق ودخلوا السويت..........
كريم: انا تعبان اوى وعايز انام.
مريم: وانا كمان السفر هد حيلى.
كريم: نامى شوية وبعد كده نصحى وننزل.
مريم: ماشى.
وغيرت مريم هدومها ولبست بيجامة عبارة عن بدى كت وبنطلون برمودا.....ودخلت سريرها ونامت..........
ودخل كريم غير هدومه وطلع ولسه هينام..........
مريم: كريم.
كريم: نعم.
مريم: انت هتنام هنا؟؟!!
كريم: امال انام فين؟؟
مريم: معرفش...انا هنام على السرير هنا ولوحدى.
كريم: مريم ارجوكى... انا تعبان جدا وظهرى واجعنى.
مريم: وانا مليش دعوة...شوفلك اى حتة تنام فيها.
كريم: ماشى يا مريم.
وخد مخدته ونام على الكنبة....وبعد شوية....مكنتش مريم نامت....قامت من على السرير....وقربت عند كريم...ولمست خده بحنية...وقالت بصوت مسموع:
بحبك اوى يا كريم...كان نفسى يبقى جوازنا الحقيقى...بس مينفعش....انت مش بتحبنى...ليه؟؟...مش بتحبنى ليه يا كريم؟؟؟
سمع كريم كلام مريم ومكنتش الفرحة سايعاه....وكان نفسه يقوم ويقولها انا كمان بحبك....بس كان عايز يتأكد من حب مريم ليه...............
ونامت مريم وصحيت بدرى....لقت كريم لسه نايم.......
مريم بصوت واطى: كريم.
كريم: نعم.
مريم: قوم نام على السرير.
كريم: وانتى هتنامى فين؟؟
مريم: لأ انا مش هنام...انا هنزل اعوم شوية.
كريم: طيب... انا شوية وهبقى انزلك.
مريم: لأ خليك...انا شوية صغيرين وهطلع.
كريم: طيب.
ونام على السرير ومسكت مريم الغطا وغطته وبعد ما نام باسته فى راسه...وحس بيها كريم....وابتسم ونام..................
نزلت مريم ولبست المايوه ونزلت البيسين..........
سرحت وفضلت تفكر فى كريم وتتمنى انه يحبها فى يوم من الايام بس طبعا مستحيل بالنسبة له..........
وعدت ساعة ومريم لسه سرحانة.........
فجأة لقت شخص قرب عليها اتخضت..........
مريم:كريم... ايه اللى نزلك؟؟
كريم: عادى صحيت من النوم قولت انزل اعوم معاكى شوية.
مريم: ماشى.
وفجأة قربت عليهم بنت شكلها اجنبية....قربت عند كريم....وفجأة غطست....وطبعا نزل كريم يلحقها.......
كريم: are you okay??
البنت: yes
مريم كانت شايفاهم وساكتة ودموعها قربت تنزل وطبعا كريم اخد باله...........
قربت مريم عليه: ايه فى حاجة؟؟
كريم: لأ ابدا.
طبعا مريم بصت للبنت والبنت خافت وطلعت...........
اتبسط كريم اوى وقال لمريم.........
كريم: تيجى نتسابق؟؟
مريم: ماشى.
واتسابقوا وكسبت مريم السباق.....
واتسابقوا تانى بس..........
مريم: انا.
كريم شدها من ايدها بسرعة وقالها: لأ انا.
وطبعا مريم اتخضت ولفت دراعها على كتفه....وهو مسكها من وسطها............
حست مريم ان الموقف ده بيتكرر معاها...ومكنتش عايزة ده يحصل........
مريم: انا هطلع بقى.
كريم: طيب يلا انا طالع معاكى.
وطلعوا سوا اوضتهم....
كريم: البسى يلا عشان ننزل.
مريم: طيب.
ولبست مريم ونزلوا اتفسحوا.....كانت مريم مبسوطة اوى...وحاسة انها رجعت طفلة تانى.....
كريم كان مبسوط اكتر من مريم عشان اتأكد انها بتحبه..............
مريم: انا اتبسطت اوى النهاردة.
كريم: وانا كمان.
مريم: تصبح على خير.
كريم: وانتى من اهله.
مريم: كريم.
كريم: نعم.
مريم بابتسامة: تعالا نام على السرير.
كريم: اخيرا...انا ظهرى وجعنى اوى امبارح.
مريم: طيب يلا تصبح على خير.
كريم: وانتى من اهله.
نامت مريم وهى قلقانة....وحس بيها كريم...قالها.......
كريم: مريم.
مريم دورت وشها وبصتله وقالت............
مريم: نعم.
كريم: انتى قلقانة ليه؟؟
مريم: ازاى؟؟
كريم: انتى قلقانة وانا نايم جمبك صح؟؟
مريم اتكسفت ومردتش......
كريم: انا هقوم انام على الكنبة...بس متخافيش انا مش ممكن اعمل حاجة غصب عنك.
مريم: لأ خليك يا كريم...انا مش قلقانة ولا حاجة.
كريم بابتسامة: طيب نامى يلا.
مريم: ماشى.
غمض كريم عينيه وبعد شوية حس بايد بتلمس ايده......
فتح عينيه لقاها مريم نايمة وماسكة ايديه..ابتسم وخدها فى حضنه ونام..........
صحيت مريم لقت نفسها فى حضن كريم....اتكسفت جامد وعملت نايمة عشان متصحيهوش............
صحى كريم وبص لمريم وعمل انه نايم....وباسها فى خدها وقال...........
كريم: صباح الخير.
مريم اتكسفت اوى وقالت بصوت مقطع:ك...ك...كريم..ممكن تبعد عنى؟؟
كريم مصطنع النوم: سبينى انام يا ماما.
علت صوتها وقالت: كريـــــــم قوووم.
اتخض كريم وقال: فى ايه؟؟
مريم: ابعد عنى عشان عايزة ادخل الحمام.
كريم: انا اسف.
وجريت مريم على الحمام....ودخلت كانت مكسوفة اوى ولمست خدودها كانت سخنة اوى..........
وبعد ما طلعت مريم........

شارك الموضوع

مواضيع ذات صلة