قصة (الحب كده )الحلقة الاولي

} الحب كده{



مريم بنوتة جميلة ورقيقة جدا... بريئة... متعرفش حاجة وحشة فى الدنيا كل حياتها ضحك... وهتقلب نكد بعد كده.... بتحب كل الناس عندها 18 سنة ونفسها تحقق حلم حياتها وتدخل طب- شبه طويلة وعيونها زرقة وشعرها اسود.
اول يوم فى الاجازة كانت مريم سعيدة انها هتخرج....................
فاتن(مامت مريم): مريم قومى الساعة بقت 4 العصر.
مريم: ايه يا ماما انا فى اجازة.
فاتن: مقولناش حاجة يا حبيبتى قومى اصحابك كلموكى وانا قولتلهم نايمة.
مريم: طيب قايمة.
قامت مريم وغسلت وشها وخدت شاور وكلمت اصحابها.....
مريم: يا صباح العسل عليكى ابت الميا.
لميا: صباح... قصدك مساء ايه كل ده نوم هتخللى.
مريم: اعمل ايه ما انا قاعدة زهقانة.
لميا: me 2 ما انا كنت بكلمك عشان نخرج انا وانتى.
مريم: هنروح فين؟؟
لميا: تعالى نلف فى الشارع نعمل اى حاجة تمحى الملل ده.
مريم: هنلف ازاى والنبى.
لميا: مليش دعوة انا لازم اغور من ام البيت المخنق ده اشوف الدنيا... زهقت يا ناس.
مريم: انا بخاف نمشى لوحدنا يا لميا.
لميا: هأجر اتنين بودى جارد.
مريم: بجد؟؟
لميا: شوفى العبيطة.
مريم: طب اعمل ايه بس؟؟
لميا: يا بنتى متخافيش معاكى راجل.
مريم: راجل ازاى اسكتى.
لميا: طب اعمل ايه؟؟
مريم: اركنى على جنب على ما اشوف حد يخرجنا.
لميا: قشطااات.
مريم: يلا سلام.
قفلت مريم مع لميا وهى بتفكر تشوف مين الشخص المناسب اللى يخرجهم............
فاتن: مريم يلا عشان الغدا جاهز.
مريم: حاضر.
بعد الغدا دخلت مريم اوضتها وتليفونها رن........
مريم: جيت فى وقتك.
كريم: طب مفيش وحشتنى يا كيمو اى كلمة تبل الريق.
مريم: مش وقتك خالص.
كريم: امال فى ايه؟؟
مريم: تعالا خرجنا.
كريم: انتى ومين؟؟
مريم: انا ولميا.
كريم: هو مينفعش اخرج انا وانتى بس.
مريم: لأ مينفعش يا خفة نص ساعة وتكون تحت البيت.
كريم: اوامرك سلام.
مريم: سلام.
اتصلت مريم بـ لميا وهى فرحانة انها لقت حد يفسحهم.........
مريم: اجهزى.
لميا: عملتى ايه ومين اللى هيوصلنا ويخرجنا؟؟
مريم: كريم.
لميا: ايه ملقتيش غيره؟؟
مريم: ايوة واسكتى بقى ويلا البسى عشان نص ساعة وهنكون عندك.
لميا: طيب.
(كريم ابن عم مريم وبيحبها بس هى بتحبه زى اخوها بالظبط بالنسبة انها ملهاش غير اخت صغيرة وبس بتستعين بيه فى كل حاجة وهو على طول يقولها بحبك وهى مش بتهتم ابدا وبتاخد كلامه بهزار او بالاصح شايفة ان كريم بيقولها كده من حب الاخوة مش اكتر لأنها متعرفش فى الحب اى حاجة.....مجربتش لسه)
نزلت مريم لـ كريم..................
كريم: وحشتينى.
مريم: ازيك يا كيمو يلا عشان نروح على بيت لميا.
كريم بضيق: طيب.
وصلوا عند البيت ونزلت لميا وراحوا النادى وبعد كده..............
وهما فى الطريق...........
مريم: كريم وقف هنا هشترى حاجات كده من السوبر ماركت.
كريم: طيب استنى هنزل معاكى.
مريم: لأ انا هاخد لميا.
كريم: طيب.
ودخلوا..............
مريم: اتبسطى؟؟
لميا: كنت هتبسط اكتر لو سى كريم مكنش جه.
مريم: سيبك منه هو رخم بس نعمل ايه حظنا كده.
لميا: اغلس واحد شفته فى دنيتى كلها.
مريم: وانا كمان مشوفتش اغلس منه.
لميا: يلا عشان نمشى.
مريم: يلا.
وركبوا العربية ووصلهم كريم.................
مريم كانت فى اوضتها وبتفكر هتعمل ايه بكرة؟؟؟!!!....ونامت....
صحيت مريم على صوت مامتها..............
فاتن: مريم.
مريم: مممممممممم نعم.
فاتن: لما بره.
مريم: طيب وجاية ليه؟؟
فاتن: مش عارفة روحى اسأليها.
مريم: طيب.
طلعت مريم وسلمت على لما...........
لما: الاجازة دى حقيرة.
مريم: اوى.
لما: عايزة اخرج اعمل اى حاجة.
مريم: ما تيجى نروح انا وانتى ولميا السينما.
لما: لأ لأ سينما لأ تعالى نروح النادى ونتمشى بعديها.
مريم: طيب واكلم لميا.
لما: لأ متكلميهاش انا عايزة نروح انا وانتى لوحدنا.
مريم: ليه؟؟
لما: عادى عايزاكى انا وانتى.
مريم: اللى يريحك.
ونزلوا خرجوا النادى وهناك...............
قعدوا وبعديها اتمشوا شوية...........
مريم: لما تليفونك بيرن.
لما: اه استنى.
مريم: طيب.
لما: الو... اه احنا فى النادى... طيب ماشى... سلام.
مريم: هو فى حد جاى؟؟
لما: ايه اه ده محمد ابن خالى جاى عشان يوصلنا.
مريم: ما انا وانتى كنا هنروح لوحدنا لازمتها ايه بقى؟؟
لما: عادى يا ميرو وبعدين هو كان فى حته قريبة من النادى اصلا.
مريم: طيب.
بعد حديث طويل بين لما ومريم...........
لما: انا هروح الحمام.
مريم: وهتسيبينى لوحدى؟؟
لما: ايه يعنى يا مريم مش هتأخر.
مريم: طيب بسرعة.
لما: اوكى.
فضلت مريم قاعدة لوحدها لحد ما جه............
ولد طويل وشعره بنى خفيف وعيونه خضرة ولابس نظارة وجاى ناحية مريم........
محمد: لما.
مريم اتخضت جدا وبصت وراها.........
مريم: ايوة مين حضرتك؟؟
اول ما مريم دورت وشها وبصت ناحية محمد عنيها جت فى عنيه وفضلوا واقفين شوية من غير كلام خالص.....
محمد: انتى مين؟؟
مريم: انا مريم جارت لما..............
جت لما وسلمت على محمد...............
لما: ميدو حبيبى ازيك؟؟
محمد: الحمد لله كويس.
لما: اه مريم جارتى ومحمد ابن خالى.
مريم: اهلا.
محمد: ازيك؟؟
مريم: الحمد لله.
محمد: مش يلا يا لما.
لما: يلا.
وهما بيتمشوا.................
لما: محمد نفسه يدخل طب زيك يا ميرو.
مريم: اه ربنا يوفقه.
محمد: يلا عشان تطلعوا.
طلعت مريم وكانت على سريرها وبتفكر فى محمد اللى خطفها من اول نظرة...........
محمد هو كمان كان على سريره وبيفكر فى مريم اللى خطفته من اول نظرة.........
صحيت مريم وهى فرحانة و دخلت خدت شاور وطلعت لقت تليفونها بيرن بصت لقته كريم.........
مريم: الو.
كريم: وحشتينى مووووت.
مريم: ازيك يا كيمو؟؟
كريم: بخير طول مانتى بخير يا حبيبتى.
مريم: نعم.
كريم: ما تيجى نخرج.
مريم: هنخرج نروح فين؟؟
كريم: تعالى نروح مكان هيعجبك اوى.
مريم: اوكى هكلم لميا.
كريم: يااااااربى يادى لميا هى لميا دى ملازماكى فى كل حاجة. (بزعيق)
مريم: صديقة عمرى يا كريم وانت عارف كده كويس ومباخدش قرار غير بيها. (ببرود)
كريم: مش خارج يلا سلام. (وقفل السكة بسرعة)
فضلت مريم فى البيت قاعدة عالتليفزيون شوية وعلى النت شوية وبتلعب شوية...........
لحد بليل اتصل بيها كريم تانى............
ردت ببرود اوى.......
مريم: نعم.
كريم: البسى وتعالى ننزل ومن غير لميا.
مريم: ههههههههههههههه حاضر.
مريم: يلا سلام.
كريم: سلام.
قفلت مريم مع كريم ولبست لبس كاجوال عادى وفردت شعرها ونزلت..............
كريم: زى القمر.
مريم: مش يلا.
كريم: يلا.
وصل كريم ومريم المكان...........
مريم: الله المكان ده حلو اوى.
كريم: عشان تعرفى انى مش بجيب الحلو غير للحلو.
مريم: طيب يلا نقعد.
كريم: اتفضلى.
مريم: شكرا.
كريم: لأ تعالى اقعدى جمبى.
مريم: حاضر.
كريم: حضرلك الخير يا حبيبتى.
مريم: الهوا حلو اوى.
كريم: مش احلى منك يا مريومتى.
مريم: نفسى اعرف مش بتحب لميا ليه؟؟
كريم: كده بحس انها رخمة عايزة تعرف كل حاجة فى اى حاجة.
مريم: عشان انا مش بخبى عليها حاجة يا كريم.
كريم: طب فاكرة لما روحنا النادى وانا همست فى ودنك راحت قايلة بتقولوا ايه؟؟!!!
مريم: عادى يا كيمو بتسأل.
كريم: انتى عارفة اللى مصبرنى عليها ايه؟؟
مريم: ايه؟؟
كريم: انتى. (وقرب منها)
مريم: ممممممممم طيب يلا عشان نمشى. (وبعدت عنه)
كريم: احنا لحقنا قعدنا.
مريم: طيب.
كريم: مالك يا مريومتى فى ايه؟؟
مريم: مفيش يا كيمو.
كريم: بعشق كيمو.....واللى بتقولها.
مريم: هههههههههههههههههههه.
وبعد حديث طويل من الضحك والهزار مشيوا ووصلت مريم البيت.............
محمد فى البيت وقاعد بيفكر وعايز يكلم مريم بس مش لاقى حجة يكلمها بيها وكمان مش معاه نمرة تليفونها........
عدى اول اسبوع فى الاجازة ومريم كانت هتموت وتعرف حاجة عن محمد وكمان زهقانة ومش بتخرج من البيت......
مريم فى اوضتها وقاعدة بتلعب..............
فاتن: مريم.
مريم: نعم يا ماما.
فاتن: انا نازلة انا وابوكى وميرنا رايحين نعزى.
مريم: مين اللى مات يا ماما؟؟
فاتن: ده مرات واحد صاحب بباكى مش عايزة حاجة؟؟
مريم: طيب هتسيبونى لوحدى.
فاتن: انتى مبقتيش صغيرة وهتقفلى على نفسك بالمفتاح.
مريم: طيب.
فاتن: سلام.
مريم: سلام.
مشيت مامت مريم هى وباباها واختها الصغيرة وكانت مريم خايفة جدا انها تقعد فى الشقة لوحدها قررت انها تروح تقعد مع لما على مامتها وبباها ييجوا..........
لما: مريم...تعالى.
مريم: ازيك يا لما اسفة انى جيت فى وقت غير مناسب بس انا قاعدة فى الشقة لوحدى وخايفة.
لما: متقوليش كده يا ميرو تعالى البيت بيتك.
مريم: شكرا.
دخلت مريم واتفاجئت ان محمد عند لما واتخضت..........
محمد: ازيك؟؟
مريم: الحمد لله.
لما: تشربى ايه يا مريم؟؟
مريم: لأ شكرا يا لما.
وقربت منها وقالتلها فى ودنها: انتى مقولتليش ان فى ضيوف عندكم.
لما: عادى وبعدين هو محمد ضيوف....هما هيعيشوا معانا من دلوقتى..عشان قرروا يبيعوا الشقة.
مريم: لأ طيب تعالى ندخل الاوضة.
لما: هندخل الاوضة ليه ما تقعدى بقى متخلكيش رخمة.
مريم: طيب انا قاعدة اهو.
محمد: بتتوشوشوا بتقولوا ايه؟؟
لما: مفيش يا ميدو دى مريم كانت بتقولى على حاجة.
محمد: انا نفسى اعرف مش بتتكلمى ليه يا مريم؟؟
مريم: لأ بتكلم عادى بس مش بلاقى حاجة اقولها.
محمد: اتكلمى فى اى حاجة متبقيش ساكتة كده.
مريم: طب اقول ايه؟؟
لما: بقولكوا ايه تيجوا نلعب.
محمد ومريم: نلعب!!!!!!!!!!!!!!!!
لما: ههههههههههههههههههههه فى ايه ياعيال هو انا بقولكوا نهرب.. بقول نلعب.
محمد: لأ اصل انتى غريبة اوى نلعب ازاى؟؟
مريم: اه صحيح يا لما نلعب ازاى وانتى فى 2 كلية وكبيرة كده وانا فى تالتة ثانوى وداخلة كلية.
محمد: نستينى.
مريم: هههههههههههههههههههه معلش.
محمد اول مرة يشوف ضحكة مريم كان عايز يخبيها فى قلبه ومتطلعش الا ليه هو وبس وساعتها فضل متنح......
لما: محمد محمد روحت فين؟؟
محمد: ها موجود.
لما: ها ايه رأيكوا؟؟
مريم: ماشى بس هنلعب ايه؟؟
محمد: بس تكون لعبة حلوة مش بايخة شكلك.
لما: انا بايخة طيب ايه رأيكوا بقى هنلعب القطة العميا ودلوقتى.
محمد ومريم: ايه؟؟!!!!!!!
لما: من غير اى مناقشات خالص هروح اجيب المنديل.
مريم: طيب.
مريم كانت مسكوفة اوى عشان قاعدة مع محمد لوحدها وقررت انها تروح لـ لما.........
دخلت مريم الاوضة واتخضت جدا.............
لقت شاب طويل ومفتول العضلات وقاعد عالسرير وبيتفرج على ماتش...........
مريم: انا اسفة اوى لما تعالى.
وطلعت بره بسرعة...........
لما: والله مجنونة.
احمد فضل متنح من ساعة ما شاف مريم...........
احمد: هى مين دى؟؟
لما: دى مريم جارتى فى الشقة اللى جنبنا.
احمد: بس زى القمر.
لما: عيب عليك يا احمد دى صغيرة.
احمد: عندها كام سنة يعنى؟؟
لما: 18 يا حلو.
احمد: عادى هو انا عجوز انا عندى 22 سنة.
لما: لأ يا احمد مش ليك.
احمد: اطلعى يلا شوفى وراكى ايه؟؟
لما: طيب.
مريم كانت رجعت قعدت مع محمد.......
محمد: ايه مالك؟؟
مريم وهى بتنهج: مفيش.
لما: انا جيت.
مريم: انا همشى.
لما: ليه يا مريم؟؟
مريم: تعالى يا لما.
وخدتها ودخلوا الاوضة.......
لما: فى ايه؟؟
مريم: انتى مقولتليش ان عندك ضيوف.
لما: انتى عبيطة يا مريم ده احمد اخو محمد وابن خالى وقاعد فى الاوضة....وكمان هيعيشوا معانا عشان الشقة بتاعتهم هيبيعوها......وبيتفرج عالماتش ومش سمعاله حس فى ايه بقى؟؟
مريم: شكلى مش لطيف يا لما.
لما: لأ لطيف يا روح لما يلا بقى وفكى كده.
مريم: طيب.
لما: احنا جينا.
محمد: مالك يا مريم؟؟
مريم: مفيش حاجة اطمن.
محمد: طب كويس.
لما: يلا مين اللى هيبقى عليه الدور.
محمد: انتى يا لما.
لما: لأ انا خلونى فى الاخر.
محمد: طيب يبقى انا.
مريم: اوكى يلا.
وبدأوا يلعبوا وكان محمد مسك لما....ومسك مريم..... مسكها كأنه حاضنها...............
محمد وهو بيشيل المنديل من على عينه: احم انا اسف.
مريم وهى بتترعش: لأ ولا يهمك.
لما عشان تلحق الموقف: مريم تعالى ندخل المطبخ نعمل حاجة نشربها.
مريم: ياريت.
وجريت دخلت المطبخ........
لما: مالك فى ايه؟؟
مريم وعنيها بتدمع: انا اتحطيت فى موقف زبالة مشوفتيش كان ماسكنى ازاى؟؟
لما: عادى يا مريم مكنش شايف ولا هتقولى كان شايف وبيستعبط.
مريم: لأ بس كفاية لعب بقى وتعالى ندخل الاوضة.
لما: ماشى.
طلعوا من المطبخ ودخلوا الاوضة اما محمد كان دخل الاوضة التانية..........
لما: احمد اطلع بره.
احمد: ايه؟؟
لما: ايه؟؟؟ دى اوضتى يلا بره واتفرج عالماتش فى الاوضة التانية.
احمد: طيب.
مريم كانت حاطة راسها فى الارض وكان احمد نفسه انها ترفع راسها عشان يشوفها........
لما: يلا يابنى.
احمد: طالع.
طلع احمد وفضلت مريم ولما.....
مريم: اووووووووووووووووف اخيرا هنقعد لوحدنا.
لما: مالك يا بت مش على بعضك ليه؟؟
مريم: والله كويسة بس مش لطيفة انى اقعد مع 2 ولاد.
لما: مريم يا حبيبتى انتى لازم تجمدى شوية مش معقول هتفضلى طول عمرك قلبك ضعيف.
مريم: اعمل ايه بس يا لما يلا مش مشكلة.
لما: عاملة ايه؟؟
مريم: الحمد لله كويسة.
لما: قصدى مز جديد.
مريم: لأ طبعا انتى عبيطة.
لما: يا ميرو يا حبيبتى احنا فى عصر منفتح لازم تفكيها شوية.
مريم: لأ يا لما مش هنفتح زيك... وبعدين انا عايزة احب واحد ونتجوز بعد كده ولسه بدرى عليا.
لما: خليكى كده.
مريم: يلا بابا وماما جم هروح بقى.
لما: طيب يلا سلام.
مريم: سلام.....................

شارك الموضوع

مواضيع ذات صلة