قصة (الحب كده )الحلقة 6


الحلقة (6)


يوم الفرح كانت لميا ومريم بايتين عند لما من قبلها........
لما: ااااااااااااه انا متوترة اوى.
مريم: اهدى يا لما مش معقول كده.
لميا: لما انتى لازم تهدى ليحصلك حاجة.
مريم: انتى مش شايفة هى عاملة ازاى؟؟
لميا: اهدى يا حبيبتى.
لما: صحيح يا مريم هو كريم مش جاى؟؟
مريم: مش عارفة بس انا قيلاله ...استنى هكلمه.
كريم كان فى الشغل مريم اتصلت بيه بص فى التليفون لقاها مريم فرح اوى ورد........
كريم: مريومة وحشتينى.
مريم: ازيك يا كريم؟؟
كريم: الحمد لله يا حبيبتى.
مريم: انت هتيجى الفرح؟؟
كريم: مش عارف والله هشوف شغلى.
مريم: لأ والنبى يا كيمو تيجى متسبنيش لوحدى.
كريم: طب على فكرة بقى انا هاجى الفرح.
مريم بفرحة: هيييييييييييييييييه طيب بقولك؟؟
كريم: قولى يا حياتى.
مريم: البس كرافت لونها ازرق.
كريم: ده ليه يعنى؟؟
مريم: البس وخلاص الله.
كريم: هههههههههههههه خلاص خلاص هلبس.
مريم: اوكى يلا باى.
كريم: سلام.
بعد ما قفلت مريم مع كريم فضلوا لما ولميا يبصولها باندهاش..........
مريم: ايه مالكوا؟؟
لما: هو انتى وكريم بتحبوا بعض؟؟
لميا: مش معقول انتى يا مريم تعملى كده ياخبر.
مريم: ايه ايه... ايه اللى انتوا بتقولوه ده كريم اخويا مش اكتر وابن عمى وهو اللى باقيلى عادى اما ادلع عليه شوية.
لما بعدم اقتناع: ماشى.
لميا: مش مطمنة.... شوفى قلبى بيقولى حاجة تانية.
مريم: لأ يا روحى اطمنى قلبك بيقول بحبك يا مصطفى.
لما: مصطفى تعالا كل تورتة مصطفى تعالا نرقص مصطفى. (بدلع وتقليد)
لميا بارتباك وكسوف: على فكرة انتوا الاتنين رخمين اوى اوى فيها ايه يعنى.
مريم: مفيش حاجة يا حبيبتى براحتك.
احمد دخل على البنات واستأذن قبلها.......
احمد: لما الكوافيرة وصلت.
مريم: اوكى يا احمد دخلها.
لما: اوووووووف بدأنا.... خليكوا جمبى يا بنات متسيبونيش لوحدى.
مريم وهى ماسكة ايديها: حبيبتى احنا معاكى اهو.
لميا: لما اجمدى بقى.
ودخلت الكوافيرة وبدأت تجهز لما على اكمل وجه..........
محمد كان خلاص قرب يتجنن ويشوف مريم وجواه اسئلة كتيرة اوى بتطارده هى ليه بتعمل كده ليه بعدت اوى واتكلمت معايا بطريقة رخمة اخر مرة هو انا علمت حاجة دايقتها اووووووووف تعبتينى معاكى يا مريم...........
مريم طول اليوم مشافتش محمد خالص وتجنبت الكلام معاه وبدأت تهتم بلما والفرح وبس.........
الساعة 7 خلصت الكوافيرة تجهيز لما وكانت لما زى القمر وكانت لميا ومريم لبسوا وجهزوا مريم كانت لبسة فستان ازرق وفيه فصوص بتلمع ولميا كانت لبسة فستان لبنى ومنفوش من تحت..............
وصل ادهم ومعاه احمد وكان كريم وراهم واول ما وصلوا................
مريم: يلا يا لما ادهم تحت.
لما: لأ لأ لأ مش هنزل.
لميا: الحقينى ياما فى واحدة ليلة فرحها متنزلش مع عريسها يروحوا القاعة الناس هتقول ايه غصبينك عالجواز.
مريم: مينفعش كده يا لما يلا ادهم واقف تحت.
لما: اووووف طيب يلا خليكوا جمبى.
مريم بتكلم لميا: شكلنا كده هنبقى مكان العريس فى الكوشة دى بتقولك خليكوا جمبى.
لميا: انا عارفة انا حاسة ان انا وانتى اللى هندخل عليها بدل ادهم ايه الهبلة دى.
لما: بتقولوا ايه ها ها بتقولوا ايه وسايبنى هنا ماشية.
لميا: انزلى لعريسك بقى.
لما: اسكتى يابت.
واول ما نزلوا.................
ادهم لما شاف لما كان حاسس ان هو وهى بس اللى موجودين شاف جمال ورقة وكان بيقول لنفسه اخيرا بقيتى بتاعتى يا لما..................
ولما نزلت مريم وشافها محمد لتانى مرة كان عايز يبقى هو وهى مكان ادهم ولما...................
اما كريم فكان فى عالم تانى مكنش فى عنيه الا مريم ونفسه ياخدها ويطيروا..............
ادهم: لما بحبك.
لما: وانا بمووت فيك يا ادهم.
كريم: ايه ياعم اخلص يلا عايزين نروح الفرح.
مريم: انتوا تعرفوا بعض؟؟!!
ادهم: كريم كان متربى معايا فى نفس الحى اللى كنا قاعدين فيه بيته كان لازق فى بيتى الروح بالروح على طول مع بعض.
مريم: ومقولتليش ليه بقى يا سى كريم؟؟؟
كريم: حبيت اعملهالك مفاجأة, وبعدين ايه القمر ده.
مريم: ايه رأيك؟؟
كريم: عشان كده قولتيلى اجيب الكرافت ازرق.
مريم: ايووووووووون.
ادهم: يلا ياعم المسبلاتى يلا.
كريم: اهو ياخويا اركبى يا روما.
لميا ومصطفى كانوا فى عالم تانى مع بعض لوحدهم فى العربية وكانوا ماسكين ايدين بعض..........
محمد لما شاف مريم مع كريم ناره ابتدت تقيد وهيموت ويعرف مين كريم اللى مريم بتعامله عادى جدا كده........
وصلوا القاعة وكان ادهم ولما احلى عروسين وبدأت الرقصة slow وكريم رقص هو ومريم ومحمد كان قاعد ميت من الغيرة ومش قادر واحمد كمان كان غيران اوى اما مريم وكريم كانوا مبسوطين.................
محمد كان اتخنق اوى وقرر انه يطلع بره القاعة يشم هوا وقعد وكان بيفكر فى مريم وسرحان.. جت واحدة من وراه وحطت ايديها على عنيه............
ريهام: انا مين؟؟
محمد بضيق: ريهام.
ريهام: اه يا ميدو ممكن اقعد؟؟
محمد: اتفضلى.
ريهام: ايه مالك سرحان فى مين؟؟
محمد: لأ مش سرحان انا قاعد بفكر.
ريهام: فيا اكيد هههههههههههههههه.
محمد: هههههههههههههههههههه.
مريم كانت اتخنقت شوية وطلعت هى وكريم بره ولما شافت محمد وريهام اتخنقت اكتر وقررت................
مريم: كريم.
كريم: نعم يا حبيبتى.
مريم: يلا نروح.
كريم: ليه؟؟
مريم: يلا يا كريم.
كريم: طيب طيب.
ومشيت مريم ووصلت البيت وكانت مخنوقة جدا واترمت على سريرها وعيطت..............
لما وادهم وصلوا فيلتهم...............
لما: الحمد لله يا ادهم.
ادهم: الحمد لله يا حبيبتى اخيرا بقينا مع بعض فى بيت واحد.
لما: انا بحبك اوى.
ادهم: وانا كمان بموووت فيكى.
لما: طيب انا هدخل اغير الفستان واجى.
ادهم: طيب اتفضلى.
دخلت لما وغيرت هدومها وبعدين طلعت لقت ادهم قاعد عالسفرة وبياكل..........
لما: يااااه ده انا جعانة مووت.
ادهم: كلى تلاقيكى مكلتيش خالص.
لما: خالص والله.
وبعد الاكل..........
لما: انا دلوقتى جعانة نووووووم.
ادهم وهو بيقرب منها: انا جعان منك انتى.
لما وهى بتبعد: ازاى يعنى؟؟
ادهم بيقرب اكتر: زى كده. (وشالها)
لما: ادهم نزلنى.
ادهم: تعالى بس هقولك كلمة سر جوه.
لما: تؤ بطل يا ادهم.
ادهم: تؤ............................
صحيت مريم الصبح وحاولت تنسى محمد وحبها ليه وتبتدى حياة جديدة..................
شغلت مريم نفسها بلميا والخروجات معاها وشوية مع كريم لحد يوم النتيجة.................
كانت لميا ومريم خايفين اوى.........
مريم بايد مرتعشة: مش قادرة انا خايفة اوى.
لميا: اهدى بقى متخوفنيش اكتر ما انا قلقانة وبموت.
وطلعت النتيجة..........
مريم: هييييييييييييييييييييييييييييييييييييييييه انا جبت 99% هييييييييييييييييييه.
لميا: انا جبت 97.5 % هيييييييييييييه انا مبسوطة.
مريم وعنيها بتدمع: مش هتبقى معايا فى الكلية يا لولو مين اللى هيسلينى مين اللى هيرخم عليا مين اللى هيطلع عينى مين اللى هيغششنى فى الامتحان مين اللى هيعملى سندويتشات البطاطس اللى بتتحرق كل مرة وباكلها فى الاخر مين؟؟
لميا: ههههههههههههههههههههههههههههههههه هو انا رايحة المريخ ده انا هبقى فى هندسة مأذنبتش يعنى.
مريم: هتوحشينى.
لميا: وبعدين يابت ما انا معاكى ليل نهار اهو.
مريم: طيب تعالى اعمليلى البطاطس المحروقة وحشتنى.
لميا: من عنيا.
وهما فى الطريق قابلوا محمد.......
كان محمد بيعرف نتيجته واخيرا حلمه اتحقق وهيدخل طب وكان ماشى فى الطريق سرحان فى مريم اللى هيموت فى بعده عنها وفرحان بنتيجته قابل مريم فى الطريق كانت الفرحة مش سيعاه وقرب عليها هى ولميا عشان يسلم.........
محمد: مريم ازيك عاملة ايه؟؟
لميا: ازيك يا محمد؟؟
محمد: الحمد لله كويس ازيك يا مريم؟؟
مريم بطريقة حادة: الحمد لله يلا يا لميا.
محمد: استنوا عرفتوا النتيجة بتاعتكوا.
لميا: اه انت عملت ايه؟؟
محمد: جبت 99%.
لميا: مبروك ده نفس مجموع مريم.
محمد بص لمريم: بجد؟؟
مريم بملل: اه يلا بقى يا لميا.
لميا: طيب سلام يا محمد وابقى خلينا نشوفك.
محمد بحزن: سلام.
كانت مريم تقريبا بتموت من جواها وكانت فرحانة فرح بسيط انها شافته خصوصا انه كان واحشها اوى وكانت زعلانة انه مش بيحبها زى ما هى حبته اما محمد كان مخنوووق اوى وهيموت ويعرف ليه مريم بتعمل كده وايه السبب اللى يجبرها انها تتكلم معاه بالطريقة دى..........
روحت مريم البيت وفرحت باباها ومامتها..........
ادهم: مبروك يا مريومة.
فاتن: الف مبروك يا حبيبتى.
مريم: الله يبارك فيكوا.
ادهم: بخصوص المناسبة الحلوة دى هنطلع اسكندرية كلنا احنا وعمك حسين ولما وجوزها وولاد خالها.
مريم لما سمعت ولاد خالها عنيها دمعت وقالت...........
مريم: اوكى يا بابا اتفق معاه بقى.
ادهم: احنا متفقين وهنطلع بعد يومين ان شاء الله.
مريم: طيب عن اذنكوا هدخل اوضتى.
ادهم: اتفضلى.
ودخلت مريم اوضتها لقت تليفونها بيرن........
مريم: الو.
لما: عملتى ايه؟؟
مريم: مفيش ازيك حتى؟؟
لما: اخلصى.
مريم: جبت 99%.
لما بفرحة: بجد مبرووووووووووووك يا ميرو.
مريم بضحك: الله يبارك فيكى يا حبيبتى بقولك؟؟
لما: نعم.
مريم: اجهزى انتى وادهم عشان طلعين اسكندرية سوا احنا وبباكى وبابا وماما بعد بكرة.
لما: اوكى.
مريم: يلا باى.
لما: باى.
فضلت مريم قاعدة فى اوضتها ومش بتخرج منها ومبقتش تنزل ولا حتى بتشوف محمد ولا احمد وهما مستغربين جدا من اختفائها فجأة وعايزين يسألوا بس بأى حجة يسألوا...........
وجه يوم السفر......
ادهم: يلا يا مريم يا بنتى هنتأخر.
مريم: خلصت والله يا بابا.
ادهم: يلا انزلى انتى عشان هتركبى مع عمك حسين وانا وامك هناخد حمزة واحمد وادهم معانا.
مريم مركزتش فى كلامه وكانت بتظبط شعرها وقالت: طيب.
نزلت مريم لقت حسين والد لما بيحط بنزين فى العربية ووقفت تستناه وتستنى لما...........
وهى واقفة جه محمد من بعيد ومن وراها وقالها.......
محمد: مريم.
مريم اتخضت ودورت وشها لقت محمد قررت انها تمشى تقعد فى مكان تانى بس هو مسكها من ايدها وقالها......
محمد: انتى بتعملى معايا كده ليه؟؟
مريم كانت اول مرة ولد يمسك ايديها استغربت جدا وقالتله:
مريم: مينفعش اننا نتكلم وانت فى قلبك واحدة مينفعش تكلم بنت واحدة عليها اصلا.
محمد استغرب اووووى من كلامها ومكنش فاهمه:
محمد: انا مش فاهم حاجة؟؟!!
مريم: هههههه لأ فاهم.
محمد: والله ما فاهم حاجة اتكلمى بوضوح.
مريم: مينفعش تكون بتحب ريهام وعايز تكلمنى او تكلم غيرى.
محمد فضل يضحك جامد...............
مريم: ممكن اعرف بتضحك على ايه؟؟
محمد: ههههههههههههههههه ريهام!!..ريهام مين دى اللى احبها انا مبصتلهاش فى حياتى قبل كده... ريهام!! ههههههههههههههههههههههه ضحكتينى يا مريم.
مريم كانت فرحانة اوى وحمدت ربنا ان شكوكها طلعت غلط.......
مريم: مممممممممممممم اصل لقيتكوا بتضحكوا وبتهزروا وهى واخدة عليك اوى قولت يبقى بينكوا حاجة.
محمد: ههههههههههههههه انا ممكن اضحك واهزر مع كل البنات بس ده مش معنى انى بحبهم انا عايز فى قلبى واحدة بس تنسينى كل بنات الدنيا وقريب هلاقيها ان شاء الله.
مريم بكسوف: ربنا يعترك فيها.
محمد: يارب.
جت لما من وراها...........
لما: بخ.
مريم اتخضت جامد: حرام عليكى والله... وحشتينى يا جزمتى.
لما: ههههههههههههههههه وانتى اكتر يا بلغتى عاملة ايه من غيرى؟؟
مريم: وحشة اوى مين اللى هيصحينى بجردل الماية ومين اللى هيصوت فى ودنى بعد كده ومين اللى هيعملى مكرونة بشاميل وتطلع عجة مسكرة ومين اللى هيخلى العيش مبلول ويقول ده بان كيك ومين اللى هيخرجنى يفسحنى ويأكلنى فول وطعمية اهئ اهئ فراقك اثر فيا.
لما: ههههههههههههههههههههههههههههههه حبيبتى انا معاكى اهو مش هسيبك وبالمناسبة عملالك بان كيك.
مريم: بجد هييييييييييييييييييييه كده لما رجعتلى.
حسين: يلا يا ولاد.
مريم ومحمد: ماشى.
وركبوا العربية سوا ومريم ولما قعدوا يتكلموا لحد ما نامت مريم فى حضن لما بس لما اخترعت فكرة ونقلتها على كتف محمد من غير ما يحس ساعتها محمد فاق وشاف مريم نايمة على كتفه فرح اوى وكان شكلها زى الملايكة وبص لـ لما لقاها نايمة وبعديها فضل نايم وقبل الوصول بساعتين.....
صحيت مريم لقت نفسها نايمة على كتف محمد اتكسفت جامد........
مريم: انا اسفة اوى بس روحت فى النوم.
محمد: هههههههههههههههههه لأ ولا يهمك عادى.
مريم: شكرا.
محمد: نامى تانى لو حبيتى كتفى مباح للنوم 24 ساعة متواصلة.
مريم بكسوف: هههههههههههههههه لأ مش جايلى نوم اصلا.
محمد: مممممممممممممممم اخر مرة روحتى اسكندرية امتى؟؟
مريم: من سنتين.
محمد: انا روحتها السنة اللى فاتت.
مريم: مممممممممممم.
ولما وصلوا كانت الشقة كبيرة... مريم وميرنا وحمزة فى اوضة ومحمد واحمد وحسين والد لما فى اوضة ولما وادهم فى اوضة وفاتن وادهم فى اوضة...كانت مريم فرحانة بالاوضة اللى كان فيها 3 سراير ودولاب وكان شكلها جميل والشباك يطل على البحر وطلعت بعد كده الصالة لقتهم كلهم قاعدين...........
حسين: يلا يا ولاد عندنا برنامج من تخطيطى انا وعمكوا ادهم رائع هتنبسطوا اوى.
لما: بابا.... ادهم بردو يعرف اماكن هنا فى اسكندرية روووعة.
حسين: خلاص ماشى يلا هننزل.
فاتن: لأ يا ادهم انا هاخد ميرنا عشان عايزة تنام وانا كمان عايزة انام.
ادهم: خلاص ماشى مين قاعد تانى؟؟
لما: انا هنيم حمزة يا عمو وهبقى انزل انا ومريم بعدين.
حسين: كده مين تانى قاعد؟؟
محمد: انا هنزل شوية اقعد عالبحر يا عمى.
حسين: طيب يا حبيبى احنا هناخد احمد ونروح نظبط شوية حاجات ونحجز فى النادى.
محمد: خلاص ماشى هبقى اجيلكوا لما اخلص.
حسين: ماشى يا حبيبى سلام.
محمد: سلام.
ادهم: محمد انا جاى معاك.
محمد: تعالا.
ونزلوا قعدوا على البحر ومريم ولما كانوا فى الاوضة بينيموا حمزة وبيتكلموا..........
لما: تعالى بقى ننزل نلف فى المحلات وكده.
مريم: خليها بليل احسن يا لما دلوقتى تعالى ننزل البحر.
لما: بحر ايه انتى عبيطة احنا هندخل نادى المهندسين وهنقعد فى البيسين بحر ايه بس.
مريم: طيب خلاص ماشى.
ادهم ومحمد قاعدين عالبحر وكل واحد فيهم غرقان فى افكاره......
ادهم: يااااااااااااااه كل اللى حلمت بيه اتحقق الحمد لله.
محمد: عقبالى.
ادهم: انت لسه قدامك سنين على ما تخلص.
محمد: انا بحب واحدة بس لسه مقولتلهاش.
ادهم: الاحسن متقولهاش لحد ما تخلص.
محمد: ياريتها بس تبادلنى نفس الشعور.
ادهم: هى مش بتحبك؟؟
محمد: بالعكس انا حاسس انها بتحبنى بس مش متأكد.
ادهم: حاول تعرف منها بطريقة مختلفة.
محمد: هحاول..........
بعد شوية كان ادهم ومحمد طلعوا وادهم والد مريم وحسين واحمد وصلوا البيت ونزلوا كلهم وصلوا النادى وكانت مريم ولما مع بعض وميرنا وحمزة مع بعض.......
مريم ولما قاعدين وفاردين رجلهم وبيتكلموا ومحمد واحمد وادهم فى البيسين........
لما: تعالى ننزل البيسين.
مريم: نعععععععععععععم.
لما: تعالى يا مريم هننزل انا وانتى ونلعب مع بعض سيبك من اللى فى البيسين.
مريم: لأ لأ.
لما: ليه يا بنتى تعالى بقى.
ادهم والد مريم: انزلى يا مريم يا حبيبتى اقعدى فى البيسين شوية.
مريم بتنهيدة: طيب.
وراحوا اوضة اللبس ومريم اختارت مايوه احمر ولما اختارت مايوه بيكينى احمر بردو........
نزلوا البيسين ومحمد اتفاجئ بمريم وبعدين قعدوا يلعبوا مع بعض وادهم يشيل لما ويلف بيها ومريم واحمد يتسابقوا ومحمد يطلع من البيسين شوية ومريم وراه وبعدين يمسكوا ايدين بعض وينطوا سوا وفضلوا يلعبوا لحد ما...............

شارك الموضوع

مواضيع ذات صلة