قصة (الحب كده )الحلقة 14

الحلقة (14)


كريم: انا هدخل اخد شاور وننزل.
مريم: لأ انا مش قادرة انزل النهاردة.
كريم: انتى تعبانة؟؟
مريم: لأ بس مليش مزاج انزل.
كريم: خلاص انا كمان مش هنزل.
مريم: متربطش نفسك بيا...انزل... انا قاعدة فى الاوضة.
كريم: لأ انا قاعد معاكى..وهنطلب الفطار.
وطلب الفطار...وفطروا وقعدوا يتفرجوا على التليفزيون.........
كريم: تحبى تتفرجى على فيلم ايه؟؟
مريم: اى حاجة.
كريم: طيب.
واتفرجوا على فيلم....وجت لقطة فيه...........
مريم دورت وشها الناحية التانية وقالت..........
مريم: ممكن تقلب؟؟
كريم: ليه؟؟
مريم: مش شايف اللى فى التليفزيون؟؟
كريم بابتسامة: عادى على فكرة.
مريم: لو مقلبتش انا هقوم.
كريم بنظرة تحدى: مش هقلب.
وقامت مريم وكانت هتدخل الحمام مسكها كريم من ايدها وقالها.....
كريم: خلاص تعالى قلبت.
مريم: هات بقى الريموت وانا اللى هقلب.
كريم: طيب خدى.
جابت مريم فيلم رعب اللى اول مرة تجيبه وتسمعه....بس طبعا عشان معندهاش حل تانى.........
كريم: انتى بتحبى الرعب؟؟
مريم بخوف: لأ.
كريم: طيب تعالى نتفرج عليه وهتحبيه.
مريم باستسلام: معنديش حل تانى.
كريم: طيب.
وبردو مع كل لقطة تيجى كانت مريم بتنتفض من الرعب....بس مرة واحدة اترمت فى حضن كريم...........
وفضلت تعيط...........
كريم: بس اهدى.
مريم بعياط: انا خايفة اوى.
كريم: هههههههههههههه اهدى بس.
مريم: انا مش هعرف انام خالص النهاردة.
كريم: ليه؟؟... انا معاكى.
مريم: خليك جمبى يا كريم والنبى.
كريم: انا معاكى اهو...اهدى.
مريم بدأت تهدى وقالت: طيب.
وبعد ساعات نامت مريم بصعوبة ونام كريم من كتر التعب..............
صحى كريم من النوم لقى مريم لسه نايمة.........
نيمها على السرير ونزل اتمشى شوية......
يااااااااه يا مريم...كان نفسى اسمع منك كلمة بحبك....واخيرا قولتيها....بس لسه......
بعد ساعتين صحيت مريم وبصت جمبها ملقيتش كريم.....دخلت الحمام وطلعت......
كريم: بقيتى كويسة؟؟
مريم: اه.
كريم: طيب انا هنزل استناكى تحت عشان نفطر سوا.
مريم: طيب.
لبست مريم ونزلت لقت كريم قاعد سرحان.......
مريم: بتفكر فى مين؟؟
كريم: ها...لأ ابدا.
مريم: ممممم طيب.
كريم: النهاردة عندنا برنامج رائع....هنتفسح كتير.......
مريم بابتسامة: بجد؟؟
كريم: ايوة بجد.
واتبسطت مريم اكتر واكتر فى اليوم ده.......وكريم اتبسط هو كمان......
كريم: تعالى نتصور.
مريم: اوكى.
وقف كريم شخص وطلب انه يصورهم بس كانت الصورة مختلفة شوية....طلب كريم من مريم انها تقف وهو يقف وراها ويلف حواليها ويقربوا من بعض........
اتكسفت مريم جامد بس وافقت وجت عيونهم فى بعض.........
مريم: هاااا...اخيرا الصورة خلصت.
كريم بابتسامة: مكنتش عايزها تخلص.
مريم بكسوف: طيب يلا نطلع بقى.
كريم: زهقتى؟؟
مريم: لأ بس تعبت اوى وعايزة انام.
كريم: وانا كمان.
وطلعوا الاوضة.......
دخلت مريم الحمام وكانت هتاخد شاور خبط عليها كريم......
لفت مريم الفوطة حوالين جسمها وطلعت.......
مريم: نعم.
كريم: معلش انا كنت داخل اخد شاور وهدومى عندك ممكن تجبيهالى؟؟
مريم: اه ممكن... ثوانى.
وجابت الهدوم وطلعت.......
مريم: اتفضل.
كريم: انا هستناكى لحد ما تخلصى.
مريم: اوكى.
وطلعت مريم ولبست قميص طويل كت وعليه ليجن ودخلت سريرها ونامت...........
دخل كريم ياخد شاور وطلع لقى تليفونه بيرن...
كريم: الو....اه اهلا...انا تمام الحمد لله....انتى اخبارك ايه؟؟...طيب لما انزل مصر ان شاء الله.... لأ نايمة...اوكى ... سلام.
ادايقت مريم اوى وكانت دموعها هتنزل........
مريم: مين دى يا كريم؟؟
كريم استغرب اوى وقال: واحدة.
مريم: ايوة مين يعنى؟؟
كريم: هتفرق معاكى؟؟
مريم: اي....لأ لأ مش هتفرق ابدا.
كريم بابتسامة: امال عايزة تعرفى ليه؟؟
مريم: عادى وبعدين مش عايزة اعرف خلاص.
ووقفت فى البلكونة وجه كريم من وراها وحط ايده حواليها وقالها: دى طنط فاتن.
مريم ابتسمت ابتسامة واسعة اوى.....وادركت اللى بيحصل وبعدت بسرعة وقالت...........
مريم: طيب يلا تصبح على خير.
كريم: وانت من اهله.
ودخلت السرير ونامت وحست بكريم وهو داخل السرير............
وبعد شوية......دورت مريم وشها وبصت ناحية كريم.........
مريم: انت لسه صاحى؟؟
كريم: ايوة...مش جايلى نوم.
مريم: ممممممممم طيب.
كريم: انا هنزل اقعد تحت شوية.
مريم: وهتسيبنى لوحدى؟؟
كريم: لو عايزانى اقعد هقعد.
مريم: متسيبنيش لوحدى.
كريم بابتسامة: مش هسيبك لوحدك.
مريم: طيب تعالا تقعد فى البلكونة.
كريم: يلا.
ودخلوا قعدوا فى البلكونة وكل واحد غرق فى افكاره.................
قرب كريم على مريم وقالها............
كريم: مريم.
مريم: نعم.
كريم: هو انتى حبيتى محمد؟؟!!
مريم افتكرت محمد وعنيها دمعت وقالت.....
مريم: مش عارفة يا كريم...اول مرة احس انى محبتوش.
كريم: يعنى كنتى بتحسى ناحيته بأى حاجة بتشدك ليه؟؟
مريم: كتير كنت بحس الاحساس ده....يمكن عشان كان اول ولد اتعامل معاه....بس ساعات برجع وبقول ايه اللى انا بعمله ده...انا مش بحبه...وبعد كده اتحول تانى.
كريم حس براحة نوعا ما وقال: طيب....يعنى ليكى حب حقيقى؟؟
اول لما مريم سمعت الكلمة بصت لكريم جامد....
مريم: يمكن معرفش اجاوب.
ابتسم كريم ابتسامة واسعة وسرح.............
بعد ساعة فاق كريم على مريم وهى نايمة على كتفه...شالها ودخل بيها الاوضة ونيمها على السرير ولسه بيبعد عنها...مسكت مريم فيه زى الاطفال....ونامت فى حضنه...............
محمد كان نايم وصحى على صوت.........
مريم: خالو..خالو.
محمد بصوت نائم: مممم نعم.
مريم: قوم انا كيت.
شالها محمد وباسها من خدها وقالها: وحشتينى يا زئردة.
مريم: وانت كمان.
محمد: هفسحك النهاردة.
مريم: هيييييييييييييه بجد؟؟
محمد: ايوة.
ودخلت لما............
لما: قووم يا محمد كل ده نوم.
محمد: قومت اهو.
لما: عايزاك فى موضوع.
محمد: خير؟؟
لما: اطلعى بره شوية يا مريومة.
مريم: ماشى بس متتأخرش يا خالو عشان تفسحنى.
محمد: حاضر يا حبيبة خالو.
لما: بص يا سيدى.
محمد: نعم.
لما: انت طبعا فاضلك سنة وتخلص؟؟
محمد: اه.
لما: واحد صاحب ادهم عنده مستشفى كبيرة فى دبى...وعرض عليك بعد ما تخلص تسافر وتشتغل فى المستشفى دى.
محمد بعد تفكير: ممممممم ماشى هفكر كده.
لما: انا من رأيى توافق.. دى فرصة ومش هتتكرر تانى.
محمد: هفكر والله يا لما وان شاء الله هبلغك القرار بكرة.
لما بابتسامة: طيب يا حبيبى.
محمد: طيب يلا اوعى بقى.... عشان اخد مريومة وافسحها.
لما: ساعات بحس يا محمد ان انت اللى متعلق بمريم مش هى اللى متعلقة بيك؟؟!!
محمد افتكر مريم وكان نفسه يقولها انه لسه بيحبها..........
محمد: عادى يا لولو.
لما: لأ مش عادى.
محمد: هههههههههههههه ازاى يعنى؟؟
لما بصتله وقالتله بنبرة حزينة: انت لسه بتحبها؟؟
محمد بصلها واتغيرت ملامحه لحزن شديد وقال: مش قادر ابطل تفكير فيها.
لما: محمد...انت اللى عملت فى نفسك كده..انت اللى غلطان...انت اللى ضيعتها من ايديك..انت اللى قولتلها ان حبكوا وهم...صح ولا لأ؟؟
مقدرش محمد يتكلم وبص فى الارض.....
لما: بس انت لازم تنساها يا محمد...مريم اتجوزت كريم..وانا حاسة انها بتحبه........
قاطعها محمد وقال: لأ يا لما متكمليش..مش قادر اتخيل ان مريم اللى كنت بحبها..اتعامل معاها عادى واقولها يا مدام...كنت عايزها تلبس دبلتى..كنت عايزها تبقى المدام بتاعتى..كنت عايزها تقولى يا حبيبى ليا انا وبس..
لما بدموع: كنت...يعنى انت نفسك بتقول كنت..مش كل اللى بنحلم بيه لازم يتحقق..محمد...مريم شافت مستقبلها خلاص..شوف انت كمان مستقبلك..مش هتفضل كده..
محمد بدموع: مش قادر بحبها اوى.
لما خدت محمد فى حضنها وعيطت...
لما: انسى يا محمد...انسى..
محمد وهو بيمسح دموعه: انا هلبس بقى عشان اخد مريم ونخرج.
لما: طيب يا حبيبى... وانسى.
محمد: حاضر.
واخد محمد مريم وخرج......
صحيت مريم لقت نفسها فى حضن كريم.....
ولسه هتقوم لقيت كريم صحى....
مريم: صباح الخير.
كريم: صباح النور.
مريم: انا هدخل اخد شاور.
كريم: ماشى.
دخلت مريم اخدت شاور وطلعت لقت كريم نايم......
مريم: كريم.. قوم يلا انا طلعت.
مردش كريم وفضل نايم.....
مريم وهى بتحرك فيه: كريم..كريم
ومردش كريم...فضلت مريم تحرك فيه ربع ساعة ومفيش فايدة....
قعدت مريم جمبه وعيطت جامد....
كريم: بخ.
مريم اتخضت جامد لدرجة انها كانت هتقع من طولها....
مريم: كريم؟؟!!
كريم: هههههههههههههه ضحكت عليكى.
مريم بعصبية: لو سمحت يا كريم...متعملش كده تانى...والله العظيم ما هكلمك لو عملت كده تانى.
كريم: ههههههههههههههههههههههههههههههههههه.
مريم وهى متغاظة: انت بتضحك على ايه؟؟
كريم: ههههههههههههههههه عليكى.
مريم والدموع فى عنيها: بتضحك عشان كدبت عليا وعملت انك ميت...افرض مت فعلا.
كريم: خلاص يا مريومة انتى مكبرة الموضوع ليه؟؟
مريم: وانت شايف انه مش محتاج تكبير...مش هكررها كتير يا كريم... متعملش كده تانى.
كريم: حاضر..بس متزعليش انا اسف.
مريم: خلاص ماشى.
ودخل كريم اخد شاور وطلع ونزل مع مريم يفطروا.......
وهما خارجين من باب الفندق......
سارة: كريم...مش معقول ايه الصدفة التحفة دى؟؟
كريم بابتسامة: ازيك يا سارة..عاملة ايه؟؟
سارة: انا الحمد لله كويسة...انت هنا بتعمل ايه؟؟
كريم حضن مريم وقالها: انا هنا بقضى شهر عسل انا ومريم....اصل احنا اتجوزنا.
سارة: مش معقول؟؟!! مبروك.
مريم بابتسامة صفرا: الله يبارك فيكى.
سارة: انا فرحتلكوا اوى...ربنا يخليكوا لبعض.
كريم: شكرا يا سارة...عن اذنك.
وبعد ما مشيوا.......
مريم: هى سارة دى عارفة كل تحركاتك؟؟
كريم باستغراب: ازاى يعنى؟؟
مريم: يعنى لما كنا فى السخنة...قابلتها.....وهنا كمان قابلتها.
كريم: لأ متعرفش تحركاتى...بس عادى صدفة.
مريم: طيب.
كريم: تعالى بقى هنتفسح النهاردة فسح جامدة.
مريم بابتسامة: طيب.
اتبسطت مريم اوى....بس حست احساس غريب اوى....كريم بيعاملها بهدوء ورومانسية....ليه؟؟؟!!!....هو انت بتعاملنى كده ليه يا كريم؟؟!!....يعنى هيعاملك ازاى يعنى؟؟!!....هيضربك...وانتى تقولى هى دى المعاملة...لأ طبعا....بس انت غريب اوى...اوووف انا تعبت...........
مريم: كفاية يا كريم...انا تعبانة اوى.
كريم: طيب اطلعى...انا هتمشى شوية.
مريم: طيب..سلام.
كريم: سلام.
طلعت مريم اوضتها....وفضل كريم يتمشى لحد ما قعد فى كافيه....وقرب عليه شخص...........
سارة: هاى يا كيمو.
كريم: سارة..ازيك؟؟
سارة: انا الحمد لله كويسة.
كريم: واخبار دراستك ايه؟؟
سارة: تمام الحمد لله.
كريم: طيب تمام.
سارة: هسألك سؤال؟؟
كريم: اتفضلى.
سارة: هو اللى بيحب حد ومش عارف يقوله يعمل ايه؟؟
كريم: الاول...يتأكد من احساسه ناحيته...وبعدين يصارحه بحبه.
سارة: ممممم طيب...انت اتجوزت امتى؟؟
كريم: من 5 ايام بس.
سارة: كده متعزمنيش؟؟
كريم: والله يا سارة...الحكاية كلها تمثيلية.
سارة باستغراب: تمثيلية ازاى يعنى؟؟
كريم: هحكيلك.............
بعد ساعة.......مريم فى الاوضة وقلقانة ومش عارفة تنام....
لبست هدومها ونزلت اتمشت شوية....ودخلت كافيه.........
شافت كريم قاعد مع سارة.....دموعها نزلت جامد...كانوا بيضحكوا...جريت على الاوضة بتاعتها وقعدت على السرير وعيطت كتير اوى....واتصلت بـ يارا.........
مريم: الو.
يارا: مريم؟؟!!
مريم عيطت ومقدرتش تتكلم....
يارا: فى ايه يابنتى؟؟
مريم:.................................
يارا: طيب اهدى يا مريم...مش يمكن قابلوا بعض صدفة.
مريم: انا متأكدة انه قايلها ان احنا جايين هنا.
يارا: وايه اللى اكدلك كده؟؟
مريم: مش عارفة.
يارا بعد تنهيدة: طيب اهدى.
فضلت يارا تهدى فى مريم....ونامت مريم ودموعها على خدها..............
طلع كريم الاوضة.....شاف مريم نايمة....باسها من راسها......
حست بيه مريم وصحيت.......
كريم: اسف...صحيتك.
مريم بطريقة حادة: خلاص مفيش مشاكل.
كريم كان هينام بصتله مريم وقالتله......
مريم بنفس طريقتها: كريم...لو سمحت...انا عايزة انام هنا لوحدى.
كريم باستغراب شديد: ليه؟؟
مريم: كده.
كريم: انا مش هقدر اقوم.
مريم: خليك...انا هقوم.
وقامت مريم ونامت على الكنبة......
استغرب كريم جدا من مريم وطريقتها الحادة.......وبعد تفكير نام........
قرر محمد انه ينسى مريم....ويوافق على الشغل.......
صحى كريم الصبح لقى مريم نايمة...دخل اخد شاور وطلع...لقى مريم صحيت.........
كريم: صباح الخير.
مريم: صباح النور...هو احنا هنرجع امتى؟؟
كريم: مش عارف بس يمكن الاسبوع الجاى.
مريم: لأ انا عايزة ارجع بكرة.
استغرب كريم اوى وبصلها وقال: ده ليه؟؟
مريم: كده زهقت.
كريم: ماشى على راحتك.
مريم: وياريت...بعد ما نرجع...نطلق.
اتصدم كريم من كلمة مريم الاخيرة.....
كريم: فى ايه يا مريم من امبارح وانتى متغيرة؟؟
مريم بطريقة حادة: مفيش...وياريت نرجع بكرة...وورقة طلاقى تبقى عندى.
كريم: يــــاه...انتى بتتحدينى بقى.
مريم: اعتبرها اى حاجة...المهم اننا نرجع واطلق فى اسرع وقت.
كريم بعصبية: مش هطلق يا مريم.
فرحت مريم من جواها بس استغربت انه مش عايز يطلق.......
مريم بعصبية: وانت بتفرض عليا ليه اننا مش هنطلق...انا مش قبل ما نتجوز...اتفقت معاك على كده وانت وافقت.؟؟
كريم: عشان بح........ (كان كريم هيقولها بس سكت)
كريم: عشان فى حاجات كتير لازم تتعمل قبل الطلاق...وبعد كده نطلق.
مريم: بس انا مش مستحملة الوضع ده...انا عايزة التمثيلية دى تخلص وبسرعة.
كريم اتصدم من كلام مريم واستغرب من كلامها ازاى هى بتحبه وعايزة تطلق.....اسئلة كتير بتدور فى دماغه....مش لاقيلها اجابة...فاق من سرحانه وبص لمريم وقال: ماشى يا مريم.
ونزل بسرعة....وفضلت مريم قاعدة وبتعيط.........
وتانى يوم رجعوا مصر......
فاتن: اهلا اهلا...مريومة وحشتينى.
مريم: وانتى كمان وحشتينى اوى يا ماما.
كريم: ازى حضرتك يا طنط...امال عمى فين؟؟
فاتن: انا الحمد لله كويسة يا حبيبى...عمك جوه فى البلكونة.
مريم: انا هدخله..
كريم: وانا كمان.
ودخلوا البلكونة..لقوا ادهم قاعد وفى ايديه جرنال ونظارة....
كريم: عمى...ازيك عامل ايه؟؟؟
ادهم: اهلا اهلا اهلا بالعرسان...وحشتونى اوى يا ولاد...بس ايه ده؟؟....مقعدتوش كمان شوية ليه؟؟
مريم: اصل انتوا وحشتونا اوى قولنا ننزل بقى.
كريم لف ايده حوالين مريم وقال: اه وبعدين احنا زهقنا قولنا نيجى نكمل شهر العسل هنا.
اتضايقت مريم جدا من حركة كريم وسحبت نفسها بهدووء وقالت: امال فين ميرنا؟؟
ادهم: عند حمزة...ولما كمان هناك.
مريم: هروح اسلم عليهم.
كريم: خدينى معاكى.
بصتله مريم ومردتش....
خبطت مريم الباب عند لما........
محمد لما شاف مريم فرح اوى بس لما شاف جمبها كريم كشر......
مريم بابتسامة: ازيك يا محمد؟؟
محمد: انا الحمد لله ازيك يا مريم؟؟
مريم: الحمد لله..كويسة امال لما فين؟؟
محمد: جوه.
كريم: مش هتباركلنا ولا ايه؟؟

شارك الموضوع

مواضيع ذات صلة